San Mateo 10:35 - Kaqchiquel Bible

³⁵ Roma yin xipe richin nitz'ukutej oyowalen chikikojol ri winaqi'. Ri ala' xtiyakatej chirij ri rutata', ri xten xtiyakatej k'a chirij ri rute'. Y kan keri' chuqa' ri alibetz xtiyakatej chirij ri ralite'.

နောက်ထပ်ဗားရှင်းများ

Kaqchikel Santo Domingo (Xenacoj)

³⁵ Xinuqaqa chin woma riyin, ri kꞌajol ndiyakatej chirij ri rutataꞌ, ri xten ndiyakatej chirij ri ruteꞌ, y ri alibꞌetz ndiyakatej chirij ri raliteꞌ.

Kaqchikel Santa Maria de Jesus

³⁵ Inreꞌ xipa richin chi ri alaꞌ xtipalaj chirij ri rutataꞌ; ri xtan xtipalaj chirij ri rutieꞌ; y quireꞌ jeꞌ ri alibꞌatz xtipalaj chirij ri ralitieꞌ.

Kaqchikel Central Guatemala

³⁵ Yin xipe c'a chuvech re ruvach'ulef richin nitz'ucutej oyoval chiquicojol ri vinek. Queri' xtibanatej ri pa tak jay. Ri ala' xtiyacatej chirij ri rutata' roma man xtika' ta chuvech ri nubij. Ri xten xtiyacatej c'a chirij ri rute'. Y can que chuka' ri' ri alibetz (ali') xtiyacatej chirij ri ralite'.

Re C'ac'a Testamento pa Kach'abal

³⁵ Yen ximpa chach re ruch'ulef chin che nitz'ucutaj ayoval chiquicojol re vinak. Quire' xtibanataj pa tak jay. Re ache man xtika-ta chach re nubij re rutota' cha. Re ixok man xtika-ta chach re nubij re rute' cha. Y quire' chuka' re elibatz man xtika-ta chach re nubij re rulite' cha.

Kaqchikel Western Solola

³⁵ Riyin xipe c'a chuwech re ruwach'ulef y wuma c'a riyin nipe oyowal chiquicojol ri winek. Queri' xtibanatej ri pa tak jay. Ri c'ajol xtiyacatej chrij ri rutata'. Ri k'opoj xtiyacatej c'a chrij ri rute'. Y can queri' chuka' ri alibetz xtiyacatej chrij ri ralite'.

San Mateo 10:35 ပူးပေါင်းရင်းမြစ်များ

San Mateo 10:21

Xtapon k'a ri q'ij, chi wi ek'o ta e ka'i' kach'alal-ki'; jun chike rije' xtiyakatej y xtujech ri rach'alal pa kamik. Chuqa' ek'o tata'aj ri xkeyakatej chikij ri kalk'ual. Y ri alk'ualaxela' xkeyakatej chuqa' chikij ri kite-kitata' y xkekijech pa kamik.

San Lucas 21:16

Xkixjachalox k'a pa kiq'a' ri ye'etzelan iwichin, y rik'in juba' ri ite-itata', ri iwach'alal o ri kan e iwachibil xa ja rije' ri xkejacho iwichin. Ek'o k'a chiwe rix ri kan xkixkamisex.

Marcos 13:12

Xtapon k'a ri q'ij, chi wi ek'o ta e ka'i' kach'alal-ki'; jun chike rije' xtiyakatej y xtujech ri rach'alal pa kamik. Chuqa' ek'o tata'aj ri xkeyakatej chikij ri kalk'ual. Y ri alk'ualaxela' xkeyakatej chuqa' chikij ri kite-kitata' y xkekijech pa kamik.

San Mateo 24:10

E k'iy k'a ri kan xketzaq chik kan, ek'o chuqa' xtikisujula-ki' y ek'o ri xtiketzelaj-ki'.

San Lucas 12:53

Ri tata'aj xa xtiyakatej chirij ri ruk'ajol, y ri k'ajolaxel xa xtiyakatej chirij ri tata'aj. Ri te'ej xa xtiyakatej chirij ri ral xten, y ri xten kan xtiyakatej chirij ri rute'. Y kan keri' chuqa' ri alite' xtiyakatej chirij ri alibetz, y ri alibetz xtiyakatej chirij ri ralite', xcha'.