San Mateo 12:34 - Kaqchiquel Bible

³⁴ Roma ri' ja rix ri ix q'olonela', y chuqa' ix kijatzul kan ri itzel taq q'olonela'. ¿Kan yixtikir kami nibij ri utz, toq xa ja ri etzelal k'o iwik'in? Roma jun wineq kan jak'a ri k'o pa ránima ri nubij.

နောက်ထပ်ဗားရှင်းများ

Kaqchikel Santo Domingo (Xenacoj)

³⁴ ¡Rix xa rix achel kal itzel teq kumetz! ¿Achike modo xtitzijoj utzulej teq achike, xu xa rix itzel teq wineq? Porque jun wineq, ja ri santienta achike kꞌo pa ránima, jariꞌ ri ndubꞌilaꞌ.

Kaqchikel Santa Maria de Jesus

³⁴ ¡Ixreꞌ xa ix incheꞌl cumatz! ¿Cheꞌl ntiꞌej ri otz, antok xa ja ri itziel tak kax cꞌo pan ivánima? Ruma jun vinak ja ri chica cꞌo pa ránima ri nuꞌej.

Kaqchikel Central Guatemala

³⁴ Roma c'a ri' rix ri ix achi'el itzel tak cumatzi', ¿can yixtiquir cami c'a nibij ri utz, tok xa ja ri etzelal c'o iviq'uin? Roma jun vinek can jac'a ri c'o pa ránima ri nubij.

Re C'ac'a Testamento pa Kach'abal

³⁴ Y yex xa yix ancha'l itzel tak cumatz, mare' man yixtiquir-ta ninojij y nibij cosas otz, roma xa ja re etzelal c'o iviq'uin. Roma jun vinak can ja re jec'o pa ránma jare' re nuban y nubij.

Kaqchikel Western Solola

³⁴ Rumac'ari' riyix ri xa yix achi'el itzel tak cumatz, ¿achique modo yixcowin nibij ri utz, tek xa yix itzel tak winek? Ruma chi jun winek can ya c'a ri yec'o pa ránima ri yerubij.

San Mateo 12:34 ပူးပေါင်းရင်းမြစ်များ

San Lucas 6:45

Kan keri' k'a ri wineq. Ri wineq utz, ja ri utz ri nuben, roma kan jari' ri k'o pa ránima. Jak'a ri wineq itzel, ja ri etzelal ri nuben, roma kan jari' ri k'o pa ránima. Roma jun wineq kan jak'a ri k'o pa ránima ri nubij.

San Mateo 15:18

Ri nuben chi jun wineq man ch'ajch'oj ta, ja ri ch'abel y ri nojibel ri ye'el-pe pa ránima.

Efesios 4:29

Man tibila' itzel taq tzij. Xaxe k'a ri utz y ri nik'atzin tibij, richin keri' re ch'abel re' nukuquba' kik'u'x ri ek'o pa bis, y k'o utzil nuk'en-pe chike.

1 Sam 24:13

Achi'el nubij ri tzij; ri itzel taq banobel nel-pe kik'in ri maneq Dios chikiwech, y xa roma ri' yin man xtinjeluj ta ri nuq'a' chawij.

1 Juan 3:10

Y rik'in re' niq'alajin ri achike ri e ralk'ual ri Dios y ri e ralk'ual ri Itzel-Wineq. Jak'a ri man chojmilej k'aslen ta kik'uan y man yekajo' ta ri kach'alal, man e richin ta ri Dios.

San Mateo 12:35

Jun utzilej wineq kan chukojol k'a ri utzilej beyomel ri k'o pa ránima yerelesaj-pe ri yerubij. Jak'a ri wineq ri man utz ta, kan chukojol k'a ri itzel ri k'o pa ránima yerelesaj-pe ri yerubij.

San Juan 8:44

Ri itata' rix xa kan ja ri Itzel-Wineq y ja ri niqa' chuwech rija', jari' ri yixtajin chubanik. Rija' kan ja ri pa rutikeribel tikerineq-wi-pe richin nikamisan. Man k'a xk'oje' ta chik chupan ri qitzij, roma xa kan man jun k'a qitzij ri k'o ta rik'in. Xa kan jun tz'ukuy-tzij. Y kan kitata' k'a konojel ri e tz'ukuy taq tzij.

Wuj Richin ri Isaías 32:6

Ri wineq ri bilon man bilon yerubij, xa man jun najowan, y xa ruyon itzel yeruch'ob. Kan nukanoj k'a richin nuben itzel taq banobel, y chuqa' kan nutz'uk k'a tzij chirij ri Jehová. Jun wineq ri janila ninum nipe rik'in, jak'a rija' kan man jun nuya' chire, y kan man nuya' ta ruya' ri chaqi'j ruchi'.

San Mateo 23:33

Rix ix q'olonela', y chuqa' ix kijatzul kan ri q'olonela'. ¿Kan k'o ta kami k'a jun rubanik richin man ta yixbe pa q'aq'?

Wuj Richin ri Isaías 59:14

Roma ri' ri ruchojmilal xa kan nej k'o-wi chiqe roj, y ri qitzij xa xsach kan pa taq bey, y ri chojmilal xa xk'oje' kan.

Wuj Richin Bix Chire ri Dios 64:3

Ri kaq' re winaqi' re' kan achi'el ri espada ri kan ya-ya' rey, y kan nikik'aqala' poqon taq ch'abel ri kan yesokon, achi'el nik'aq ri ch'ab,

San Mateo 3:7

Y toq rija' xutz'et chi kan e k'iy k'a chike ri achi'a' fariseo y saduceo ri xe'apon chuqa' rik'in, xubij k'a chike: Rix xa ix kijatzul ri q'olonela' taq winaqi'. ¿Achike k'a xbin chiwe richin k'o chi yixaminej chuwech ri ruk'ayewal ri peteneq?

San Lucas 3:7

Keri' ri Juan, toq ye'apon ri winaqi' rik'in richin nuqasaj ya' pa kiwi', rija' nubij k'a chike: Rix xa ix kijatzul ri q'olonela' taq winaqi'. ¿Achike xbin chiwe chi k'o chi yixanimej chuwech ri ruk'ayewal ri peteneq?

Wuj Richin ri Isaías 59:4

Man jun chiwe rix ri man pa ruchojmilal ta nibesujun, ni man jun ri pa ruchojmilal nibe rik'in q'atbel-tzij. Kan más k'a nikuquba' ik'u'x rik'in tz'ukuj taq tzij, y ri ich'abel man e qitzij ta. Nitik etzelal, y niwachij itzel taq banobel.

Wuj Richin Bix Chire ri Dios 53:1

Ri winaqi' ri maneq kina'oj nikibij-qa pa kánima chi maneq Dios. Konojel rije' xa q'ayineq chik ri kánima, ronojel ri nikiben kan janila itzel, kan man jun ri nibanon ta ri utz.

Wuj Richin Bix Chire ri Dios 64:5

Kan kipaban k'a ki' chupan ri itzel taq kich'obonik, nikiyala' pikbel, k'ari' nikibij-qa ¿achike ta k'a nitz'eton ri niqaben?, yecha-qa.

Wuj Richin Etamabel-Tzij 4:23

Roma ri' rat kan jebel k'a tachajij-awi' chike ri ch'obonik ri yepe pan awánima, roma ja ri pan awánima nipe-wi ri rubanikil ri ak'aslen.

Wuj Richin Etamabel-Tzij 16:23

Ri ránima ri wineq aj-na'oj, kan nuben chire chi rik'in etamabel nich'on; y jari' chuqa' nibanon chire chi ri rutzil ri ruch'abel, kan q'ij-q'ij más utz.

Wuj Richin ri Isaías 9:17

Xa roma ri' ri Jehová kan man xtujoyowaj ta kiwech; ri alaboni', ri meba'i' y ri malkani'. Roma konojel rije' xa xkimalij kan ri Dios, y kan janila e itzel. Konojel xaxe yoq'onik ri k'o pa kichi'. Y man rik'in ri' man ik'owineq ta qa ri royowal ri Jehová. Xa kan k'a ruya'on na q'ij richin yek'is konojel.

Efesios 5:4

Man tibila' k'a ch'abel xaxe roma ri nirayij yixtzijon y xa man e ruk'amon ta. Man tibila' ch'abel ri xa man ich'obon ta, wi utz nibij o xa man utz ta. Man tibanala' tzij ri man jun nik'atzin-wi. Pa ruk'exel ri', ri tzij ri ruk'amon chi niben rix, ja ri nuk'en-pe matioxinik chire ri Dios.

Santiago 3:2

Qonojel k'iy bey xa man ja ta ri yeqaben. Y wi ta k'o jun ri man jun bey nimakun rik'in ri ruch'abel, ri wineq ri' kan tz'aqet ri ruk'aslen. Roma wi nitikir nuq'et ri ruch'abel, kan nitikir chuqa' nuben keri' rik'in chijun ri ruch'akul.