San Mateo 13:54 - Kaqchiquel Bible

⁵⁴ Jak'a toq xapon ri pa Nazaret, rija' xuk'ut k'a ri ruch'abel ri Dios ri chiri' pa jay richin molojri'il akuchi nikak'axaj ri ruch'abel ri Dios. Y roma k'a ri ch'abel ri yerubij, ri winaqi' ri' kan janila k'a xkimey-qa y nikibij: ¿Achike k'a roma toq re achin re' janila etamabel k'o rik'in y nitikir yeruben meyel taq banobel?

နောက်ထပ်ဗားရှင်းများ

Kaqchikel Santo Domingo (Xenacoj)

⁵⁴ Atoq xbꞌeqaqa pa rutinamit, ngerutijoj ri wineq pa ki-sinagoga, y ri wineq ndisach kikꞌuꞌx chirij y ndikibꞌilaꞌ: ¿Apeꞌ xretamaj re achi reꞌ ri retaman? ¿Achike yoyon uchuqꞌaꞌ chare chin ngerubꞌen milagros?

Kaqchikel Santa Maria de Jesus

⁵⁴ Y xalka chupan ri rutanamit pacheꞌ xqꞌuiy-pa jajaꞌ, y xucꞌut ri ruchꞌabꞌal ri Dios chupan ri sinagoga. Y ruma ri tzij ri nuꞌej, ri vinak can xaꞌchapataj, y xquiꞌej: ¿Pacheꞌ cꞌa rucꞌamun-pa ri noꞌj, y chi nitiquir ncaꞌruꞌon milagros?

Kaqchikel Central Guatemala

⁵⁴ Jac'a tok xapon ri pa tinamit ri xq'uiy-vi, rija' xuc'ut c'a ri ruch'abel ri Dios ri chiri' pa nima-jay ri can richin niquimol-qui' ri vinek richin nicac'axaj ri ruch'abel ri Dios. Y roma c'a ri ch'abel ri yerubij chique, ri vinek ri' can xsach quic'u'x y xquibij c'a: ¿Achique c'a roma tok re achin re' janíla etamabel c'o riq'uin y nitiquir yeruben milagros?

Re C'ac'a Testamento pa Kach'abal

⁵⁴ Jac'a tak xojapon pa tenemit Nazaret re anche' xq'uiy-va re Jesús, reja' xuc'ut c'a re ruch'abal re Dios chire' pa nema-jay re anche' nitzijos-va re ruch'abal re Dios re nibex sinagoga cha. Y roma re ch'abal re ye'rubila' chiquivach re vinak re' can xsatz quic'o'x y xquibij: ¿Anchique roma tak re ache re' camas na'oj c'o riq'uin y nitiquir ye'ruban milagros?

Kaqchikel Western Solola

⁵⁴ Yac'a tek xapon pa tinamit ri acuchi (achique) xq'uiy wi, Riya' xuchop c'a ruc'utic ri ruch'abel ri Dios ri chiri' pa jay ri kas nic'ut wi ri ruch'abel ri Dios. Y ruma c'a ri ch'abel ri yerubij chique, ri winek ri' can xquimey c'a y xquibij: ¿Achique c'a ruma tek re achi re' sibilaj q'uiy etamabel c'o riq'ui y nicowin yeruben milagros?

San Mateo 13:54 ပူးပေါင်းရင်းမြစ်များ

San Mateo 7:28

Y toq ri Jesús xtane' chubixik re ch'abel re', ri winaqi' janila xkimey-qa ri tijonik ri xkak'axaj.

San Mateo 4:23

Ri Jesús kan pa ronojel k'a tinamit richin ri Galilea xapowiyaj-wi, yerutijoj k'a ri winaqi' rik'in ri ruch'abel ri Dios ri pa taq jay richin molojri'il, akuchi nikak'axaj ri ruch'abel ri Dios. Y chuqa' nutzijoj ri utzilej ruch'abel ri Dios ri nich'on chirij ri ajawaren. Yeruk'achojirisala' k'a yawa'i' ri jalajoj chi yabilal y q'axo'n nok chike.

San Mateo 2:23

Y xe'apon k'a ri pa tinamit Nazaret y chiri' xek'oje-wi-qa, richin keri' kan xbanatej achi'el ri kibin ri q'alajirisey ruch'abel ri Dios, chi ri Cristo k'o chi jun aj-Nazaret.

Wuj Richin Bix Chire ri Dios 22:22

Keri' yin kan xtintzijoj k'a ri abi' chike ri wach'alal. Xtinya' k'a aq'ij pa taq qamolojri'il.

Hechos 13:46

Ri Pablo y ri Bernabé man k'a xkixibij ta ki' chikiwech richin xech'on kik'in y xkibij: Kan nik'atzin k'a chi nabey na chiwech rix ri qawinaq noqabij-wi ri ruch'abel ri Dios, jak'a rix xa man niqa' ta chiwech. Rik'in ri' kan niq'alajin k'a chi man ruk'amon ta chiwe rix ri k'aslen ri man k'isel ta. Roma ri' kik'in ri winaqi' ri man e judío ta ri yojbe-wi.

Hechos 4:13

Toq ri ek'o chiri' xekitz'et ri Pedro y ri Juan, kan achike la xekitz'et. Roma stape' man k'iy ta etamabel k'o kik'in, kan man jun xibinri'il ri k'o ta kik'in. Kan janila k'a q'alaj chi rije' xek'oje' rik'in ri Jesús.

San Juan 1:11

Kan chupan wi k'a ri ruruwach'ulew rija' xoqaqa-wi, jak'a ri ruwinaq xa man xkik'ul ta.

1 Sam 10:11

Konojel k'a winaqi' ri kan ketaman ruwech ri Saúl, toq xkitz'et chi chuqa' rija' xok jun q'alajirisey ruch'abel ri Dios chikikojol ri ch'aqa' chik, jari' toq xkibij-qa chikiwech: ¿Achike k'a xuk'uluwachij la ruk'ajol ri Cis? ¿Chuqa' rija' k'o chikikojol ri e q'alajirisey ruch'abel ri Dios?, xecha'.

San Lucas 2:47

Konojel k'a ri kan xkak'axaj ri nubij ri ak'ual, kan xkimey; roma ri nik'utux-pe chire, kan jebel wi nitikir nubij-apo chike. Kan niq'alajin-wi chi k'o nojibel rik'in.