San Mateo 15:9 - Kaqchiquel Bible

⁹ Y toq niya' nuq'ij, xaxe nikamuluj pixa' ri e banon koma winaqi'. Keri' ri rutz'iban kan ri Isaías chiwij, xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Xa ma jun reqalen chi ndikiyaꞌ nuqꞌij, Porque kibꞌanun chare ri costumbres kikꞌutun kan ri ojer teq katit-kimamaꞌ, chi achel ta mandamiento enuyoꞌon yin. Keriꞌ ruqꞌalajrisan ri Isaías, xchajeꞌ ri Jesús.

Kaqchikel Santa Maria de Jesus

⁹ Xa man jun nicꞌatzin ri niquiꞌan antok niquiyaꞌ nukꞌij, nojiel ri ncaꞌquiꞌej antok ncaꞌquitijuoj ri vinak, xa quinoꞌj achiꞌaꞌ y niquiꞌej chi can jareꞌ tiꞌan. Quireꞌ ri rutzꞌibꞌan can ri Isaías.

Kaqchikel Central Guatemala

⁹ Xa can man jun c'a nic'atzin-vi ri niquiya' nuk'ij, roma xa e tijonel quichin quetamabal achi'a' y niquibij chi can jari' ri ruc'amon chi niban. Queri' ri rutz'iban can ri Isaías, xcha' ri Jesús.

Re C'ac'a Testamento pa Kach'abal

⁹ Xa can man jun nic'atzin-va che niquiya' nuk'ij, roma xa enseñanzas quichin achi'a' niquic'ut y niquibij che can jare' re ruc'amon che niban. Quire' re rutz'iban can re profeta Isaías, xcha' re Jesús.

Kaqchikel Western Solola

⁹ Xa majun c'a nic'atzin wi chi niquiya' nuk'ij, ruma ri ch'abel ri niquic'ut xa pixa' quiche (quixin) winek y niquibij chi can yari' ri rajawaxic chi niban. Queri' ri rutz'iban ca ri Isaías, xcha' ri Jesús.

San Mateo 15:9 ပူးပေါင်းရင်းမြစ်များ

Wuj Richin ri Isaías 29:13

Rix xaxe rik'in ri ich'abel niya' nuq'ij; jak'a ri iwánima xa kan k'o janila nej chuwe yin. Y toq niya' nuq'ij, xaxe nikamuluj pixa' ri e banon koma winaqi'.

Marcos 7:7

Y toq niya' nuq'ij, xaxe nikamuluj pixa' ri e banon koma winaqi', nicha' ri Isaías.

1 Timoteo 1:4

Chuqa' man tikiya' rejqalen ri tzij ri xa choj e tz'ukun-pe. Ni man tikinimirisaj-ki' roma ri rucholajen ri kibi' ri kati't-kimama', roma ronojel re' xa nuk'en-pe oyowal. Y man nuto' ta ri rubin kan ri Dios, ri rik'in kuqubabel-k'u'x niqanimaj.

Tito 1:14

y richin man chik kekak'axaj tijonik ri xa man jun rejqalen, ri nikibij ri winaqi' judío. Chuqa' man tikinimaj chik kitzij ch'aqa' chik winaqi' ri xa niketzelaj ri qitzij.

Hebreos 13:9

Man tiya' q'ij chi ja ri tijonik man e qitzij ta ri ye'uk'uan iwichin. Más ta utz chi rix nikuquba' ik'u'x rik'in ri tijonik ri nich'on chirij ri rutzil ri Dios, y man rik'in ta ri tijonik ri nich'on chirij ri yetij y xa man jun utz ruk'amon-pe chike.

Santiago 2:20

Rat xa yalan at nakanik rik'in ri ach'obonik. Xtink'ut na pe chawech wakami, chi wi nabij chi kuqul chik ak'u'x rik'in ri Dios y xa man naben ta ri utzilej taq banobel, xa man jun k'a nik'atzin-wi ri nabij.

1 Sam 25:21

Ri David k'a juba' tubij-qa: Xa man jun ajk'a xuq'ajuj ri xqachajij ri rukarne'l ri Nabal ri ek'o pa tz'iran ruwach'ulew richin man jun xsach kan chike, xa rik'in itzel xutojbej-wi ri utzil ri xqaben roj chire.

Deut 12:32

Kan tibana' k'a ronojel ri xinbij chiwe y man tiya' ruwi', ni man jun tiwelesaj kan chire.

Ex 20:7

Man chaq tinatala' ri nubi' yin Jehová ri i-Dios chaq keri'. Yin kan man xtinben ta chiwe chi maneq imak wi chaq ninatala' ri nubi' y man niya' ta wejqalen.

Wuj Richin Bix Chire ri Dios 73:13

Jari' k'a toq xinbij-qa chi xa man jun nik'atzin-wi chi ch'ajch'oj ri wánima, ni ri nuchajin-wi' richin man ninben ta ri etzelal.

Wuj Richin Bix Chire ri Dios 39:6

Kan qitzij na wi chi ri nuk'aslen xa kan chi'anin niq'ax achi'el jun mach'ach'il. Ri nukosik xa kan man jun rejqalen. Xinmol janila chi beyomel, jak'a man wetaman ta ri achike xtichinan kan.

Wuj Richin ri Chojmirisabelri'il 26:20

Kan man jun k'a xtuq'ajuj ri isamaj ri xtiben roma ri itiko'n kan man xtik'ase' ta chik y ni ta ri che' man xtikiya' ta chik kiwech.

Wuj Richin ri Chojmirisabelri'il 26:16

yin kan xtinteq k'a pe jun nimalej ruk'ayewal ri nuk'en-pe xibinri'il. Chuqa' xtinteq k'a pe jun nimalej yabil chiwij richin xtuk'is ri iwuchuq'a' y xtinteq k'a pe nimalej k'aten chiwij y xtipe k'a por pa runaq' taq iwech roma ri nimalej k'aten ri'. Y kan xkixmayamo' k'a qa. Ri itiko'n ri xtiben-qa kan man xtitej ta chik roma xa ja ri etzelanel iwichin xketijo.

Apocalipsis 22:18

Yin Juan ninbij chike konojel ri ye'ak'axan ri nuq'alajirisaj ri Dios chupan re jun wuj re', chi wi k'o jun ri nuya-el ruwi', ri Dios xtuya' ruk'ayewal pa ruwi'; achi'el ri ruk'ayewal ri e tz'ibatel chupan re jun wuj re'.

Wuj Richin ri Malaquías 3:14

Chuqa' nibij chi man jun nuq'ajuj chi yinisamajij yin, y man jun nuk'en-pe chiwe chi nitaqej ri nupixa'. Chuqa' nibij chi man jun rejqalen chi rik'in bis yixk'ase'.

1 Corintios 15:2

Y roma ri' xixkolotej. Jak'a nik'atzin chi rix man niya' ta kan, wi kan qitzij chi xinimaj, y wi man keri' ta, ri ikuqubabel-k'u'x man ta k'o rejqalen.

San Mateo 15:10

Chirij ri' ri Jesús xch'on kik'in ri janila chi winaqi' ri kimolon-ki' chiri', y xubij k'a chike: Tiwak'axaj k'a re xtinbij chiwe y tiq'ax-el chiwech.