San Mateo 16:1 - Kaqchiquel Bible

¹ Ek'o k'a fariseo y ek'o chuqa' saduceo ri xe'apon rik'in ri Jesús xaxe richin nikitejtobej, y xkibij k'a chire chi tubana' jun meyel banobel ri nipe chila' chikaj.

နောက်ထပ်ဗားရှင်းများ

Kaqchikel Santo Domingo (Xenacoj)

¹ Ri fariseos y ri saduceos xebꞌeqaqa apeꞌ kꞌo ri Jesús, y xkikꞌutuj chare chi tubꞌanaꞌ jun retal ruchuqꞌaꞌ ri Dios chikiwech, ri ndikꞌutu chi ja rijaꞌ taqayon pe richin.

Kaqchikel Santa Maria de Jesus

¹ Ri achiꞌaꞌ fariseos y ri achiꞌaꞌ saduceos xaꞌlka riqꞌuin ri Jesús chi niquiꞌan tentar, y xquiꞌej cha chi tubꞌanaꞌ jun señal chicaj.

Kaqchikel Central Guatemala

¹ Y jac'ari' tok ec'o achi'a' fariseos y ec'o chuka' achi'a' saduceos ri xe'apon riq'uin ri Jesús. Ri achi'a' ri' xe'apon riq'uin xaxe richin chi niquitejtobej ri Jesús, y xquibij c'a chire chi tubana' c'a chi c'o nibanatej chupan ri caj, richin tuc'utu' chi rija' can ja vi ri Dios takayon-pe richin, xecha' c'a.

Re C'ac'a Testamento pa Kach'abal

¹ Y jec'o achi'a' fariseos y jec'o chuka' achi'a' saduceos re xe'bapon riq'uin re Jesús. Re achi'a' re' xe'bapon riq'uin xaxe chin che niquitojtobej, y xquibij cha che can tubana' jun señal chicaj chin quire' can nuc'ut che ja re Dios takayom-pa richin.

Kaqchikel Western Solola

¹ Y yac'ari' tek yec'o achi'a' fariseos y yec'o chuka' achi'a' saduceos xe'apon riq'ui ri Jesús. Ri achi'a' ri' xe'apon c'a riq'ui ri Jesús ruma nicajo' niquitojtobej y xquibij c'a chare chi tubana' chi c'o jun retal nibanatej chuwech ri caj.

San Mateo 16:1 ပူးပေါင်းရင်းမြစ်များ

Wuj Richin Etamabel-Tzij 26:5

Y toq ri wineq ri' k'o nrajo' nuk'utuj chawe, kan taq'alajirisaj k'a chuwech, roma wi xa man jun yatikir nabij chire, nuch'ob chi rija' xa más runa'oj chawech rat.

San Mateo 12:14

Roma ri' ri fariseo kan xaxe xkitz'et kan ri', xebe y xbekimolo-ki' richin nikich'ob rubanik richin nikikamisaj ri Jesús.

San Mateo 15:1

Chirij ri' ek'o k'a ka'i-oxi' etamanela' chirij ri pixa' y ri fariseo ri xepe pa Jerusalem richin xech'on rik'in ri Jesús y xkibij chire:

San Mateo 16:6

Roma ri' ri Jesús xubij k'a chike: Tichajij-iwi' chuwech ri ch'amilej-q'or ri kik'uan ri fariseo y ri saduceo, xcha'.

San Mateo 19:3

Y ek'o k'a fariseo ri xe'apon rik'in, richin chi nikitejtobej, y xkik'utuj chire wi ruk'amon chi jun achin nujech-ri' rik'in ri rixjayil roma xabachike ok ri nibanatej.

San Mateo 22:15

Jari' toq ri fariseo xebe richin xbekiya' chikiwech richin achike ta jun nikiben richin chi ri Jesús nitzaq ta pa kiq'a' rik'in ri nubij.

San Mateo 22:18

Jak'a ri Jesús kan retaman-wi k'a ri nikinojij chirij. Roma ri' rija' xubij k'a chike: Rix xa ka'i' ipalej. ¿Achike k'a roma yinitejtobej?

San Mateo 22:23

Chupan ri q'ij ri' ri saduceo xe'apon rik'in ri Jesús. Rije' man nikinimaj ta chi ri kaminaqi' xkek'astej chik pe. Roma ri' xkik'utuj k'a chire.

San Mateo 23:2

Pa rubi' ri Moisés, e tz'uyul ri etamanela' chirij ri pixa' y ri fariseo richin nikich'ob rij ri pixa'.

San Mateo 27:62

Ri q'ij toq xmuq ri Jesús, ja q'ij chuqa' ri' toq ri winaqi' nikibanala' chik rutzil ronojel ri xtik'atzin chike ri ruka'n q'ij, roma jari' ri uxlanibel-q'ij. Pa ruka'n q'ij, toq ek'o chik chupan ri uxlanibel-q'ij, jari' toq ri aj-raqen pa kiwi' ri sacerdote y ri fariseo xkiben k'a chi xbekik'ulu-ki' chuwech ri Pilato.

San Mateo 5:20

Roma ri', rix ri niwajo' yixok chupan ri aj-chikajil ajawaren, kan nik'atzin k'a chi ri ik'aslen más ta choj chuwech ri kik'aslen ri achi'a' etamanela' chirij ri pixa' y chuwech ri kik'aslen ri fariseo.

San Mateo 9:11

Chiri' ek'o chuqa' fariseo ri xkitz'et ri', y xkibij k'a chike ri rutijoxela' ri Jesús: ¿Achike roma toq ri Jesús, ri itijonel, niwa' kik'in la e moloy taq méro y kik'in ri ch'aqa' chik winaqi' ri man nikitzeqelibej ta ri pixa'?, xecha'.

Marcos 10:2

Y jari' toq ri fariseo xe'apon rik'in, richin chi nikitejtobej. Rije' xkik'utuj k'a chire wi ruk'amon chi jun achin k'ulan nujech-ri' rik'in ri rixjayil.

Marcos 12:15

Jak'a ri Jesús kan retaman-wi chi rik'in ka'i' kipalej nikibij keri' chire. Roma ri' rija' xubij chike: ¿Achike roma yinitejtobej? Tik'ama-pe chuwe jun raqen saqipueq richin nintz'et, xcha'.

Marcos 12:18

Chuqa' xe'apon rik'in ri Jesús jujun chike ri saduceo. Rije' man nikinimaj ta chi ri kaminaqi' xkek'astej chik pe. Y roma ri' xkibij chire:

San Lucas 10:25

K'o k'a jun q'ij jun etamanel chirij ri pixa' xbeyakatej-pe y xbech'on rik'in ri Jesús, roma nrajo' nutejtobej. Y xubij: Tijonel, ¿achike nik'atzin richin ninben yin richin keri' ninwichinaj ri k'aslen richin q'asen?, xcha'.

San Lucas 11:16

Ek'o k'a ch'aqa' chik winaqi', ri xaxe richin nikitejtobej ri Jesús xkibij k'a chire chi tubana' jun chik meyel banobel, wi kan qitzij peteneq rik'in ri Dios.

San Lucas 20:23

Jak'a ri Jesús kan retaman-wi k'a ri nikinojij chirij. Roma ri' xubij chike: ¿Achike roma rix nitej iq'ij richin yinitejtobej?

San Lucas 20:27

Chuqa' xe'apon rik'in ri Jesús jujun chike ri saduceo. Rije' man nikinimaj ta chi ri kaminaqi' xkek'astej chik pe. Y roma ri' xkibij chire:

San Juan 8:6

Ri achi'a' ri' keri' xkibij xaxe richin nikitejtobej ri Jesús richin keri' yetikir yesujun chirij. Jak'a ri Jesús xa xluke-qa, y k'o k'a xerutz'ibaj-qa pan ulew rik'in ri ruwi-ruq'a'.

Hechos 4:1

Ri Pedro, rachibilan ri Juan, k'a nich'on na k'a chikiwech ri winaqi', toq xe'oqaqa jujun chike ri sacerdote y ri saduceo rachibilan ri uk'uey bey kichin ri achi'a' e chajinela' pa rachoch ri Dios.

Hechos 5:17

Jak'a ri nimalej sacerdote y jujun chike ri saduceo itzel k'a nikina' chike roma ri nikiben.

1 Corintios 1:22

Ri nuwinaq judío nikik'utuj chi k'o ta meyel taq banobel richin retal ri yebanatej, y ri winaqi' griego nikikanoj na'oj.