San Mateo 16:17 - Kaqchiquel Bible

¹⁷ K'ari' ri Jesús xubij: Utz ruwa-aq'ij rat Simón Pedro ruk'ajol ri Jonás. Ri xabij, man wineq ta k'a ri xq'alajirisan chawech, xa kan jak'a ri nata' Dios ri k'o chila' chikaj.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Y ri Jesús xubꞌij chare: Kin jabꞌel roꞌaqꞌij, rat Simón rukꞌajol ri Jonás, porque ma jun ta wineq xqꞌalajrisan chawa ri xabꞌij, xa kin ja ri Nataꞌ kꞌo chikaj ri xqꞌalajrisan pe chawa.

Kaqchikel Santa Maria de Jesus

¹⁷ Y joꞌc xraꞌxaj quireꞌ ri Jesús, can ja xuꞌej cha: Atreꞌ Simón Pedro ri at rucꞌajuol ri Jonás, can jaꞌal caquicuot; ruma ri xaꞌej, man vinak ta xꞌeꞌn chava, xa ja ri Nataꞌ ri cꞌo chicaj.

Kaqchikel Central Guatemala

¹⁷ Y can xe xrac'axaj queri' ri Jesús, can jac'ari' xubij: Rat Simón Pedro ruc'ajol ri Jonás, can jebel c'a ruva-ak'ij, roma ri xabij chi ja yin ri Cristo ri Ruc'ajol ri Dios. Ri xabij man jun ta c'a vinek ri xk'alajirisan chavech, xa can jac'a ri Nata' Dios ri c'o chila' chicaj ri xk'alajirisan chavech.

Re C'ac'a Testamento pa Kach'abal

¹⁷ Y can xe xuc'axaj quire' re Jesús, can jare' tak xubij: Otz-abanoj rat Simón Pedro re yat ruc'ajol re jun ache rubini'an Jonás, roma re xabij che ja yen re Cristo re Ruc'ajol re Dios. Re xabij man vinak-ta c'a xbin chava, xa can jac'a re Nata' Dios re c'o chila' chicaj re xbin chava che quire' xabij.

Kaqchikel Western Solola

¹⁷ Y can xu (xe wi) xrac'axaj queri' ri Jesús, can yac'ari' xubij: Riyit Simón Pedro ruc'ajol ri Jonás, can jabel c'a ruwa'ak'ij, ruma ri xabij chi yin c'a riyin ri Cristo ri Ruc'ajol ri Dios. Ri xabij majun ta c'a winek ri xk'alajsan chawech, xa can ya c'a ri Nata' Dios ri c'o chila' chicaj ri xk'alajsan chawech.

San Mateo 16:17 ပူးပေါင်းရင်းမြစ်များ

San Juan 6:45

Kan tz'ibatel k'a chuqa' koma ri xeq'alajirisan ruch'abel ri Dios ojer kan, chi konojel k'a winaqi' xketijox roma ri Dios.*f8* Y ri achike k'a ri nrak'axaj ri ruch'abel ri nata' Dios y nretamaj, kan xtipe k'a chinukanoxik.

1 Juan 5:20

Y qetaman chuqa' chi xok'ulun yan qa ri Ruk'ajol ri Dios chuwech re ruwach'ulew. Rija' xuya' etamabel chiqe, richin xqetamaj ruwech ri qitzij Dios, roma ri' jun qabanon rik'in ri Dios y ri Jesucristo ri Ruk'ajol. Rija' kan qitzij Dios wi, y rik'in rija' peteneq-wi ri k'aslen ri man k'isel ta.

Gálatas 1:16

Y kan rurayibel-wi k'a richin xuq'alajirisaj ri Jesucristo ri ruk'ajol chinuwech; roma ri Dios kan in rucha'on richin ninbentzijoj ri Jesucristo chike ri ch'aqa' chik winaqi' ri man e nuwinaq ta. Y toq ri Dios ruq'alajirisan chik ri Jesucristo chinuwech, man xibe ta rik'in jun wineq richin xinwetamaj más.

1 Corintios 15:50

Ninwajo' k'a chi rix niwetamaj chi ri qach'akul ri qak'uan wakami man xtibek'oje' ta rik'in ri Dios chila' chikaj, roma ri qach'akul xa k'isel, y maneq ruq'a' chire ri rajawaren ri Dios ri man k'isel ta.

Efesios 3:5

Re' man kan ta q'alajirisan-pe chike ri winaqi'. Xa k'a ja re wakami roma ri Loq'olej Espíritu xq'alajirisex chiqawech roj ri oj taqon roma ri Cristo y chikiwech ri ch'aqa' chik rusamajela' ri yeq'alajirisan ri nibix chike roma ri Dios.

Wuj Richin ri Isaías 54:13

Yin kan xkentijoj k'a konojel ri iwinaq; konojel k'a rije' xkek'ase' rik'in ch'uch'ujil.

1 Juan 4:15

Y qonojel ri niqabij chi ja ri Jesús ri Ruk'ajol ri Dios, ri Dios kan k'o-wi pa qánima, y chuqa' kan jun qabanon rik'in.

1 Pedro 5:1

Wakami ninwajo' k'a ninbij ka'i-oxi' ch'abel chiwe rix uk'uey kichin ri qach'alal. Yin, jun chuqa' in uk'uey kichin ri qach'alal. Xaxe yin kan xintz'et ri Cristo toq xutej poqon. Y toq xtapon ri q'ij chi xtibeq'alajin ri ruq'ij-ruk'ojlen, yin xkik'oje' rik'in.

Efesios 2:8

Ri rutzil ri Dios xojrukol roma xqakuquba' qak'u'x rik'in. Roma roj man yojtikir ta niqakol-qi' qayon, kan ja ri Dios ri nisipan ri kolotajik.

San Juan 1:42

K'ari' ri Andrés xuk'uaj ri Simón, k'a rik'in ri Jesús. Y toq ri Jesús xutz'et, xubij k'a chire: Ja rat ri Simón ri ruk'ajol ri Juan. Wakami xtabini'aj k'a chuqa' Cefas, xcha'. Pa ch'abel hebreo ri Cefas nel chi tzij Pedro.

Hebreos 2:14

Roj ri oj ralk'ual chik ri Dios xa oj winaqi', xa qak'uan ri kik' y ri ti'ij. Y roma ri' ri Jesús xok chuqa' achi'el roj winaqi'. Rija' xken richin xch'akon chirij ri k'o kamik pa ruq'a'. Y ri k'o ri kamik pa ruq'a', ja ri Itzel-Wineq.

Efesios 6:12

Roj man kik'in ta winaqi' niqaben-wi labal, xa kan kik'in ri itzel taq espíritu ri k'o kuchuq'a' y k'o q'atbel-tzij pa kiq'a', espíritu ri q'equmatajineq ri kik'aslen y chuqa' itzel taq espíritu ri ek'o pa kaq'iq'.

San Lucas 22:32

Jak'a yin kan in ch'owineq-wi-pe rik'in ri Dios, pan awi' rat, richin keri' kan takuquba' ak'u'x wik'in. Jak'a toq xtitzolin-pe ak'u'x wik'in, tabana' chike ri ch'aqa' chik nutijoxela' chi kan tikikuquba-wi kik'u'x wik'in, xcha' ri Jesús.