San Mateo 1:11 - Kaqchiquel Bible

¹¹ Y re Josías re' xralk'ualaj ri Jeconías y ch'aqa' chik rach'alal. Y jari' toq ri winaqi' judío xe'uk'u'ex-el pa ruwach'ulew Babilonia.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Ri Josías xralkꞌualaj ri Jeconías y xeralkꞌualaj chuqaꞌ ri chꞌaqa chik ruchaqꞌ-runimal ri Jeconías, y riꞌ xbꞌanatej chupan teq ri qꞌij atoq ri israelitas xetzꞌan e koma ri aj Babilonia y xeꞌukꞌuꞌex pa rochꞌulew Babilonia.

Kaqchikel Santa Maria de Jesus

¹¹ Y ri Josías xcꞌujieꞌ jun ralcꞌual ri xubꞌinaj Jeconías y nicꞌaj chic ralcꞌual, chupan ri tiempo antok xaꞌtzꞌam y xaꞌcꞌuax ri israelitas chi xaꞌbꞌacꞌujieꞌ chupan ri Babilonia.

Kaqchikel Central Guatemala

¹¹ Y re Josías re' xralc'ualaj ri Jeconías y ch'aka' chic rach'alal. Y jari' tok ri kavinak israelitas xban chique chi xebec'oje' pa ruvach'ulef rubini'an Babilonia.

Re C'ac'a Testamento pa Kach'abal

¹¹ Y re Josías jare' re rutota' re Jeconías y quirta' chuka' re nic'aj chic ruch'alal re Jeconías. Y ja chupan re tiempo re' tak re kavinak yoj re yoj israelitas re xe'c'ue' ajuer can, xban chique che xe'bec'ue' chupan re nación Babilonia, roma xe'ch'acataj pa quik'a' re ejército chin re Babilonia.

Kaqchikel Western Solola

¹¹ Y ri Josías xralc'ualaj ri Jeconías y ri ye nic'aj chic rach'alal ri Jeconías. Y ya tiempo ri' tek ri kech aj Israel xechapatej el y xe'uc'uex c'a pa Babilonia.

San Mateo 1:11 ပူးပေါင်းရင်းမြစ်များ

Dn 1:2

Y ri Dios kan xujech k'a ri Joaquim y ri e ruwinaq israelita pa ruq'a' ri Nabucodonosor; keri' chuqa' ri jalajoj ruwech samajibel ri ek'o chupan ri rachoch ri Dios. Y ronojel ri samajibel ri' ri Nabucodonosor xberuya' kan pa ruwach'ulew Babilonia, y xeruyek kan chupan ri yakonabel richin ri rachoch ri ru-dios.

Wuj Richin ri Jeremías 39:9

Y ri Nebuzaradán ri k'o pa kiwi' ri aj-labal, xeruk'uaj-el pa Babilonia ri winaqi' ri k'a ek'o kan chupan ri tinamit, chuqa' ri winaqi' ri xkijech-ki' pa kiq'a' rije' y xeruk'uaj-el chuqa' konojel winaqi' richin ri ruwach'ulew.

2 Crón 36:20

K'ari' xeruk'uaj-el pa Babilonia konojel ri winaqi' ri xekolotej kan chuwech ri kamik rik'in espada; y xe'ok rusamajela' ri xeyuqe' pa samaj rik'in rija', y kik'in ri ralk'ual rija'. Keri' xek'oje' k'a ja toq xapon na ri q'atbel-tzij richin Persia.

2 Crón 36:10

Pa rutikeribel ri jun chik juna', ri rey Nabucodonosor xuteq rubixik chi tuk'uex-el pa Babilonia ri Joaquín, junan rik'in ri samajibel ri k'o kejqalen ri ek'o pa rachoch ri Jehová. Y ja ri Sedequías, rach'alal ri Joaquín, xukusaj kan rey pa kiwi' ri aj-Judá y ri aj-Jerusalem.

2 Rey 25:11

Y k'ari' xeruk'uaj k'a el ri winaqi' ri k'a ek'o na kan chiri' pa Jerusalem, chuqa' ri winaqi' ri junan kiwech xkiben kik'in ri aj-Babilonia y ri ch'aqa' chik winaqi' aj-Judá.

2 Rey 23:31

Ri Joacaz k'o k'a juwineq oxi' rujuna' toq xok rey, y xaxe oxi' ik' xq'aton-tzij pa ruwi' ri Judá chiri' pa Jerusalem. Ri rute' rubini'an Hamutal rumi'al ri Jeremías ri aj-Libná.

2 Rey 24:14

Y ri Nabucodonosor xeruk'uaj-el konojel winaqi' aj-Jerusalem: Ri aj-labal y ri aj-raqen ri ek'o pa kiwi' rije' y ri achi'a' ri jalajoj ruwech kisamaj. Konojel k'a ri aj-Jerusalem ri xe'uk'uex-el, e 10,000. Y xaxe chik ri winaqi' ri man jun k'o kik'in ri xek'oje' kan chupan ri ruwach'ulew Judá.

Wuj Richin ri Isaías 13:1

Ri Dios xuq'alajirisaj chinuwech ri xtuk'uluwachij ri ruwach'ulew Babilonia. Y jare' k'a ri rutzijol:

San Mateo 1:12

Y toq ek'o chik chiri' pa Babilonia, ri Jeconías xralk'ualaj ri Salatiel. Y ri Salatiel xralk'ualaj ri Zorobabel.

San Mateo 1:17

Kajlajuj k'a sol winaqi' xek'oje-pe, ri nitiker-pe rik'in ri Abraham k'a rik'in ri rey David. Kajlajuj sol winaqi' xek'oje-pe, ri nitiker-pe rik'in ri rey David k'a chupan ri ruq'ijul toq ri qawinaq xebe pa ximonri'il pa Babilonia.Y kajlajuj sol winaqi' ri nitiker-pe rik'in ri q'ij toq ri qawinaq xebe pa ximonri'il k'a ri q'ij toq xalex ri Cristo.