San Mateo 12:4 - Kaqchiquel Bible

⁴ Rija' xbe chukanoxik wey chiri' pa rachoch ri Dios, y kan ja ri kaxlan-wey ri sujun chuwech ri Dios ri xkitej. Y re' xa kan man ruk'amon ta chi xutej rija' ni ri e rachibil, xaxe ri sacerdote ri kan k'o kiq'a' chire richin nikitej.

နောက်ထပ်ဗားရှင်းများ

Kaqchikel Santo Domingo (Xenacoj)

⁴ Ri David xok apu pa rachoch ri Dios, y rijaꞌ y ri erachibꞌil xkikꞌux ri kaxlan wey esujun chuwech ri Dios, maske ri ley ndubꞌij chi xe chake ri sacerdotes israelitas yoꞌon qꞌij chi ndikikꞌux ri kaxlan wey riꞌ.

Kaqchikel Santa Maria de Jesus

⁴ Ri David xuoc pa rachuoch ri Dios y can ja ri sagrada simíta ri xbꞌayoꞌx-pa cha. Jajaꞌ xucꞌux ri simíta reꞌ y xuyaꞌ jeꞌ chica ri i-bꞌanak riqꞌuin; pero man pecado ta ri xquiꞌan, mesque ri simíta reꞌ joꞌc ri sacerdotes ri ncaꞌcꞌuxu.

Kaqchikel Central Guatemala

⁴ Ri David xbe c'a chucanoxic vey chiri' pa rachoch ri Dios, y can ja ri lok'olej tak caxlan-vey ri xbejach-pe chire. Rija' y ri e rachibil xquitej c'a ri lok'olej tak caxlan-vey ri'. Man riq'uin vi ri', man mac ta ri xquiben. Y ri' xaxe ri sacerdotes c'o quik'a' chire.

Re C'ac'a Testamento pa Kach'abal

⁴ Re David xba chucanoxic vay chire' pa rachoch re Dios, y can ja re lok'olaj tak xcana-vay re xe'beya-pa cha. Y re xcana-vay re' xaxe re sacerdotes re ye'tijo richin. Pero reja' xutaj y chuka' re je'binak riq'uin can xquitaj. Pero astapa' reje' quire' xquiban manak quimac xel chach re Dios.

Kaqchikel Western Solola

⁴ Ri David xbe c'a chucanoxic wey chiri' pa rachoch ri Dios, y can ya ri lok'olaj tak caxlan wey ri xbejach pe chare. Riya' xutij ri lok'olaj tak caxlan wey ri' y xuya' chuka' chique ri ye benak riq'ui. Pero ma riq'ui wi ri', ma mac ta ri xquiben, astape' ri caxlan wey ri' xaxu (xaxe wi) ri sacerdotes yetijo.

San Mateo 12:4 ပူးပေါင်းရင်းမြစ်များ

Ex 25:30

Kan jantape' k'a xtiya'ox ri kaxlan-wey pa ruwi' ri mesa, chinuwech yin, richin jun sipanik.

Wuj Richin ri Chojmirisabelri'il 8:31

Y ri Moisés xubij chire ri Aarón y chike ri e ruk'ajol chi tikitzaka' ri ti'ij ri xtotej kan chire ri ruka'n karne'l, ri chiri' chuchi' ri rachoch ri Dios richin molojri'il, y tikitija' chiri'. Y xtikik'en k'a ri kaxlan-wey ri k'a ek'o na kan chupan ri chakech y chiri' tikitija-wi. Ronojel re' kan xtikiben k'a achi'el ri rupixa' ri Jehová.

1 Sam 21:4

K'ari' ri sacerdote xubij chire ri David: Maneq relik kaxlan-wey wik'in, xaxe kaxlan-wey ri sujun chik chuwech ri Jehová k'o wik'in. Xtinya' k'a chawe wi ri achi'a' re e peteneq chawij kan e ch'ajch'oj, xa rik'in man ta e warneq kik'in ri kixjayilal, xcha'.

1 Sam 21:6

Chirij re', ri sacerdote xujech-apo ri kaxlan-wey chire ri David, roma man jun chik kaxlan-wey k'o ri q'ij ri'. Xa kan xaxe ri kaxlan-wey ri sujun chik, y elesan chik chiri' pa ruk'ojelibal, richin niya'ox kan meq'en pa ruk'exel.

San Mateo 12:3

Jak'a ri Jesús xubij chike: ¿Man itz'eton ta k'a rix ri tz'ibatel kan chirij ri xkiben ri David y ri e rachibil ri ojer kan, toq janila xenum?

San Mateo 12:5

¿Man iwetaman ta k'a ri nubij chupan ri pixa', chi ri sacerdote kan yesamej-wi pa rachoch ri Dios chupan ri uxlanibel-q'ij, y rije' man mak ta ri nikiben?

Marcos 2:26

y toq ja ri Abiatar nimalej sacerdote chiri'? Chupan ri q'ij ri' ri David xbe chukanoxik wey chiri' pa rachoch ri Dios, y kan ja ri kaxlan-wey ri sujun chuwech ri Dios ri xkitej. Y re' xa kan man ruk'amon ta chi xutej rija' ni ri e rachibil, xaxe ri sacerdote ri kan k'o kiq'a' chire richin nikitej.

San Lucas 6:4

Rija' xbe chukanoxik wey chiri' pa rachoch ri Dios, y kan ja ri kaxlan-wey ri sujun chuwech ri Dios ri xkitej. Re' xa kan man ruk'amon ta chi xutej rija' ni ri e rachibil, xaxe ri sacerdote ri kan k'o kiq'a' chire richin nikitej.

Hebreos 9:2

Y ri jay banon rik'in tzieq, kere' k'a rubanik: Chupan k'a ri nibix loq'olej chire k'o ri candelabro y k'o chuqa' ri mesa richin ri kaxlan-wey ri nisuj chire ri Dios.