San Mateo 15:24 - Kaqchiquel Bible

²⁴ Y ri Jesús xubij: Yin xitaq-pe xaxe chikikanoxik ri qawinaq judío ri man ek'o ta pa rajawaren ri Dios, xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

²⁴ Ri Jesús xubꞌij chake: Riyin yin taqon pe xe chikikanoxik ri israelitas ri kin eꞌachel karneꞌl esachineq, porque kiyoꞌon kan rubꞌey ri Dios.

Kaqchikel Santa Maria de Jesus

²⁴ Y ri Jesús xuꞌej: Inreꞌ xitak-pa joꞌc quichin ri israelitas, ri incheꞌl ri ovejas ri i-sachnak can, xchaꞌ.

Kaqchikel Central Guatemala

²⁴ Xpe ri Jesús xubij: Yin xitak-pe xaxe chiquicanoxic ri kavinak israelitas ri man ec'o ta apo riq'uin ri Dios, xcha' chique.

Re C'ac'a Testamento pa Kach'abal

²⁴ Xpa re Jesús xubij: Yen xintak-pa xaxe chiquicanoxic re kavinak israelitas re je'satzanak pa quimac.

Kaqchikel Western Solola

²⁴ Xpe ri Jesús xubij: Riyin xitak pe xaxu (xaxe wi) chiquicanoxic ri winek israelitas ri quibanon achi'el carne'l ri ye sachnek, xcha' chique.

San Mateo 15:24 ပူးပေါင်းရင်းမြစ်များ

Romanos 15:8

Keri' ninbij chiwe, roma ri Cristo xpe richin xojruto' qonojel roj judío, richin xuk'ut chiqawech chi ri Dios kan nuben-wi achi'el ri xubij chike ri ojer taq qati't-qamama'.

Hechos 13:46

Ri Pablo y ri Bernabé man k'a xkixibij ta ki' chikiwech richin xech'on kik'in y xkibij: Kan nik'atzin k'a chi nabey na chiwech rix ri qawinaq noqabij-wi ri ruch'abel ri Dios, jak'a rix xa man niqa' ta chiwech. Rik'in ri' kan niq'alajin k'a chi man ruk'amon ta chiwe rix ri k'aslen ri man k'isel ta. Roma ri' kik'in ri winaqi' ri man e judío ta ri yojbe-wi.

Ez 34:23

Xtinteq-pe jun rijatzul kan ri rey David ri nusamajel richin nok yuq'unel pan iwi'. Rija' xkixruchajij jebel.

Wuj Richin ri Isaías 53:6

Chiqajujunal k'a roj xqaben ri xqa' chiqawech, achi'el ri taq karne'l ri kitalun-ki', y chikijujunal nikikanoj kibey. Jak'a ri Jehová xuya' pa tijoj-poqonal ri rusamajel roma re mak re'.

San Mateo 9:36

Y toq xerutz'et ri janila chi winaqi', kan xujoyowaj k'a kiwech, roma kan kiyon ek'o y kitalun-ki'; achi'el nikiben ri karne'l toq xa maneq ri niyuq'un kichin.

Ez 34:16

Xkenkanoj k'a ri e sachineq, xkenwaq'omaj ri e sokotajineq y xkento' ri maneq kuchuq'a'. Kan xkenchajij k'a ri nuwinaq pa ruchojmilal. Jak'a ri k'o kuchuq'a' y e ti'oj kan xkenk'is.

San Mateo 15:23

Jak'a ri Jesús kan man jun ch'abel xubij chire ri ixoq. Jari' toq ri tijoxela' xejel-apo rik'in ri Jesús y xkik'utuj utzil chire chi tubana' chi nik'oje' kan re ixoq re', roma tzeqetel-pe chikij y ri ruch'abel kan k'anej nak'axex-wi.

San Mateo 18:11

[Roma yin, ri xiqaqa-pe achi'el wineq chi'ikojol, kan xipe k'a chikikanoxik y chikikolik ri ek'o pa mak.]*f25*