San Mateo 14:9 - Kaqchiquel Bible

⁹ Ri Herodes xpe bis pa ránima roma ri', jak'a kan ruya'on chik rutzij chire ri xten y roma chuqa' kan chikiwech ri e rachibilan chiri' xubij-wi. Rija' xubij k'a chi tik'an-pe ri rujolon ri Juan chire ri xten ri'.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Ri rey Herodes xbꞌison qa roma ri xukꞌutuj ri xten chare, pero roma chikiwech ri ekꞌo chuchiꞌ ri mesa xubꞌen jurar chare ri xten, rijaꞌ xubꞌij chi keriꞌ tibꞌanatej.

Kaqchikel Santa Maria de Jesus

⁹ Y ri rey Herodes xbꞌisuon-ka ránima rumareꞌ, pero ruma can rubꞌanun yan jurar y cuma ri icꞌo riqꞌuin chirij ri mesa, mareꞌ jajaꞌ xuꞌon mandar chi ticꞌamar-pa ri rujaluon ri Juan el Bautista chi tiyoꞌx cha.

Kaqchikel Central Guatemala

⁹ Y ri rey Herodes xpe bis pa ránima romari', pero roma c'a can rubanon chic jurar chire chi can xtuya-vi ri nrajo' y roma chuka' can chiquivech ri e rachibilan pa mesa xubij-vi; rija' xubij c'a chi tic'an-pe ri rujolon (ruvi') ri Juan ri Bautista chire ri xten ral ri Herodías.

Re C'ac'a Testamento pa Kach'abal

⁹ Y re Rey Herodes xbison-ka tak xuc'axaj quire', pero como can rubanon chic jurar cha, che xabandex xterajo' can xtuya-va y roma chuka' can chiquivach re jec'o riq'uin chach mesa tak xubij-va cha, reja' xubij che tic'am-pa re rujalom re Juan Bautista cha re xtan.

Kaqchikel Western Solola

⁹ Y ri rey Herodes can xpe bis pa ránima ruma ri xc'utux chare, pero ruma chi can rubanon chic jurar chi can xtuya' wi ri xtrajo' ri k'opoj y ruma chuka' chi can chiquiwech ri ye rachibilan pa mesa tek xubij; rumari' riya' xubij c'a chi tic'amer pe ri rujolon (ruwi') ri Juan ri Bautista chare ri k'opoj ral ri Herodías.

San Mateo 14:9 ပူးပေါင်းရင်းမြစ်များ

Wuj Richin ri Molojri'il 5:2

Man k'a tabij ch'abel bin man bin. Man jun tasuj chi'anin chire ri Dios, roma rija' kan chila' chikaj k'o-wi y nrak'axaj, y rat xa at jun ri xa chuwach'ulew atk'o-wi.

Wuj Richin ri Jeremías 44:25

Kere' k'a xubij ri Jehová k'iytisanel richin ronojel, ri qa-Dios: Rix y ri iwixjayilal, kan ja rix k'a xixbin chi k'o chi nisuj pom y vino chuwech ri reina richin ri kaj y kan k'o chi niben ri isujun. Y kan ja rix ri xixbanon. Wakami k'a kan tibana' ri ibin.

San Mateo 14:1

Chupan k'a ri q'ij ri', ri Herodes Antipas, rey richin Galilea, xrak'axaj k'a chi ri Jesús janila rutzijol chikikojol ri winaqi'.

San Mateo 14:10

Roma ri' xuteq k'a rutzak'ixik ruqul ri Juan ri chiri' pa cárcel.

San Mateo 14:5

Y roma ri' ri Herodes kan rajowan k'a rukamisan ta ri Juan, jak'a man rubanon ta roma kan nuxibij-ri' chikiwech ri winaqi', roma ri winaqi' kibanon chire ri Juan chi kan jun q'alajirisey ruch'abel ri Dios.

San Mateo 14:8

Jak'a toq ri xten kan ruk'ulun chik runa'oj rik'in ri rute', kan xubij k'a chire: Yin ninwajo' chi naya-pe chinuwech re wawe' pa jun leq, ri rujolon ri Juan, xcha'.

Marcos 6:14

Ri rey Herodes Antipas kan xrak'axaj k'a chi ri Jesús janila rutzijol chikikojol ri winaqi'. Ek'o k'a ri nikibij chi ri Jesús xa ja ri Juan ri xk'astej-pe chikikojol ri kaminaqi', y roma ri' toq k'o uchuq'a' pa ruq'a' richin k'iy nitikir yerubanala'.

Marcos 6:20

roma ri Herodes nuxibij-ri' chuwech ri Juan roma kan retaman-wi k'a chi rija' jun chojmilej achin y kan rusamajel-wi ri Dios. Kan man ruya'on ta k'a q'ij richin k'o ta ruk'uluwachin. Rija' kan jebel k'a nrak'axaj toq ri Juan nubij ri ruch'abel ri Dios chire. Jak'a rija' man nich'obotej ta chuwech achike ruk'amon chi nuben.

Marcos 6:26

Jak'a ri Herodes xpe janila bis pa ránima roma ri'; jak'a xa roma kan xuya' yan rutzij chi kan xtuya-wi ri nrajo', y roma chuqa' kan chikiwech ri e rachibilan pa mesa xubij-wi, kan k'o k'a chi xuben ri nik'utux chire.

San Lucas 13:32

Jak'a ri Jesús xubij chike: Kixbiyin y tibij chire ri nowineq chubanik ri etzelal ri', chi yin kan k'a xkenwelesala' na itzel taq espíritu y kan k'a xkenk'achojirisala' na chuqa' ri e yawa'i'. Keri' re wakami y ri chua'q, y ri pa rox q'ij xtink'is k'a rubanikil re samaj re'.

Wuj Kichin ri To'onela' 11:39

Toq xtz'aqet k'a ri ka'i' ik' xtzolej rik'in ri rutata', y ri rutata' kan xuben k'a, achi'el ri rubin chi nuben chuwech ri Jehová. Y re xten re' kan man jun bey xk'oje' ta rik'in achin.

Wuj Kichin ri To'onela' 21:1

Ri israelita kibanon k'a jun jikibel-tzij chiri' pa tinamit Mispá y kibin: Man jun chiqe roj xtuya' ri rumi'al chike ri tzobaj richin Benjamín richin nok rixjayil, e chayineq.

1 Sam 14:24

Ri Saúl ruya'on rutzij chike, y xubij: K'o chi yeqak'is ri e etzelanel qichin chupan re q'ij re', y kan itzel k'a ruwa-ruq'ij xabachike ri xtitijo ruway, xcha'. Y roma ri' konojel ri aj-labal kan man jun kitijon, y roma ri' maneq chik kuchuq'a'.

1 Sam 14:28

K'ari' xch'on-apo jun chike ri achi'a' y xubij chire chi ri rutata' rubin chi itzel ruwa-ruq'ij ri achike xtiwa'. Y roma ri' konojel rije' man jun chik kuchuq'a' roma man jun kitijon.

1 Sam 25:22

Ri Dios kan ta xtuya' nimalej ruk'ayewal pa nuwi' yin, wi ri chua'q toq xtiseqer-q'anej k'a k'es na ri Nabal o jun chike ri achi'a' ri ek'o rik'in rija', xcha-qa.

1 Sam 28:10

Jak'a ri Saúl xubij chire ri ixoq: Ninya' nutzij chuwech ri Jehová chi rat kan man jun xtabek'uluwachij roma re', xcha' ri Saúl.