San Mateo 13:45 - Kaqchiquel Bible

⁴⁵ Ri aj-chikajil ajawaren kan janila rejqalen, achi'el jun loq'onel y k'ayinel kichin ri jebelej taq abej ri janila jotol kajel.

နောက်ထပ်ဗားရှင်းများ

Kaqchikel Santo Domingo (Xenacoj)

⁴⁵ Keriꞌ chuqaꞌ ri ndirajoꞌ ndok pa ru-reino ri aj chikaj Dios, ndikꞌatzin chi ndubꞌen achel xubꞌen jun kꞌayinel ri xukanolaꞌ jabꞌel teq abꞌej ri ndibꞌix perlas chake.

Kaqchikel Santa Maria de Jesus

⁴⁵ Ri reino ri cꞌo chicaj can junan riqꞌuin ri nuꞌon jun ache ri ncaꞌrulokꞌ y ncaꞌrucꞌayij ri perlas.

Kaqchikel Central Guatemala

⁴⁵ Ri vinek ri ye'oc pa ruk'a' ri Dios o chupan ri aj-chicajil ajavaren, can e junan c'a riq'uin jun lok'onel y c'ayinel quichin tak abej ri nibix perlas chique.

Re C'ac'a Testamento pa Kach'abal

⁴⁵ Re vinak re ye'oc pa ruk'a' re Dios, can je junan riq'uin jun ache re nilok'o o nic'ayin quichin ch'utak aboj re nibex perlas chique.

Kaqchikel Western Solola

⁴⁵ Y chuka' ri rajawaren ri caj, can junan c'a riq'ui jun lok'onel y c'ayinel quiche (quixin) tak abej ri nibix perlas chique.

San Mateo 13:45 ပူးပေါင်းရင်းမြစ်များ

San Mateo 16:26

¿Roma achike ta k'a nuk'en-pe chire ri wineq, wi nik'oje' ta ri beyomel richin ronojel re ruwach'ulew rik'in y toq xa man kolotajineq ta? Roma ri wineq ri' man xtitikir ta xtuloq' chik ri ruk'aslen.

Wuj Richin ri Achin Job 28:18

Kan más wi rejqalen ri na'oj ke chuwech ri wiqobel ri yeban rik'in jalajoj ruwech abej achi'el ri coral, ri abej chay yetzu'un y ri perla.

San Mateo 13:24

Ri Jesús xuya' chik k'a jun k'ambel-tzij y xubij: Toq ri winaqi' ye'ok chupan ri aj-chikajil ajawaren, kan achi'el toq jun achin xberutika' kan ri utzilej ija'tz ri pa rulew.

San Mateo 22:5

Jak'a ri xe'oyox, man xeniman ta pe rik'in ri xbebix chik jun bey chike y xebe k'a pa taq kisamaj; ch'aqa' xebe pa juyu' y ek'o xa xebe pa taq kik'ayij.

Wuj Richin ri Molojri'il 12:13

Wakami kan tawak'axaj y tawetamaj k'a ri achike nuk'atzinej-wi re jun wuj re': Kan tawetamaj k'a nik'oje' rukiy ri Dios chawech y tabana' ri nubij ri rupixa', roma kan jare' ri achike roma toq ri wineq k'o chuwech re ruwach'ulew.

Wuj Richin ri Molojri'il 12:8

Ronojel xa nik'is, ronojel xa q'axel, keri' nubij ri q'alajirisey ruch'abel ri Dios, ronojel xa q'axel k'a.

San Mateo 7:6

Ronojel ri e jachon chik chuwech ri Dios, man ke'iya' chike ri tz'i', roma rije' xa xkepe chiwij rix. Y man tiya' chike ri aq, ri k'o janila rejqalen, roma xa xtikibech chi'aqen.

San Mateo 13:46

Toq ri achin ri' nril kan jun chike ri taq abej ri' richin nik'ayix, kan junanin k'a nitzolin y nuk'ayij ronojel ri k'o rik'in. K'ari' k'a nibe chuloq'ik ri ti jebelej abej ri' ri kan k'o janila rejqalen.