San Mateo 15:23 - Kaqchiquel Bible

²³ Jak'a ri Jesús kan man jun ch'abel xubij chire ri ixoq. Jari' toq ri tijoxela' xejel-apo rik'in ri Jesús y xkik'utuj utzil chire chi tubana' chi nik'oje' kan re ixoq re', roma tzeqetel-pe chikij y ri ruch'abel kan k'anej nak'axex-wi.

နောက်ထပ်ဗားရှင်းများ

Kaqchikel Santo Domingo (Xenacoj)

²³ Pero ri Jesús nixta jun achike xubꞌij chare ri ixaq. Xejel kꞌa apu ri discípulos apeꞌ kꞌo ri Jesús y xkikꞌutuj kamelal chare chi tutzꞌetaꞌ achike ndirajoꞌ ri ixaq chin nditzolij chirachoch, porque ndisikꞌin bꞌaneq apu chikij.

Kaqchikel Santa Maria de Jesus

²³ Pero ri Jesús man xchꞌoꞌ ta cha ri ixok. Y ri discípulos xaꞌjiel-apa riqꞌuin ri Jesús y xquiꞌej cha: Taꞌej cha ri ixok reꞌ chi ticꞌujieꞌ can, ruma patanak chikij y can altíra nisiqꞌuin nichꞌoꞌ.

Kaqchikel Central Guatemala

²³ Pero ri Jesús man jun ch'abel xubij chire ri ixok. Y ri tijoxela' xejel-apo riq'uin ri Jesús y xquibij chire: Tabana' chi tic'oje' can re ixok re', roma tzeketel-pe chikij y ri ruch'abel c'anej nac'axex-vi, xecha'.

Re C'ac'a Testamento pa Kach'abal

²³ Pero re Jesús man jun tzij xubij cha re ixok. Y yoj re yoj ru-discípulos xojelon-apo riq'uin re Jesús y xkabij cha: Tabij cha re ixok re' che ticanaj can, roma camas nurakala' ruchi' tzakatal chakij y re ruch'abal camas naj nic'axax-va.

Kaqchikel Western Solola

²³ Yac'a ri Jesús majun ch'abel xubij ta chare ri ixok. Y ri discípulos xejel apo riq'ui ri Jesús y xquibij chare: Tabij chare re ixok re' chi titzolin ca, ruma nurakala' ruchi' tzeketel pe chikij, xecha' chare.

San Mateo 15:23 ပူးပေါင်းရင်းမြစ်များ

San Mateo 14:15

Y toq xqaq'ij-qa chupan ri jun q'ij ri', ri rutijoxela' xe'apon rik'in y xkibij chire: Re wawe' xa nej k'o kan chire ri tinamit. Chuqa' janila xqaq'ij yan. Ke'ataqa' k'a el re winaqi' re' richin chi yebe pa taq kokoj tinamit ri ek'o-pe naqaj y tikiloq'o' kiway chiri', xecha'.

Wuj Richin ri K'uxla'anik 3:8

Stape' yisik'in richin nink'utuj to'onik, jak'a ri Jehová kan man nrak'axaj ta ri nuch'abel.

Wuj Richin Bix Chire ri Dios 28:1

Ja ri abi' rat ninnataj Jehová, nuto'onel yin. Man k'a tapoqonaj nak'uluba-pe ri nuch'abel. Roma wi keri' xa kan in ajlan chik k'a chikikojol ri kaminaqi'.

Deut 8:2

Y toqaqa k'a chi'ik'u'x ri tijoj-poqonal ri xqak'owisaj-pe toq xojruk'en-pe ri Jehová ri qa-Dios re kawineq juna' re', chupan re tz'iran ruwach'ulew, richin xqetamaj ta ri qasanri'il chuwech rija' y richin xojrutejtobej, chuqa' richin xretamaj ri achike k'o pa qánima y wi niqayek ri rupixa' o ni.

Wuj Richin ri Rutikeribel 42:7

Y rija' kan chi'anin k'a xretamaj kiwech chi jari' ri e rach'alal; jak'a xa xuben chi achi'el man xretamaj ta kiwech y rik'in royowal xch'on kik'in y xubij: ¿Akuchi k'a kixpe-wi rix?, xcha'. Y rije' xkibij: Roj oj peteneq chupan ri ruwach'ulew Canaán, richin yojoloq'on-el wawe', xecha'.

San Mateo 15:22

Y chiri' k'o k'a jun ixoq aj-Canaán ri xpe rik'in ri Jesús. Rija' roma bis, kan nuk'utula' utzil chire, y nubila' k'a rik'in ruchuq'a': Wajaw, rat riy-rumam kan ri rey David. Tajoyowaj nuwech y kinato', roma ri wal xten k'o jun itzel espíritu rik'in, y k'ayew rubanon pa ruq'a', xcha'.

San Mateo 15:24

Y ri Jesús xubij: Yin xitaq-pe xaxe chikikanoxik ri qawinaq judío ri man ek'o ta pa rajawaren ri Dios, xcha'.