San Mateo 13:11 - Kaqchiquel Bible

¹¹ Ri Jesús xubij k'a chike: Chiwe rix kan ya'on k'a q'ij chi niwetamaj ronojel ri e ewatel chupan ri aj-chikajil ajawaren, jak'a chike re winaqi' re' man keri' ta.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Ri Jesús xubꞌij: Chiwa rix yoꞌon qꞌij chin ndiwetamaj ri ewan pe rubꞌeyal xe ojer kan pa ruwiꞌ ri ru-reino ri aj chikaj Dios, pero chake rejeꞌ ma yoꞌon ta qꞌij.

Kaqchikel Santa Maria de Jesus

¹¹ Y jajaꞌ xuꞌej chica: Chiva ixreꞌ yoꞌn permiso chi ntinaꞌiej chirij ri reino ri cꞌo chicaj. Pero chica ri vinak ri man nquinquinimaj ta, man yoꞌn ta lugar chi niquitamaj.

Kaqchikel Central Guatemala

¹¹ Xpe c'a ri Jesús xubij chique: Man jun bey can ta bin can jebel chirij tok ri vinek ye'oc pa ruk'a' ri Dios o chupan ri aj-chicajil ajavaren, pero chive rix yo'on c'a k'ij chi nivetamaj. Jac'a ri vinek ri man yeniman ta vichin, riq'uin c'ambel tak tzij yich'on-vi quiq'uin, roma chiquivech rije' can man nik'alajirisex ta vi.

Re C'ac'a Testamento pa Kach'abal

¹¹ Xpa re Jesús xubij chaka: Man jun bey can-ta jabal bin can chij tak re vinak ye'oc pa ruk'a' re Dios, pero chiva yex yi'on k'ij che nitamaj. Jac'a re vinak re man ye'niman-ta vichin, riq'uin ejemplos yinch'o-va chiquivach, roma chiquivach reje' can man nisekresas-ta.

Kaqchikel Western Solola

¹¹ Xpe c'a ri Jesús xubij chique: Chiwe c'a riyix can ya'on c'a k'ij riche (rixin) chi niwetamaj chrij ri rajawaren ri Dios, ri ma k'alaj ta chiquiwech nic'aj chic winek, ruma riye' ma ya'on ta k'ij chique riche (rixin) chi niquetamaj.

San Mateo 13:11 ပူးပေါင်းရင်းမြစ်များ

1 Corintios 2:14

Ri winaqi' ri man k'o ta ri Loq'olej Espíritu richin ri Dios kik'in, man niq'ax ta chikiwech ri tijonik ri e peteneq rik'in rija'. Chikiwech rije' xa kan man jun rejqalen, roma xaxe ri k'o ri Loq'olej Espíritu qik'in, ri niq'ax chiqawech y qetaman ri tijonik ri'.

San Mateo 19:11

K'ari' ri Jesús xubij: Man konojel ta k'a ri jebel ruk'ulik nikiben chire ri ch'abel ri xinbij, xa kan xaxe k'a ri nikajo' ri nikik'ul.

Santiago 1:5

Y wi ek'o qach'alal chi'ikojol ri nikajo' chi nik'oje' kina'oj, tikik'utuj chire ri Dios. Y rija' kan man xtupoqonaj ta xtuya-pe k'iy chike. Keri' nuben qik'in qonojel ri yojk'utun, y man jun achike ta xtubij chiqe.

1 Juan 2:27

Jak'a rix kan ja ri Loq'olej Espíritu ri k'o pa taq iwánima, ri ya'on chiwe roma ri Jesucristo. Ja rija' ri nitijon iwichin y man nik'atzin ta na jun chik. Ri nuk'ut rija', kan qitzij y man q'oloj ta. Tinimaj k'a ri nubij chiwe, y jantape' jun tibana' rik'in ri Jesucristo.

1 Juan 2:20

Jak'a rix kan xik'ul yan ri Loq'olej Espíritu roma ri Cristo. Y chuqa' iwetaman chik ri qitzij.

San Mateo 16:17

K'ari' ri Jesús xubij: Utz ruwa-aq'ij rat Simón Pedro ruk'ajol ri Jonás. Ri xabij, man wineq ta k'a ri xq'alajirisan chawech, xa kan jak'a ri nata' Dios ri k'o chila' chikaj.

Efesios 1:9

Kan xuq'alajirisaj-wi k'a chiqawech ri ruch'obon chi nuben ri kan rewan-pe. Rija' rubanon chi ronojel ri' nibanatej roma ri Cristo.

Wuj Richin ri Isaías 35:8

Y chiri' xtik'oje' jun nimalej bey, y xtubini'aj Bey Kichin ri Winaqi' ri Janila e Ch'ajch'oj. Man jun wineq ri man ch'ajch'oj ta rik'in ri ruk'aslen ri xtiq'ax ta chiri', jak'a kichin ri ch'ajch'oj kik'aslen chuwech ri Dios. Y ri achike xkebe chupan ri bey ri', stape' man nel ta kánima, man xkesach ta.

Efesios 5:32

Ri nubij, kan janila k'a nim rejqalen y xq'alajirisex chiqawech roma ri Dios. Y ninch'ob chi re' kan achi'el ruk'aslen ri Cristo y chuqa' ri qak'aslen roj ri qakuquban qak'u'x rik'in.

Romanos 16:25

Tiya' k'a ruq'ij ri Dios, roma xaxe rija' ri nitikir nibanon chiwe chi más nikuquba' ik'u'x rik'in. Keri' nubij ri utzilej ch'abel richin kolotajik, ri ruch'abel ri Jesucristo ri nintzijoj yin. Re ch'abel re' man kan ta q'alajirisan-pe roma ri Dios, xa k'a ja re q'ij re' ri xuq'alajirisaj jebel.

San Lucas 8:10

Ri Jesús xubij k'a chike: Chiwe rix ya'on k'a q'ij chi niwetamaj ri ewatel chirij ri rajawaren ri Dios. Jak'a chike ch'aqa' chik winaqi', rik'in k'ambel taq tzij yich'on-wi kik'in, richin chi stape' nikitz'et ta jebel, man nikitz'et ta; y stape' nikak'axaj, man niq'ax ta chikiwech.

1 Corintios 15:51

Jak'a wakami ninwajo' ninq'alajirisaj chiwe chi man qonojel ta k'a xqojq'ax chupan ri kamik, jak'a qonojel xtijalatej-el ri qach'akul.

1 Corintios 2:7

Jak'a ri na'oj ri niqak'ut roj chikiwech ri qach'alal, ja ri richin ri Dios; na'oj ri man jun bey q'alajirisan ta pe jebel, y kan ewatel-wi-pe. Jare' k'a ri xq'alajirisex chupan re qaq'ijul roj. Y kan k'a man jani k'o ta re ruwach'ulew re' toq ri Dios xuch'ob yan chi xtik'oje' qaq'ij roj.

San Juan 6:65

Y ri Jesús xubij: Roma ek'o k'a chiwe rix ri man nurayij ta iwánima nikuquba' ik'u'x wik'in, roma ri' toq xinbij chi man jun wineq xtipe wik'in richin yirukanoj, wi ri nata' man yeroyoj ta, xcha'.

1 Timoteo 3:9

Nik'atzin chi kan tik'oje' chuk'u'x ri ruch'abel ri Dios, y nik'ase' ta rik'in ch'ajch'ojilej ránima.

1 Corintios 13:2

Y stape' ta ninq'alajirisaj ri ruch'abel ri Dios; o niq'ax ta chinuwech ronojel ruch'obonik ri Dios ri ewatel-pe rik'in, y ronojel ta wetaman; o roma ta ri kan kuqul nuk'u'x, roma ta ri' yitikir ninben chike ri nimalej taq juyu' chi ke'el-el ri akuchi ek'o-wi; y stape' ta yitikir ninben ronojel ri', y maneq ajowabel wik'in, man jun yik'atzin-wi.

Marcos 4:11

Y rija' xubij: Man jun bey kan ta bin jebel chirij toq ri winaqi' ye'ok pa rajawaren ri Dios, jak'a chiwe rix ya'on k'a q'ij chi niwetamaj jebel, jak'a chikiwech ri winaqi' ri man ek'o ta wik'in, ri' kan rik'in k'ambel taq tzij yich'on-wi kik'in.

Colosenses 2:2

Ninben re' richin ninkuquba' ik'u'x y junan ta iwech niwajowala-iwi', richin niq'ax jebel chiwech ri qitzijri'il ri ewatel-pe ri xuq'alajirisaj ri Qatata' Dios chirij ri Cristo,

Efesios 6:19

Kixch'on rik'in ri Dios pa nuwi' yin, richin k'o ta utzilej taq ch'abel richin kolotajik ninbij, y man ta ninxibij-wi' toq nintzijoj.

1 Corintios 4:7

Rix ri nina' chi k'o janila iq'ij, ¿achike kami biyon chiwe chi ja rix ri más nim iq'ij? ¿Roma achike ta kami ri k'o iwik'in rix ri man ja ta chuqa' ri Dios yoyon-pe chiwe? Man jun. Y wi keri', man jun nik'atzin-wi chi ninimirisaj-iwi', roma xa ta iyon rix, man jun ta k'o iwik'in.

1 Corintios 4:1

Roma ri' rix nik'atzin k'a chi yojitzu' chi kan oj rusamajela-wi ri Cristo. Y ruya'on pa qaq'a' chi jebel ruq'alajirisaxik niqaben chire ri ruch'obonik ri Dios ri k'a juba' tuq'alajirisaj.

San Juan 7:17

Ri wineq ri kan k'o rayibel rik'in richin nuben ri nrajo' ri Dios, ri wineq ri' kan xtretamaj k'a wi ri tijonik ri ninya' yin, kan rik'in ri Dios peteneq-wi o xa nuyon nutz'ukun-el.

Wuj Richin Bix Chire ri Dios 25:14

Rat kan junan k'a awech kik'in ri nikinimaj atzij, y kan najikiba' chik jun bey ri asujun.

1 Timoteo 3:16

Y qitzij na wi chi kan janila nim rejqalen ri ruq'alajirisan chik ri Dios chiqawech re wakami: Ri Jesucristo xpe wawe' chuwech re ruwach'ulew, y xok wineq achi'el roj. Xk'ut chiqawech roma ri Loq'olej Espíritu chi kan choj wi ruk'aslen. chuqa' xtz'etetej koma ri ángel. Xtzijox chuwech ronojel re ruwach'ulew, y e k'iy xkikuquba' kik'u'x rik'in. Y toq xel-el chuwech re ruwach'ulew, xk'ul chila' chikaj roma ri Dios.

Efesios 1:18

Chuqa' nink'utuj chi tusaqirisaj más ri inojibal, richin chi niq'ax ta chiwech ri utzil ri qoyoben, ri achike roma toq xojroyoj ri Dios. Y chuqa' richin niq'ax ta chiwech ri rejqalen ri k'o chi niqichinaj roj ri oj richin chik rija'.

Wuj Richin ri Isaías 29:10

Roma yin kan xtinbenya-pe pan iwi' jun nimalej waran. Kan xtinben chike ri e q'alajirisanela' chi man jun chik xtinq'alajirisaj chikiwech. Y pa kiwi' ri yetz'eton ri peteneq-apo chiwech, xtinben chi xtitz'apetej kiwech.

Hechos 16:14

Chike ri ixoqi' ri', k'o jun ri rubini'an Lidia. Y re Lidia re' pa jun k'a tinamit rubini'an Tiatira nipe-wi. Rija' jun k'ayil richin jalajoj ruwech tzieq ri q'eqq'oj-keq yetzu'un. Rija' ya'ol k'a ruq'ij ri Dios, y nrak'axaj k'a apo ri nubij ri Pablo. Y ri ajaw Dios kan xch'on-wi k'a pa ránima. Roma ri' toq rija' kan xukuquba' ruk'u'x rik'in ri Dios.

Wuj Richin ri Isaías 29:11

Iwik'in rix re jun achi'el achik' re', achi'el jun wuj boton ri ek'o ch'abel chupan. Y ri wuj ri' kan tz'apel rik'in jun retal. Wi niya'ox chire jun ri kan retaman ruwawuj, y nibix chire chi tusik'ij, rija' xtubij chi man nitikir ta roma xa kan tz'apel rik'in jun retal.

San Mateo 13:10

K'ari' ri tijoxela' xejel-apo rik'in ri Jesús y xkik'utuj chire: ¿Achike k'a roma toq richin yach'on chikiwech ri winaqi' ye'akusaj k'ambel taq tzij?, xecha' chire.

San Mateo 20:23

Ri Jesús xubij chik k'a chike: Kan qitzij wi k'a chi rix xtikoch' na wi achi'el ri xtiban chuwe yin; jak'a ri nibij, chi rix niwajo' chi jun nitz'uye' pa wijkiq'a' y jun ri pa wajxokon, ri' man pa nuq'a' ta k'a yin k'o-wi richin chi ninya' chiwe. Roma ri nik'utuj rix, ri' xa pa ruq'a' chik ri nata' k'o-wi, xcha' ri Jesús.

Marcos 10:40

Jak'a ri nik'utuj chuwe chi jun nitz'uye' pa wijkiq'a' y jun ri nitz'uye' pa wajxokon, ri' man pa nuq'a' ta yin k'o-wi richin chi ninya' chiwe. Roma ri nik'utuj rix, ri' xa pa ruq'a' chik ri Dios k'o-wi, xcha' ri Jesús.

Romanos 11:25

Wach'alal, yin ninwajo' chi rix iwetaman ta re k'a juba' tuq'alajirisaj ri Dios, richin man xa tina-iwi' iyon rix chi janila iq'ij. Y ri nuwinaq judío ri kowirineq ri kánima y man nikajo' ta nikinimaj ri Dios, keri' xkek'oje', k'a toq xkekolotej na ri man e judío ta.