San Mateo 15:18 - Kaqchiquel Bible

¹⁸ Ri nuben chi jun wineq man ch'ajch'oj ta, ja ri ch'abel y ri nojibel ri ye'el-pe pa ránima.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁸ Pero ri itzel teq achike ndubꞌij jun wineq rikꞌin ruchiꞌ, pa ránima ndel pe y jariꞌ ri ndichꞌabꞌaqrisan rukꞌaslen.

Kaqchikel Santa Maria de Jesus

¹⁸ Ri nibꞌano tzꞌil cha jun vinak, ja ri itziel tak tzij ri ncaꞌruꞌej, ruma nojiel reꞌ xa pa ránima ntiel-pa.

Kaqchikel Central Guatemala

¹⁸ Ri nitz'ilobisan richin jun vinek jac'a ri ch'abel, ri nojibel ri yepe riq'uin. Ri ye'el-pe pa ránima.

Re C'ac'a Testamento pa Kach'abal

¹⁸ Re nitz'ilbisan chin re vinak ja re itzel tak tzij y re itzel tak nojebal re ye'pa pa ránma.

Kaqchikel Western Solola

¹⁸ Yac'a ri itzel tak ch'abel ri nubij ri winek, can pa ránima c'a yepe wi, y ya c'a ri' ri nitz'ilobisan riche (rixin).

San Mateo 15:18 ပူးပေါင်းရင်းမြစ်များ

Wuj Richin Etamabel-Tzij 15:28

Ri ránima ri wineq ri choj ruk'aslen, kan nuch'ob na jebel ri nubij chire ri nik'uluben richin; jak'a ri pa ruchi' ri wineq itzel, kan yecholol ye'el-pe ri itzel taq ch'abel.

San Mateo 12:34

Roma ri' ja rix ri ix q'olonela', y chuqa' ix kijatzul kan ri itzel taq q'olonela'. ¿Kan yixtikir kami nibij ri utz, toq xa ja ri etzelal k'o iwik'in? Roma jun wineq kan jak'a ri k'o pa ránima ri nubij.

San Mateo 15:11

Ri nitz'ilobisan richin ri wineq man ja ta k'a ri nutej-qa nibanon. Ri nitz'ilobisan xa ja ri itzel taq ch'abel ri yepe rik'in ri wineq, xcha' ri Jesús.

Wuj Richin Etamabel-Tzij 15:2

Ri raq' ri chojmilej wineq, kan jebel k'a rubixik nuben chire ri etamabel; jak'a ri ruchi' ri xa maneq runa'oj, kan nuchololej ch'abel ri xa maneq rejqalen.

Wuj Richin Etamabel-Tzij 10:32

Pa ruchi' ri wineq ri choj ruk'aslen, ruyon utzilej taq ch'obonik ri ye'el-pe, jak'a pa ruchi' ri wineq banoy etzelal, ruyon yoq'onik ri ye'el-pe.

Wuj Richin Etamabel-Tzij 6:12

Jun wineq ri kan man jun utz ri pa ruk'aslen, ri kan itzel wineq, kan ruyon ch'abel richin q'oloj ri ye'el pa ruchi'.

San Lucas 19:22

Roma ri' ri rey xubij k'a chire ri samajel ri': Rat at jun itzel samajel. Ri tzij ri xabij, jari' ri xtinkusaj richin ninq'et-tzij pan awi'. Roma awetaman chi yin kan in k'a'el-wi, chi yin kan ninch'ojij-wi numéro ri akuchi xa man jun nuyakon ta, y chuqa' kan ninwajo' nink'ul ri nel-pe chuwech ri tikoj ri xa man ja ta yin xitiko-qa.

Wuj Richin Bix Chire ri Dios 36:3

Ri ch'abel ri yekibij, kan ruyon richin mak y q'oloj. Kan xk'is k'a kina'oj, y man nikiben ta ri utz.

1 Sam 24:13

Achi'el nubij ri tzij; ri itzel taq banobel nel-pe kik'in ri maneq Dios chikiwech, y xa roma ri' yin man xtinjeluj ta ri nuq'a' chawij.

Wuj Richin Etamabel-Tzij 4:23

Roma ri' rat kan jebel k'a tachajij-awi' chike ri ch'obonik ri yepe pan awánima, roma ja ri pan awánima nipe-wi ri rubanikil ri ak'aslen.

San Mateo 15:17

¿Kan man niq'ax ta k'a chiwech chi ri nutej-qa ri wineq xa choj pa rupan nibe-wi y k'ari' nel-el?

Marcos 7:20

Ri Jesús xubij chuqa' chi xa ja ri itzel ri nipe pa ránima ri wineq, xa jari' ri nitz'ilobisan richin.