San Mateo 13:23 - Kaqchiquel Bible

²³ Jak'a ri ija'tz ri xqaqa pa jun utzilej ulew, kan nich'on-wi k'a chikij ri winaqi' ri nikak'axaj ri ruch'abel ri Dios, y kan nuk'en-wi-qa ruxe' ri ruch'abel ri Dios kik'in y ri kik'aslen niwachin jebel. Kan niwachin k'a achi'el nikiben ri ija'tz. Roma k'o ija'tz nikiya' k'a juwineq lajuj kiwech; ek'o nikiya' oxk'al kiwech y ek'o kan wok'al ri nikiya'. Kan keri' k'a nuben ruk'aslen ri wineq ri nuk'en-qa ri ruch'abel ri Dios pa ránima, xcha' ri Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

²³ Pero ekꞌo wineq eꞌachel ri utzulej ulew apeꞌ xeqaqa jujun chik semilla. Rejeꞌ ndikakꞌaxaj rutzij ri Dios y ndikikꞌoxomaj, y ri kikꞌaslen kin ndiwachin achel ngewachin ri tikoꞌ, roma ekꞌo ndikiyaꞌ a 100, ekꞌo ndikiyaꞌ a 60 y ekꞌo ndikiyaꞌ a 30 kiwech.

Kaqchikel Santa Maria de Jesus

²³ Y ri ijaꞌtz ri xaꞌka pan utzulaj ulief, jareꞌ ri nraꞌxaj y niꞌka paroꞌ (nuꞌon entender) ri ruchꞌabꞌal ri Dios. Ri rucꞌaslien can nikꞌalajin jaꞌal, y can nuyaꞌ ru-fruto, a cien, a sesenta o a treinta, xchaꞌ ri Jesús.

Kaqchikel Central Guatemala

²³ Jac'a ri ija'tz ri xka' pa jun utzilej ulef, can nich'on-vi c'a chirij ri ruch'abel ri Dios ri nac'axex roma jun vinek, y ri vinek ri' can nuq'uen-vi-ka ri ruch'abel ri Dios y ri ruc'aslen nivachin jebel. Can nivachin-vi c'a achi'el niquiben ri ija'tz. Roma c'o ija'tz niquiya' c'a treinta quivech, ec'o niquiya' a sesenta quivech y ec'o can a cien c'a quivech niquiya'. Can que c'a ri' nuben ruc'aslen ri vinek ri nuq'uen-ka ri ruch'abel ri Dios pa ránima, xcha' ri Jesús.

Re C'ac'a Testamento pa Kach'abal

²³ Jac'a re semilla re xe'ka pa jun utzulaj ulef, nich'o chij re ruch'abal re Dios re nic'axax coma re vinak, y re vinak re' can nic'ue-va-ka pa tak cánma re ruch'abal re Dios y re quic'aslen can jabal nivachin. Can ye'vachin ancha'l niquiban re semilla. Roma jec'o semilla niquiya' a treinta quivach, jec'o niquiya' a sesenta y jec'o niquiya' ja'jun ciento. Can quire' nuban re quic'aslen re vinak re can nic'ue-ka re ruch'abal re Dios pa tak cánma, xcha' re Jesús.

Kaqchikel Western Solola

²³ Yac'a ri ija'tz ri xka pa jun utzilaj ulef, can nich'o wi c'a chrij ri ruch'abel ri Dios ri nac'axex ruma jun winek, y ri winek ri' can nik'ax c'a ri ruch'abel ri Dios chuwech y ri ruc'aslen niwachin jabel. Can niwachin wi c'a achi'el niquiben ri ija'tz. Ruma c'o ija'tz ri niquiya' a treinta quiwech, yec'o ri niquiya' a sesenta quiwech y yec'o ri can jojun ciento c'a quiwech niquiya', xcha' ri Jesús.

San Mateo 13:23 ပူးပေါင်းရင်းမြစ်များ

Filipenses 1:11

Y richin niq'i' re', ri Jesucristo kan xkixruto' k'a richin chi kan choj ri ik'aslen xtik'uaj, y niwachin ta jebel. Y keri', ri Dios xtuk'ul ta ruq'ij-ruk'ojlen.

San Juan 15:16

Ri xcha'on iwichin rix, ja yin, y xa man ja ta rix ri xixcha'on wichin yin. Y yin xixincha' richin chi niwachin jebel ri ik'aslen. Y re' kan richin ta k'a jantape' richin keri' ri achike k'a ri xtik'utuj chire ri nata' pa nubi' yin, rija' kan xtuya-pe chiwe.

San Mateo 12:33

Wi natik-qa jun che' utz, kan utz k'a ri ruwech ri xtuya-pe; jak'a wi man utz ta ri che', kan man utz ta chuqa' ri ruwech ri xtuya-pe. Rik'in k'a ri ruwech ri yeruya', netamex ruwech jun che'.

San Mateo 13:8

Jak'a ri ch'aqa' chik ija'tz xqaqa pa jun utzilej ulew, y ri tiko'n jebel xek'iy y xewachin jebel. Roma ri' k'o ija'tz ri xkiyala' juwineq lajuj kiwech, k'o xkiyala' oxk'al y k'o xkiyala' wok'al kiwech.

Colosenses 1:6

Ri ch'abel ri' ruchapon nutaluj-ri' chuwech chijun ruwach'ulew, y e k'iy k'a winaqi' ri nikikuquba' kik'u'x rik'in ri Cristo, achi'el banatajineq-pe iwik'in rix kan ja toq iwak'axan-pe ri ch'abel ri' y xq'ax chiwech.

San Mateo 3:8

Wi kan qitzij chi rix nitzolej-pe ik'u'x rik'in ri Dios, kan tiq'alajin k'a chupan ri ik'aslen.

San Lucas 13:9

Rik'in juba' rik'in keri' xtuya' ruwech. Wi xa man nuya' ta ruwech, k'ari' k'a xtiqachoy-el, xcha' ri samajel, xcha' ri Jesús.

1 Juan 5:20

Y qetaman chuqa' chi xok'ulun yan qa ri Ruk'ajol ri Dios chuwech re ruwach'ulew. Rija' xuya' etamabel chiqe, richin xqetamaj ruwech ri qitzij Dios, roma ri' jun qabanon rik'in ri Dios y ri Jesucristo ri Ruk'ajol. Rija' kan qitzij Dios wi, y rik'in rija' peteneq-wi ri k'aslen ri man k'isel ta.

2 Pedro 3:18

Pa ruk'exel ri', xa kan tiwetamaj k'a más chirij ri qajaw y qakolonel Jesucristo, y yixk'iy k'a rik'in ri ik'aslen. Y rija' xtuk'ul ta k'a ruq'ij-ruk'ojlen re wakami y keri' tibe-q'ij tibe-seq. Kan keri' ta k'a.

Colosenses 1:10

Keri' xtik'uaj jun k'aslen ri kan niqa' chuwech ri Dios y kan ta niwachin; niben ta ronojel ri utzilej taq banobel y niwetamaj ta más chirij ri Dios.

Hebreos 8:10

Roma kan jare' k'a ri k'ak'a' jikibel-tzij ri xtinben yin Jehová kik'in rije' chupan ri q'ij ri': Kan xtinben richin xtibek'oje' ri nupixa' pa taq kánima. Yin xkinok ki-Dios y rije' xke'ok nutinamit.

Hebreos 4:2

Roma ri utzilej rutzijol ri ruch'abel ri Dios tzijon chiqe roj, kan achi'el xtzijox chike ri qati't-qamama' ri ojer kan. Jak'a rije' xa man xkikuquba' ta kik'u'x, y roma ri' man jun utz xuk'en-pe chike.

2 Tesalonicenses 2:10

Y roma ri' e k'iy winaqi' ri kan xkeq'olotej pa ruq'a', roma man xkajo' ta ri qitzij tijonik richin xekolotej ta chupan ri kimak.

1 Tesalonicenses 4:1

Toq xojk'oje' iwik'in, xqabij chiwe achike ri niqa' chuwech ri Dios, y chi jari' ri utz niben. Y rix kan keri' ibanon. Y kan k'a k'o k'a ri niqajo' niqak'utuj chiwe pa rubi' ri Jesucristo, chi kan más k'a titija' iq'ij chi niben ri niqa' chuwech ri Dios.

Filipenses 4:17

Y ri xininataj chik pe re wakami kan nikikot k'a ri wánima, jak'a man roma ta k'a chi k'o ri xiteq-pe chuwe. Ri wánima kan nikikot roma wetaman chi ri to'onik ri' kan k'o chuqa' nuk'en-pe chiwe rix.

2 Corintios 9:10

Ri Dios ri kan nuya' ri ija'tz chire ri tikonel y nuya' ri qaway, xtuben chi kan xtuya' y xtik'iyer chiwech ri xtitik-qa. Y keri' chuqa' rik'in ronojel ri utzilej taq ibanobal, ri Dios xtuben chi xtiq'alajin más ri ruchojmilal ri niben.

Hechos 17:11

Ri judío ri' más k'a e aj-na'oj ke chikiwech ri judío ri ek'o pa Tesalónica, roma rije' kan choj xkik'ul ri ruch'abel ri Dios. Ri janipe' nikak'axaj-el kik'in ri Pablo y ri Silas, nibekikanola' chupan ri ruch'abel ri Dios, richin niketamaj, wi qitzij ri nikibij o xa man qitzij ta. Ri winaqi' ri' kan q'ij-q'ij k'a keri' nikiben.

Hechos 16:14

Chike ri ixoqi' ri', k'o jun ri rubini'an Lidia. Y re Lidia re' pa jun k'a tinamit rubini'an Tiatira nipe-wi. Rija' jun k'ayil richin jalajoj ruwech tzieq ri q'eqq'oj-keq yetzu'un. Rija' ya'ol k'a ruq'ij ri Dios, y nrak'axaj k'a apo ri nubij ri Pablo. Y ri ajaw Dios kan xch'on-wi k'a pa ránima. Roma ri' toq rija' kan xukuquba' ruk'u'x rik'in ri Dios.

San Juan 8:47

Roma ri kan richin chik ri Dios, kan ja ri nubij ri ruch'abel ri Dios ri nuben. Jak'a rix man keri' ta niben, roma man ix richin ta ri Dios, xcha'.

San Lucas 8:15

Ri ija'tz ri xqaqa pa jun utzilej ulew, re' kan nich'on-wi k'a chikij ri winaqi' ri ye'ak'axan ri ruch'abel ri Dios, y rik'in ronojel kánima nikiben ri nubij. Jantape' kikuquban kik'u'x rik'in ri Dios, y niwachin jebel ri kik'aslen, xcha'.

Marcos 10:15

Kan qitzij k'a ninbij chiwe, chi ri xa man nikiben ta achi'el ri ak'uala' richin chi nikijech-ki' pa ruq'a' ri Dios, kan man k'a xke'ok ta pa rajawaren rija', xcha'.

Marcos 4:20

Jak'a ri ija'tz ri xeqaqa pa jun utzilej ulew, kan nich'on k'a chikij ri winaqi' ri nikak'axaj ri ruch'abel ri Dios y kan nikik'ul pa taq kánima y ri kik'aslen kan niwachin jebel. Kan yewachin k'a achi'el nikiben ri ija'tz ri nikiya' juwineq lajuj kiwech, ch'aqa' oxk'al y ek'o kan wok'al ri kiwech ri nikiya'. Kan keri' k'a nuben ruk'aslen ri wineq ri nuk'en-qa ri ruch'abel ri Dios pa ránima, xcha' ri Jesús.

San Mateo 3:10

Y pa ruwi' ri' nich'on-wi ri tzij: Ri ikej e naban chik chuxe' ronojel ri che' ri man nikiya' ta kiwech, richin yechoy. Y ronojel k'a ri che' ri xkechoy, xkek'aq pa q'aq', nicha'.

Ez 36:26

Kan xtinwelesaj-el ri kow iwánima ri achi'el abej rubanon y xtinya' jun iwánima ri kan k'es, richin nimey-tzij. Kan keri' k'a xtinya' jun k'ak'a' iwánima ri más ch'uch'uj.

Ez 18:31

Kan tijech'ej k'a iwi' chire ronojel etzelal ri ibanon chinuwech yin, kan rik'in k'a ronojel iwánima tijala' ri ik'aslen. ¿Achike ta k'a roma niwajo' yixken rix ri ix rijatzul kan ri Israel?

Hebreos 6:7

Kan achi'el k'a jun ulew ri k'iy job qajineq pa ruwi' y nel-pe jun utzilej tiko'n chuwech, ri tikonel kan yalan nikikot ri ránima rik'in, y ri ulew ri' nuk'ul urtisanik roma ri Dios.

San Lucas 8:8

Ri ch'aqa' chik k'a ija'tz xqaqa pa jun utzilej ulew, y jebel xek'iy. Y xkiyala' jujun wok'al kiwech jujun ija'tz, xcha'. Toq rubin chik qa re' ri Jesús, kan rik'in k'a ruchuq'a' xch'on, y xubij: Ri k'o k'a rak'axabal, kan trak'axaj k'a ri xinbij, xcha' chike.