San Mateo 1:12 - Kaqchiquel Bible

¹² Y toq ek'o chik chiri' pa Babilonia, ri Jeconías xralk'ualaj ri Salatiel. Y ri Salatiel xralk'ualaj ri Zorobabel.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Y atoq xeꞌukꞌuꞌex yan pa rochꞌulew Babilonia, ri Jeconías xralkꞌualaj ri Salatiel; ri Salatiel xralkꞌualaj ri Zorobabel.

Kaqchikel Santa Maria de Jesus

¹² Y antok icꞌo chic chireꞌ Babilonia, ri Jeconías xcꞌujieꞌ jun ralcꞌual ri xubꞌinaj Salatiel; y ri Salatiel rutataꞌ ri Zorobabel.

Kaqchikel Central Guatemala

¹² Y tok ec'o chic chiri' pa Babilonia, ri Jeconías xralc'ualaj ri Salatiel; y ri Salatiel xralc'ualaj ri Zorobabel.

Re C'ac'a Testamento pa Kach'abal

¹² Y tak jec'o chic pa Babilonia, re Jeconías xc'ue' jun rajc'ual xubini'aj Salatiel; y re Salatiel xc'ue' jun rajc'ual xubini'aj Zorobabel.

Kaqchikel Western Solola

¹² Y tek yec'o chic chiri' pa Babilonia, ri Jeconías xralc'ualaj ri Salatiel; y ri Salatiel xralc'ualaj ri Zorobabel.

San Mateo 1:12 ပူးပေါင်းရင်းမြစ်များ

1 Crón 3:17

Ri Salatiel, ri Malquiram, ri Pedaías, ri Senazar, ri Jecamías, ri Hosamá y ri Nedabías konojel re' e ruk'ajol ri Jeconías ri elesan-el chupan ri ruruwach'ulew.

Wuj Richin ri Esdras 3:2

K'ari' ri Josué ruk'ajol ri Sadoc, ri e sacerdote ri e rachibil, ri Zorobabel ruk'ajol ri Salatiel y ri e rach'alal; konojel rije' xkipaba' chik q'anej ri porobel richin ri ki-Dios, richin nikiporoj chikop pa ruwi', achi'el tz'ibatel kan chupan ri pixa' ri xya'ox chire ri Moisés ri xok rusamajel ri Dios.

San Lucas 3:27

Y ri Joiadá ruk'ajol kan ri Johanán, y ri Johanán ruk'ajol kan ri Resá, y ri Resá ruk'ajol kan ri Zorobabel, y ri Zorobabel ruk'ajol kan ri Salatiel, y ri Salatiel ruk'ajol kan ri Nerí.

Wuj Richin ri Hageo 1:14

Y rik'in re' ri Jehová xuk'asoj kánima ri Zorobabel, ri Josué y konojel ri winaqi' israelita. Y roma ri' xepe chupan ri q'ij juwineq kaji' chire ri ik' ri', y xkitikeriba' chik q'anej ri rachoch ri Dios.

Wuj Richin ri Hageo 2:23

Chupan ri q'ij ri', yin Jehová ri k'o ronojel uchuq'a' wik'in, xkatinjikiba' chi ja rat nusamajel Zorobabel xtaq'et-tzij pa nubi'. Yin Jehová ri k'o ronojel uchuq'a' wik'in kere' ninbij, xcha' ri Dios.

Wuj Richin ri Hageo 2:2

Jare' ri ruch'abel ri Dios ri ninbij chawe rat Zorobabel, q'atoy-tzij pa ruwi' ri Judá, chawe rat Josué nimalej sacerdote, y chiwe rix konojel winaqi'.

Wuj Richin ri Hageo 1:12

Jari' toq ri Zorobabel, ri Josué y konojel ri winaqi', xkak'axaj ri ruch'abel ri Jehová ri ki-Dios ri xubij ri Hageo. K'ari' rije' xkik'en rukiy y xkiya' rejqalen ri Jehová.

Wuj Richin ri Hageo 1:1

K'o k'a jun q'alajirisey ruch'abel ri Dios rubini'an Hageo. Y chupan k'a ri nabey q'ij chire ri ruwaqxaq ik' chire ri ruka'n juna' richin ri q'atbel-tzij richin ri rey Darío, ri Dios xch'on k'a pe rik'in ri Hageo y xuya' jun rutzijol chire richin nubij chire ri q'atoy-tzij pa ruwi' ri ruwach'ulew Judá rubini'an Zorobabel ruk'ajol ri Salatiel, y chire chuqa' ri nimalej sacerdote rubini'an Josué, ruk'ajol ri Josadac.

Wuj Richin ri Jeremías 22:28

Ri Jeconías achi'el xa ta jun paxineq bojo'y ri man jun chik nik'atzin-wi. Rija' achi'el jun k'ojelibel ri man jun nipoqonan richin. Keri' xtinben chire rija' y chike ri aj pa rachoch. Y achi'el nik'aq-el jun paxineq bojo'y keri' xtinben yin kik'in rije' pa jun chik ruwach'ulew ri man jun bey kitz'eton.

Wuj Richin ri Jeremías 22:24

Yin Jehová ri k'aslik Dios, yich'on pa ruwi' ri rey Jeconías*f8* ruk'ajol ri Joaquim. Stape' rija' kan k'o ta janila rejqalen achi'el ri lipq'a' ri k'o chirij ri ruwi' nuq'a' ri k'o pa wijkiq'a', yin kan xtinwelesaj-el chupan ri ruq'atbal-tzij roma ri rumak.

Wuj Richin ri Nehemías 12:1

Jare' ri sacerdote y ri e levita ri xetzolin-pe rik'in ri Zorobabel y rik'in ri Josué. Ri sacerdote ri e aj-raqen ri ek'o pa ruq'a' ri Josué ja ri Seraías, ri Jeremías, ri Esdras, ri Amarías, ri Maluc, ri Hatús, ri Secanías, ri Rehúm, ri Meremot, ri Idó, ri Guinetón, ri Abías, ri Mijamín, ri Maadías, ri Bilgá, ri Semaías, ri Joiarib, ri Jedaías, ri Salú, ri Amoc, ri Hilquías y ri Jedaías.

Wuj Richin ri Esdras 5:2

K'ari' ri Zorobabel ruk'ajol ri Salatiel, y ri Josué ruk'ajol ri Josadac, xkichop chik q'anej ri samaj richin xkipaba-q'anej ri rachoch ri Dios ri k'o pa Jerusalem; y ri q'alajirisanela' ri' ek'o k'a kik'in rije' richin yekito'.

2 Rey 25:27

Y toq xapon yan k'a juwineq wuqlajuj juna' chi tuk'uex-el ri Joaquín ri rey richin Judá, ja juna' ri' toq ri Evil-merodac xok-q'anej rey ri chiri' pa Babilonia. Rija' xuya' k'a el q'ij chire ri Joaquín richin xel-el ri akuchi tz'apen-wi. Y re' xbanatej chupan ri q'ij juwineq wuqu' richin ri ik' kablajuj chire ri juna' ri'.

2 Rey 24:14

Y ri Nabucodonosor xeruk'uaj-el konojel winaqi' aj-Jerusalem: Ri aj-labal y ri aj-raqen ri ek'o pa kiwi' rije' y ri achi'a' ri jalajoj ruwech kisamaj. Konojel k'a ri aj-Jerusalem ri xe'uk'uex-el, e 10,000. Y xaxe chik ri winaqi' ri man jun k'o kik'in ri xek'oje' kan chupan ri ruwach'ulew Judá.

Wuj Richin ri Jeremías 22:30

Ri Jeconías kan xtitz'ibex k'a kan rubi' chupan ri wuj kichin ri e kijatzul, chi rija' achi'el xa ta man xek'oje' ta ralk'ual, achi'el jun achin ri man jun utz nel chuwech. Roma kan man jun chike ri rijatzul rija' ri xtitikir ta ri xtitz'uye' kan pa rutz'uyubal ri David richin xtiq'aton-tzij pa ruwi' ri tinamit Judá, xcha' ri Dios.

San Mateo 1:11

Y re Josías re' xralk'ualaj ri Jeconías y ch'aqa' chik rach'alal. Y jari' toq ri winaqi' judío xe'uk'u'ex-el pa ruwach'ulew Babilonia.

San Mateo 1:13

Y re Zorobabel re' xralk'ualaj ri Abihud, ri Abihud xralk'ualaj ri Eliaquim, y ri Eliaquim xralk'ualaj ri Azor.

San Mateo 1:17

Kajlajuj k'a sol winaqi' xek'oje-pe, ri nitiker-pe rik'in ri Abraham k'a rik'in ri rey David. Kajlajuj sol winaqi' xek'oje-pe, ri nitiker-pe rik'in ri rey David k'a chupan ri ruq'ijul toq ri qawinaq xebe pa ximonri'il pa Babilonia.Y kajlajuj sol winaqi' ri nitiker-pe rik'in ri q'ij toq ri qawinaq xebe pa ximonri'il k'a ri q'ij toq xalex ri Cristo.