San Mateo 15:31 - Kaqchiquel Bible

³¹ Kan roma k'a ri xuben ri Jesús kik'in ri yawa'i', ri winaqi' kan janila k'a xkimey. Xkitz'et k'a chi ri mema' rubanon kan, wakami yech'on chik. Ri man utz ta ri kiq'a', xek'achoj. Ri e jetz', choj chik yebiyin. Ri moyi', yetzu'un chik. Roma ri' ri winaqi' kan xkiya' k'a ruq'ij-ruk'ojlen ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

³¹ Y ri wineq ndisach kikꞌuꞌx atoq ndikitzꞌet chi ri emem ngechꞌaꞌa, ri kalaxibꞌen pe kamineq kaqen xekꞌachaj, ri yutuyeq kiqꞌa-kaqen chaj yan chik ngebꞌiyin, y ri esoqꞌ ngetzuꞌun yan chik. Y ri wineq ndikiyalaꞌ ruqꞌij ri Dios, ri ki-Dios ri israelitas.

Kaqchikel Santa Maria de Jesus

³¹ Y ruma ri xuꞌon ri Jesús quiqꞌuin ri ncaꞌyavaj, ri vinak can xaꞌchapataj; ruma ri i-miem, ncaꞌchꞌoꞌ; ri man otz ta ri quikꞌaꞌ, xaꞌcꞌachoj; ri ncaꞌjacajot ncaꞌin, can otz yan chic ncaꞌin; y ri muoy ncaꞌtzuꞌn yan chic. Rumareꞌ ri vinak can xquiyaꞌ rukꞌij ri Ru-Dios ri Israel.

Kaqchikel Central Guatemala

³¹ Can roma c'a ri xuben ri Jesús quiq'uin ri yava'i', ri vinek can achique la xquina' tok xquitz'et. Roma ri mema' tok rubanon can, vacami yech'on chic. Ri man utz ta ri quik'a' ri caken, xec'achoj. Ri e jetz', choj chic yebiyin. Ri moyi', yetzu'un chic. Ri vinek can xquiya-vi c'a ruk'ij-ruc'ojlen ri Dios ri richin ri Israel.

Re C'ac'a Testamento pa Kach'abal

³¹ Roma quire' xuban re Jesús quiq'uin re yava'i', re vinak can anchique-la xquina' tak xquitz'at. Re je mema' rubanon can, can ye'tiquir chic ye'ch'o. Re man otz-ta quik'a-cakan, xe'c'achoj. Re je cojos rubanon can, choj chic ye'biyin. Re moyi', ye'tzu'un chic. Re vinak can xquiya' ruk'ij re Dios, re Dios kachin yoj re yoj israelitas.

Kaqchikel Western Solola

³¹ Can ruma c'a ri xuben ri Jesús quiq'ui ri yawa'i', ri winek can xquimey tek xquitz'et. Ruma ri mema' tek rubanon ca, wacami yech'o chic. Ri ma utz ta ri quik'a' caken, xec'achoj. Ri ye cojo, choj chic yebiyin. Ri moyi', yetzu'un chic. Ri winek can xquiya' wi c'a ruk'ij ruc'ojlen ri Dios riche (rixin) ri Israel.

San Mateo 15:31 ပူးပေါင်းရင်းမြစ်များ

San Mateo 9:8

Ri winaqi' ri kimolon-apo-ki' ri chiri', kan janila k'a xkimey y xkiya' ruq'ij-ruk'ojlen ri Dios roma ruya'on-pe jun nimalej uchuq'a' chikikojol ri winaqi'.

San Lucas 18:43

Y ri achin kan jari' k'a xtzu'un, y xtzeqe-el chirij ri Jesús, y nuya' k'a chuqa' ruq'ij-ruk'ojlen ri Dios. Y konojel ri winaqi' ri xetz'eton chi ri moy xtzu'un, kan xkiya' k'a chuqa' ruq'ij-ruk'ojlen ri Dios.

San Lucas 7:16

Toq ri winaqi' xkitz'et ri xbanatej, xpe jun nimalej xibinri'il kik'in. Xkiya' chuqa' ruq'ij-ruk'ojlen ri Dios, y nikibila' k'a: Chiqakojol xbek'ulun-pe jun nimalej q'alajirisey ruch'abel ri Dios. Wakami ri Dios xuteq-pe jun ri niya'on rutzil chiqakojol roj ri oj rutinamit, yecha' ri winaqi'.

San Mateo 18:8

Xa roma ri' wi jun aq'a' o jun awaqen ri nibanon chawe chi yamakun, más ta utz nachoy-el y natorij-el. Roma más ta utz chi xaxe jun aq'a' o jun awaqen k'o y yatok chupan ri k'aslen ri man k'isel ta, ke chuwech ka'i' aq'a' y ka'i' awaqen k'o y xa chi tz'aqet yabetorix kan chupan ri q'aq' ri man jun bey xtichup.

San Mateo 9:33

Toq ri Jesús relesan chik ri itzel espíritu rik'in ri achin, ri achin ri' xuchop xch'on. Y ri winaqi' ri xetz'eton kan janila k'a xkimey y nikibij: Man jun bey k'a tz'eton chi kere' ta banatajineq wawe' pa ruwach'ulew Israel, yecha'.

San Juan 9:24

K'ari' ri fariseo xkoyoj chik k'a jun bey ri achin ri nitzu'un chik, y xkibij chire: Tabij chiqe ri qitzij ri xk'uluwachitej. Roj qetaman chi ri Jesús ri' jun achin aj-mak, xecha'.

San Lucas 14:21

Toq ri samajel xtzolin-apo rik'in ri rajaw, ronojel ri xbix-pe chire, xutzijoj k'a chire. Y roma ri' ri rajaw itzel xuna', y xubij chire ri rusamajel: Wakami k'a, kabiyin pa taq bey ri kojol jay y kebe'amolo' k'a pe ri man jun k'o kik'in, ri xa maneq jun kiq'a' ó jun kaqen, ri e jetz' y ri e moyi', xcha'.

San Lucas 14:13

Jak'a rat, toq k'o jun nimaq'ij pan awachoch, ke'awoyoj k'a ri winaqi' ri man jun k'o kik'in, ri winaqi' ri maneq kiq'a', ri e jetz' y ri e moyi'.

Marcos 9:43

Xa roma ri' wi jun aq'a' ri nibanon chawe chi yamakun, más ta utz nachoy-el y natorij-el. Roma más utz chi xaxe jun aq'a' k'o y yatok chupan ri k'aslen ri man k'isel ta, ke chuwech ka'i' aq'a' k'o y xa chi tz'aqet yabetorix kan chupan ri q'aq' ri man jun bey xtichup.

Marcos 7:37

Y rije' kan janila k'a xkimey, y nikibila': Ronojel ri nuben, kan utz nuben chire; roma nuben chike ri man ye'ak'ex ta, chi ye'ak'ex, y chike ri e mema' nuben chi yech'on, yecha'.

Marcos 2:12

K'ari' ri achin ri' xpa'e-q'anej y xuk'ol-el ri ruwarabel, y xel-el chikikojol. Rije' kan janila xkimey, roma man jun bey kitz'eton ta chi keri' nik'uluwachitej. Y xkiya' k'a ruq'ij-ruk'ojlen ri Dios y xkibila' k'a: Man jun bey qatz'eton chi kere' ta nibanatej, xecha'.

San Mateo 21:14

Ri chiri' chupan ri rachoch ri Dios, ek'o k'a e moyi' y jetz' ri xe'apon rik'in ri Jesús. Y rija' kan xeruk'achojirisaj-el.

Wuj Richin Bix Chire ri Dios 50:23

Ri sipanik ri niqa' chinuwech, ja ri matioxinik ri nipe pan iwánima. Y wi rix choj xkixbiyin chinuwech yin, kan xkixinkol k'a.

Wuj Richin Bix Chire ri Dios 50:15

Y kan kinawoyoj k'a chupan ri q'ij richin tijoj-poqonal. Y yin kan xkatinkol y rat kan xtaya' nuq'ij.

Ex 24:10

Y rije' xkitz'et k'a ri Dios richin ri Israel ri chiri' y ri akuchi pa'el-wi rija' jun k'a nimalej ripirik abej rubini'an zafiro, niyok'olin y ch'ajch'oj-ch'ajch'oj nitzu'un ri ruwi', kan achi'el ri kaj toq ch'ajch'oj-ch'ajch'oj ri ruwech.

Wuj Richin ri Rutikeribel 33:20

K'ari' xuben-q'anej jun porobel richin kamelabel y El-Elohé-Israel ri rubi' ri xuya'. Re bi'aj re' nel chi tzij, Dios jari' ri ru-Dios ri Israel.

Wuj Richin ri Rutikeribel 32:28

Y rija' xubij chire ri Jacob: Man xtabini'aj ta chik Jacob, xa kan xtabini'aj k'a Israel, roma xatej-aq'ij richin xach'ek ri Dios y ri achi'a'; y kan xach'akon, xcha'.

San Mateo 8:10

Toq ri Jesús xrak'axaj re' kan xumey k'a qa y xubij chike ri e tzeqelibeyon richin: Kan qitzij k'a ninbij chiwe chi kan man jun bey k'a wilon ta jun kuqubabel-k'u'x achi'el re', ni ta chupan chijun ri ruwach'ulew Israel.

San Mateo 9:32

Y toq xe'el k'a pe ri e ka'i' achi'a' ri xjaq-el runaq'-kiwech, jari' k'a toq ek'o ri xe'ok kan rik'in ri Jesús, kik'uan-apo jun achin ri memurneq roma k'o jun itzel espíritu rik'in.

San Mateo 15:30

Y kan janila k'a chi winaqi' ri xe'apon rik'in, y e kik'uan-apo yawa'i'. Chike ri yawa'i' ek'o ri man choj ta yebiyin roma e jetz', ek'o e moyi', ek'o mema', ek'o ri man utz ta ri kiq'a', y ek'o ch'aqa' chik ri jalajoj ruwech yabil nok chike. Ri winaqi' ri' yekiya' k'a apo ri yawa'i' chuwech ri Jesús, y rija' xeruk'achojirisaj.