San Mateo 15:14 - Kaqchiquel Bible

¹⁴ Xa ke'iya' kan la winaqi' la', roma rije' xa kan e moyirineq rik'in ri etamabel ri k'o kik'in, y yekiyuqej ch'aqa' chik ri xa e moyi' chuqa'. Y wi ri e moyi' yekiyuqej ri ch'aqa' chik moyi', xa kan junan k'a xketzaq pa taq jul, xcha' ri Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Rix ma jun achike tibꞌij chake. Rejeꞌ xa eꞌachel soqꞌ ukꞌuey bꞌey chikiwech chꞌaqa chik soqꞌ. Si jun soqꞌ ndukꞌuaj bꞌey chuwech jun chik soqꞌ, chi ekaꞌiꞌ ngebꞌetzaq pa jul.

Kaqchikel Santa Maria de Jesus

¹⁴ Quiꞌiyaꞌ can chireꞌ. Ijejeꞌ xa i-muoy quibꞌanun riqꞌuin ri cataꞌn, y ncaꞌquicꞌuaj nicꞌaj chic muoy. Y xa ri muoy nucꞌuaj jun chic muoy, junan xcaꞌbꞌatzak pa jul.

Kaqchikel Central Guatemala

¹⁴ Xa que'iya' can. Xa can e moyirinek c'a riq'uin ri etamabel ri c'o quiq'uin, y yequic'uaj ch'aka' chic ri xa e moyi' chuka'. Y vi ri e moyi' yequiyukej ri ch'aka' chic moyi', junan c'a xquetzak pa tak jul, xcha' ri Jesús.

Re C'ac'a Testamento pa Kach'abal

¹⁴ Xa tiya' k'ij chique, roma reje' can je moyi' riq'uin re quina'oj, y chuka' can ye'quic'uaj nic'aj chic re xa je moyi'. Y vo xa re je moyi' ye'quiyukej nic'aj chic moyi', xa can junan xque'betzak pa tak jul, xcha' re Jesús.

Kaqchikel Western Solola

¹⁴ Xa que'iya' ca. Xa ye achi'el moyi' y ye uc'uey quiche (quixin) nic'aj chic ri xa ye achi'el moyi' chuka'. Y wi ri ye moyi' yequiyukej ri nic'aj chic moyi', junan c'a xquetzak pa tak jul, xcha' ri Jesús.

San Mateo 15:14 ပူးပေါင်းရင်းမြစ်များ

San Lucas 6:39

Tiwak'axaj k'a re jun k'ambel-tzij re'. ¿K'o kami jun moy ri nitikir ta nuyuqej jun chik moy, y man ta yetzaq pa jul?

Wuj Richin ri Isaías 56:10

Rix ix chajinela' pa kiwi' ri israelita, ri ixk'o pa ruwi' ri tz'aq, rix ix moyirineq. Chi'iwonojel rix xa kan man jun nitz'et. Iwonojel rix ix achi'el tz'i' ri yechajin, jak'a man yixtikir ta yixba'on. Xa kan choj ixk'o keri', kan jebel nina' y xaxe waran niben.

Wuj Richin ri Malaquías 2:8

Jak'a rix ri ix sacerdote xa kan xijech'ej kan iwi' wik'in yin Jehová ri in k'iytisanel richin ronojel, y roma ri' kan e k'iy ri xkixolq'otij kan ri pixa'. Y rik'in ri' kan xiq'ej ruwi' ri nujikibel-tzij ri xinben rik'in ri Leví.

Wuj Richin ri Isaías 9:16

Chuqa' ri q'atoy taq tzij xa kan yekiq'ol ri winaqi', richin rije' yesach-el.

2 Pedro 2:1

Ri ojer kan, chikikojol ri nuwinaq judío xek'oje' q'alajirisanela' ri xa man e qitzij ta. Y keri' k'a chuqa' chi'ikojol rix xkebek'ulun-pe winaqi', xtikiben chi ja ri ruch'abel ri Dios ri nikik'ut, jak'a xa man qitzij ta. Y re' xaxe richin nuyoj kich'obonik ri winaqi'. Re tijonela' re' man xtikinimaj ta chi ri ajaw xken richin xutoj ri kimak. Keri' xa pa kiwi' rije' nikoyoj-wi ri tijoj-poqonal.

Wuj Richin ri Jeremías 5:31

Ri nikibananej chi e q'alajirisey nuch'abel xa ruyon tz'ukun taq tzij ri xkiben; ri e sacerdote nikiq'et-tzij achi'el ri nikajo' rije' y ri nutinamit ja ri keri' ri nikajo'. ¿Achike k'a xtiben rix toq xtapon ri q'ij richin ri q'atoj-tzij?

Wuj Richin ri Isaías 42:19

¿Achike kami ri moyi'? Ja rix israelita ri ix nusamajela'. ¿Achike kami ri e tokon? Ja rix ri ix nutaqonela'. ¿Achike ta k'a ri moyi'? Ja rix ri xixincha' richin yinisamajij.

Apocalipsis 22:15

Jak'a ri itzel kik'aslen, man xke'ok ta chupan ri tinamit. Keri' chuqa' ri aj-itza', ri achi'a' y ri ixoqi' ri nikikanola-ki' richin yemakun, ri kamisanela', ri yeya'on kiq'ij ch'aqa' chik dios, y ri kan niqa' chikiwech nikitz'uk-tzij.

Apocalipsis 19:20

Jak'a ri keq rij chikop xchap el, rachibilan ri jun achin ri nibin chi q'alajirisey ruch'abel ri Dios y xa man qitzij ta, ri xerubanala' meyel taq banobel chuwech ri chikop, ri rik'in ri' xeruq'ol ri winaqi' richin chi xkik'ul ri ketal nik'aj-kiwech o ri pa taq kiq'a', y kan kiya'on-pe ruq'ij ri ruwachibel ri chikop. K'ari' ri chikop y ri jun ri xeq'olon ri winaqi', kan e k'es xek'aq chupan ri q'aq' ri achi'el choy ri xolon rik'in chuwilej-abej ri nik'a'on.

2 Pedro 2:17

Y ri man e qitzij ta tijonela' xa maneq kejqalen; xa e achi'el alaxbel-ya' ri xa chaqi'j chik, e achi'el sutz' ri uk'uan roma jun nimalej kaq'iq'. Ri Dios kan ruchojmirisan chik jun nimalej q'equ'm richin tijoj-poqonal chike rije'.

1 Timoteo 6:5

Beneq-ruwech nuben oyowal junan kik'in ri ch'aqa' chik ri yojtajineq kina'oj, y man ketaman ta ri qitzij ruch'abel ri Dios, ri xa nikinimaj, xaxe richin chi ye'ok beyoma'.

Os 4:17

Ri aj-Israel kan kijachon k'a ki' chuya'ik kiq'ij wachibel, kan tik'oje' na k'a keri'.

Wuj Richin ri Jeremías 8:12

Rije' ruk'amon ta richin nik'oje' kik'ix, roma ri itzel taq kibanobal. Jak'a rije' xa maneq kik'ix. Roma ri' toq xtinya' rutojbalil-mak pa kiwi', kan xtikipajk'ij kaqen y xketzaq achi'el ri ch'aqa' chik. Yin Jehová ri yibin.

Wuj Richin ri Jeremías 6:15

Rije' ruk'amon ta richin nik'oje' kik'ix, roma ri itzel taq kibanobal. Jak'a rije' xa maneq kik'ix. Roma ri' toq xtinya' rutojbalil-mak pa kiwi', kan xtikipajk'ij kaqen y xketzaq achi'el ri ch'aqa' chik. Yin Jehová ri yibin.

Wuj Richin ri Isaías 31:3

Ri aj-Egipto xa e winaqi', y man e dios ta. Ri kikiej xa e ti'ij, y man e espíritu ta ri k'o kuchuq'a'. Toq ri Jehová kan xtutzeqej ri ruq'a' pa kiwi' richin nuya' rutojbalil chike, kan xketzaq ri aj-Egipto y chuqa' xketzaq ri nikik'ul to'onik chuwi-kiq'a' rije'. Kan junan k'a xkek'is.

San Juan 9:39

K'ari' ri Jesús xubij chire: Yin xipe k'a chuwech re ruwach'ulew richin ninq'alajirisaj kimak ri winaqi'; ninben k'a chike ri winaqi' ri man nitzu'un ta kánima chi titzu'un. Jak'a ri nikina' chi nitzu'un ri kánima xa ke'ok moyi', xcha'.