Marcos 9:2 - Kaqchiquel Bible

² Toq ik'owineq chik waqi' q'ij, ri Jesús xucha' ri Pedro, ri Jacobo y ri Juan richin xeruk'uaj k'a pa ruwi' jun juyu'. Chiri' ri Jesús xjalatej k'a ruwech chikiwech ri e oxi' rutijoxela' ri'.

နောက်ထပ်ဗားရှင်းများ

Kaqchikel Santo Domingo (Xenacoj)

² Atoq qꞌaxneq chik waqiꞌ qꞌij, ri Jesús xerukꞌuaj ri Pedro, ri Santiago y ri Juan, xbꞌa e chuwech jun nim juyuꞌ. Chiriꞌ ri Jesús xjalatej qa ruwech chikiwech.

Kaqchikel Santa Maria de Jesus

² Y antok kꞌaxnak chic vakiꞌ kꞌij, ri Jesús xaꞌruchaꞌ ri Pedro, ri Jacobo y ri Juan, y xaꞌrucꞌuaj cꞌa ri iyoxeꞌ reꞌ paroꞌ jun juyuꞌ nem. Y ri Jesús xcꞌaxtaj rutzubꞌal chiquivach.

Kaqchikel Central Guatemala

² Y tok ic'ovinek chic c'a vaki' k'ij, ri Jesús xucha' ri Pedro, ri Jacobo y ri Juan, richin chi xaxe quiyon ri e oxi' xeruc'uaj c'a pa ruvi' jun juyu' nim. Y ri Jesús xjalatej c'a ruvech chiquivech ri e oxi' rutijoxela'.

Re C'ac'a Testamento pa Kach'abal

² Y tak k'axnak chic vaki' k'ij, re Jesús xaxe re Pedro, re Jacobo y re Juan re xe'ruc'uaj-a pa rue' jun nema-loma. Y re Jesús xjalataj rutzubal chiquivach re je oxe' ru-discípulos re'.

Kaqchikel Western Solola

² Y tek k'axnek chic c'a waki' k'ij, ri Jesús xerucha' ri Pedro, ri Jacobo y ri Juan, riche (rixin) chi xeruc'uaj chi ye oxi' c'a pa ruwi' jun nimajuyu'. Y ri Jesús xjalatej c'a ruwachbel chiquiwech ri ye oxi' rudiscípulos.

Marcos 9:2 ပူးပေါင်းရင်းမြစ်များ

1 Rey 18:33

Xuchojmirisaj-q'anej ri si' y xuk'ajij ri wákix, y k'ari' xuya-q'anej pa ruwi' ri si'.

1 Rey 18:42

Rokik ri Acab xwa-xuk'ya', ri Elías xjote-el pa ruwi' ri juyu' Carmelo, y xxuke-qa pan ulew richin xch'on rik'in ri Jehová, y ri rujolon xapon k'a chukojol ri ruch'ek.

Ex 24:13

Y ri Moisés jari' k'a nibe-el pa ruwi' ri juyu' rachibilan-el ri Josué ri ruto'onel.

Wuj Richin ri Isaías 33:17

Rix k'a nuwinaq kan xtitz'et k'a ri ruwech ri qa-rey ri k'o ruq'ij. Chuqa' xtitz'et chi ri rajawaren kan xtapon k'a janila nej.

Wuj Richin ri Isaías 53:2

Ri rusamajel ri Jehová man jebel ta xk'iy, xa achi'el ok jun che' o jun q'ayis ri nibebos-pe pa chaqi'j ulew. Man jebel ta ok ri rubanik, chuqa' ri nitzu'un; richin roj xqatzeqelibej ta.

San Mateo 14:13

Ri Jesús kan xaxe k'a xrak'axaj-el ronojel ri banatajineq, xok-el pa jun barco e rachibilan-el ri rutijoxela', y xq'ax juk'an ruchi' ri choy richin Galilea, roma rija' nrajo' nik'oje' ruyon. Jak'a toq ri winaqi' xkak'axaj-el, chikaqen k'a xebe ri pa taq tinamit richin xe'apon k'a akuchi k'o chi napon-wi ri Jesús.

Marcos 14:33

Xaxe k'a ri Pedro, ri Jacobo y ri Juan ri xeruk'uaj-el. Jari' toq rija' janila xuna' yan ri xtiberuk'uluwachij. Kan jun bis k'a janila nim ri xpe pa ránima.

Marcos 16:12

Keri' chuqa' ri Jesús xuk'ut-ri' chikiwech e ka'i' rutijoxela' ri kichapon-el bey richin yebe pa juyu', jak'a ri Jesús kan jun wi chik nitzu'un toq xuk'ut-ri' chikiwech rije'.

Marcos 5:37

Ri Jesús xaxe ri Pedro, ri Jacobo y ri Juan ri kach'alal-ki' ri xeruk'uaj-el.

San Lucas 6:12

Chupan ri ruq'ijul ri', ri Jesús xbe k'a pa ruwi' jun juyu' richin xbech'on rik'in ri Dios. Y junaq'a' k'a xk'ase' chi ch'owen rik'in rija'.

San Juan 1:14

Ri ch'abel ri' xoqaqa k'a chuwech re ruwach'ulew y kan xok k'a chuqa' jun wineq. Y kan xqatz'et k'a chi ja rija' ri juney ruk'ajol ri Dios, y kan k'o ruq'ij-ruk'ojlen ri Dios rik'in. Chuqa' kan nojineq k'a rik'in ri qitzij y ri utzil.

Romanos 12:2

Man titzeqelibej ri kik'aslen ri winaqi' ri k'a kikuquban na kik'u'x rik'in re ruwach'ulew. Xa kan tiya' q'ij chire ri Dios richin nujel ri ich'obonik, richin keri' kan tijalatej k'a chuqa' rubanik ri ik'aslen. Y keri' xtiwetamaj ri achike nrajo' ri Dios chi niqaben. Ri nrajo' rija': Ja ri utz, ri jebel y ri choj.

2 Corintios 13:1

Y jare' ri rox bey ri xkinapon chila' iwik'in. Xtiqachojmirisaj k'a ronojel xa rik'in ta e ka'i' o e oxi' xkebin ri kitz'eton chikij chikijujunal ri e qajineq pa mak.

Filipenses 3:21

Re ch'akulaj re qak'uan wakami, man jun ok rejqalen. Jak'a xtapon jun q'ij toq rija' xtujel, y xtok k'a achi'el ri rucha'kul rija' ri k'o ruq'ij-ruk'ojlen. Re' xtuben rik'in ri uchuq'a' ri k'o rik'in ri nukusaj richin chi nik'oje' ronojel pa ruq'a'.

Apocalipsis 20:11

Chirij ri' xintz'et k'a jun tz'uyubel richin q'atbel-tzij ri kan nirepelun, y xintz'et ri tz'uyul chupan, ri achoq chuwech xe'animej-wi ri kaj y ri ruwach'ulew y man jun bey chik xetz'etetej.