San Mateo 12:15 - Kaqchiquel Bible

¹⁵ Toq ri Jesús xunabej chi k'o nikich'ob chirij, xel k'a el ri chiri' y kan e janila k'a ri winaqi' xetzeqeliben-el richin. Rija' kan yeruk'achojirisala' k'a konojel ri e yawa'i'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ Pero ri Jesús retaman ri ndikibꞌen ruwech ri fariseos chirij, romariꞌ xel e chiriꞌ. Y ekꞌiy wineq xkoqaj, y rijaꞌ xerukꞌachojrisaj konojel ri ngeyawej.

Kaqchikel Santa Maria de Jesus

¹⁵ Antok ri Jesús xunaꞌiej ri niquiꞌan pensar chirij, xiel-el chireꞌ. Y can iqꞌuiy vinak ri xaꞌa chirij, y quinojiel ri ncaꞌyavaj ncaꞌruꞌon sanar.

Kaqchikel Central Guatemala

¹⁵ Ri Jesús xel c'a el ri chiri' tok xretamaj ri niquich'ob chirij. Rija' can e janíla c'a ri vinek xetzekelben-el richin. Y yeruc'achojirisala' c'a conojel ri e yava'i'.

Re C'ac'a Testamento pa Kach'abal

¹⁵ Y tak re Jesús xunabej re niquinojij chij xel-a chire'. Y camas je q'uiy vinak xe'tzake-a chij. Y can ye'ruc'achojsaj conojel re ye'yavaj.

Kaqchikel Western Solola

¹⁵ Ri Jesús xel c'a el chiri' ruma Riya' can retaman wi ri niquich'ob chrij. Riya' can sibilaj ye q'uiy c'a ri winek xetzekelben el riche (rixin). Y yeruc'achojsaj c'a quinojel ri ye yawa'i'.

San Mateo 12:15 ပူးပေါင်းရင်းမြစ်များ

San Mateo 10:23

Y toq ri winaqi' chupan jun tinamit nikichop yixkiya' pa tijoj-poqonal, xa kan utz yixanimej-el, y yixbe pa jun chik tinamit. Kan qitzij k'a ninbij chiwe chi k'a man jani kixapon pa ronojel tinamit ri ek'o wawe' pan Israel richin nitzijoj ri nuch'abel, toq yin, ri xiqaqa-pe achi'el wineq chi'ikojol, xkipe chik jun bey iwik'in.

San Juan 11:54

Roma ri', ri Jesús kan pan ewel k'a ri xbiyajlan. Rija' xa xbe chik pa jun tinamit rubini'an Efraín, ri chunaqaj-apo ri tz'iran ruwach'ulew k'o-wi. Y xk'oje' k'a qa chiri' e rachibilan ri rutijoxela'.

San Juan 7:1

K'ari' ri Jesús xuchop benan pa taq tinamit ri ek'o pa Galilea. Man k'a rajowan ta chik beneq tzijoy ruch'abel ri Dios k'a pa Judea, roma ri achi'a' ri kan k'o-wi kiq'ij nikikanola' k'a achike rubanik nikiben chire richin nikikamisaj.

San Mateo 19:2

Kan janila k'a e k'iy winaqi' ri xetzeqeliben richin, y ek'o k'a ri xeruk'achojirisaj ri chiri'.

Marcos 6:56

Xabakuchi k'a ri xapon-wi, ri pa taq nima'q tinamit, pa taq kokoj tinamit y ri pa taq juyu' chuqa', ri winaqi' xekiyala' ri yawa'i' pa taq bey ri niq'ax-wi ri Jesús. Re yawa'i' re' kan nikik'utula' k'a utzil chire ri Jesús chi tuya' q'ij chike chi stape' xaxe ta ri ruchi-rutziaq nikichop richin yek'achoj. Y kan keri' wi k'a ri xbanatej. Konojel ri xechapo ruchi-rutziaq ri Jesús xek'achoj chire ri kiyabil.

1 Pedro 2:21

Richin re' toq ri Dios xixroyoj, roma ri Cristo chuqa' xutej poqon iwoma rix, richin chi rix niben chuqa' keri'.

Gálatas 6:9

Roma ri' man k'a qojkos chubanik ri utz, y man niqaya' kan rubanik. Wi keri' xtiqaben-apo, kan xtiqak'ul rajel-ruk'exel toq xtapon ri q'ij.

San Juan 9:4

Rokik ri paq'ij, kan utz wi chi ninben ri rusamaj ri taqayon-pe wichin roma toq nok-pe ri aq'a', konojel man yetikir ta chik yesamej.

San Lucas 6:12

Chupan ri ruq'ijul ri', ri Jesús xbe k'a pa ruwi' jun juyu' richin xbech'on rik'in ri Dios. Y junaq'a' k'a xk'ase' chi ch'owen rik'in rija'.

San Lucas 5:22

Jak'a ri Jesús jebel retaman ri nikich'ob ri etamanela' y ri fariseo. Roma ri' rija' xubij chike: ¿Achike k'a roma toq rix nich'ob kere'?

San Lucas 9:11

Jak'a toq ri winaqi' xekinabej-el ri Jesús y ri rutijoxela', chuqa' rije' xebe. Toq re winaqi' re' xe'apon rik'in ri Jesús, rija' jebel xeruk'ul y xch'on chuqa' chike chirij ri rajawaren ri Dios. Chuqa' xeruk'achojirisala' konojel ri yawa'i' ri e uk'uan-apo chuwech.