Marcos 7:22 - Kaqchiquel Bible

²² Chiri' nipe-wi ri jalajoj taq ch'obonik; toq nikirayij chi ronojel k'o ta kik'in, yekibanala' etzelal, yeq'olon, ri winaqi' nikibanala' mak ri janila yek'ixbisan, itzel nikina' chire jun wineq ri utz k'o, yekibila' itzel taq ch'abel chikij ch'aqa' chik, nikina' chi janila kiq'ij y xa e nakaneq.

နောက်ထပ်ဗားရှင်းများ

Kaqchikel Santo Domingo (Xenacoj)

²² ndukanoj rukꞌexel ri achoq ikꞌin kꞌulan, ndijamem, ndubꞌen itzel teq achike chake chꞌaqa, ndichꞌakatin, ndurayij ndubꞌen ri itzel teq rayinik chin ri ru-cuerpo, itzel ndunaꞌ chare roma utz kibꞌanun chꞌaqa chik, ndubꞌilaꞌ itzel teq tzij chikij wineq, ndunimrisalaꞌ riꞌ, xetal nditajiyaj y ma jubꞌaꞌ ndunojij ri ndajin rikꞌin.

Kaqchikel Santa Maria de Jesus

²² ri ncaꞌlakꞌ, ri niquirayij chi nojiel ri cꞌo choch-ulief can ta quiqꞌuin ijejeꞌ cꞌo-ve, ri itziel quinoꞌj, ri niquiꞌan maña, ri achiꞌaꞌ y ri ixokiꞌ ja ri nurayij ri qui-cuerpo ri niquiꞌan, ri itziel niquitzꞌat jun vinak ri otz cꞌo, ri ncaꞌquiꞌej itziel tak tzij chiquij nicꞌaj chic, ri niquinaꞌ chi can altíra i-nimaꞌk, y ri man niquiꞌan ta pensar otz.

Kaqchikel Central Guatemala

²² Pa tak cánima c'a ri vinek nipe-vi ri jalajoj tak ch'obonic, tok ye'elek', tok niquirayij chi ronojel ta cosa quiq'uin ta rije' c'o-vi, yequibanala' etzelal, yek'olon, ri achi'a' y ri ixoki' niquibanala' mac ri janíla yeq'uixbisan, itzel niquina' chire jun vinek ri utz c'o, yequibila' itzel tak ch'abel chiquij ri ch'aka' chic, niquina chi janíla quik'ij, e nacanek.

Re C'ac'a Testamento pa Kach'abal

²² Pa tak cánma c'a re vinak nipo-va tak ye'lak', tak niquirayij che ronojel-ta cosa quiq'uin-ta reje' c'o-va, ye'quibanala' re itzel tak banabal, ye'tz'ucu tzij, niquibanala' mac re camas ye'yi'o q'uex, itzel niquina' cha jun vinak re otz c'o, je nacanak, ye'quibila' itzel tak tzij chiquij re vinak, niquina' che camas quik'ij.

Kaqchikel Western Solola

²² Pa tak cánima c'a ri winek nipe wi ri jalajoj ruwech itzel tak na'oj, achi'el tek ye'elek', tek niquirayij chi ronojel ta cosa quiq'ui ta riye' c'o wi, yequibanala' etzelal, yek'olon, ri achi'a' y ri ixoki' yequibanala' mac ri sibilaj q'uixbel, itzel niquina' chare jun winek ri utz c'o, yequibila' itzel tak ch'abel chiquij ri nic'aj chic, ri niquina' chi can c'o quik'ij, y ri ma yech'obon ta jabel.

Marcos 7:22 ပူးပေါင်းရင်းမြစ်များ

2 Crón 32:31

K'o k'a jun q'ij ek'o ka'i-oxi' tata'al richin Babilonia xe'apon pa Jerusalem richin xebetzijon rik'in ri Ezequías pa ruwi' ri meyel banobel ri xbanatej pa ruwi' ri ruwach'ulew. Ri Dios xuya' q'ij chire ri Ezequías chi tuch'obo' ri k'atzinel richin nuben xaxe richin nutejtobej y niq'alajin ronojel ri k'o pa ránima.

Wuj Richin Bix Chire ri Dios 10:4

Roma nim nuna-ri', kan man yarukanoj ta rat, kan man yarunataj ta k'a chupan ronojel ri nuch'ob.

Wuj Richin Bix Chire ri Dios 119:36

Tabana' chire ri wánima chi nrajo' ta nuben ri nubij ri apixa', y man ta ja ri itzel taq ch'akoj ri xtinrayij ruwech.

Wuj Richin Etamabel-Tzij 12:23

Ri wineq ri k'o retamabal kan man nunabej ta k'a chi k'o retamabal; jak'a ri wineq maneq ok retamabal kan ja rija' ri nrajo' nich'on nabey y xa nuk'ut chi maneq ok retamabal

Wuj Richin Etamabel-Tzij 22:15

Ri ruch'ujilal jun ala', kan ch'ikil ri chiri' pa ránima, jak'a wi nukusex ri xik'a'y toq nitijox richin chi man nuben ta chik ri banobel ri', kan nel-wi-el.

Wuj Richin Etamabel-Tzij 23:6

Xa ta napon jun q'ij chi jun k'ek' wineq yaroyoj richin jun wa'in, man tibe awech y ak'u'x chirij ri jalajoj q'utun ri yeruya' chawech.

Wuj Richin Etamabel-Tzij 24:9

Ri banobel ri nurayij nuben ri wineq ri xa maneq runa'oj, xa ruyon mak; y ri wineq ri xa man nich'obon ta jebel, xa netzelex k'a koma ri winaqi'.

Wuj Richin Etamabel-Tzij 27:22

Jun wineq ri xa maneq runa'oj, stape' kan niq'ututex, man nichojmir ta.

Wuj Richin Etamabel-Tzij 28:22

Ri wineq ri janila nirayin, kan anineq nrajo' nibeyomer-q'anej; y man jun retaman chi xa meba'il ri peteneq chirij.

Wuj Richin ri Molojri'il 7:25

Man rik'in ri', kan beneq nuk'u'x chirij chukanoxik y chi retamaxik ri na'oj, roma kan xinwajo' ta xinwil ri ruxe'. Xinwajo' ta chi ri nunojibal kan ta nitikir nusol-rij ri achike k'a roma toq k'o ronojel, y jari' toq kan xinwil k'a chi ri etzelal nipe roma maneq qana'oj. Y re maneq qana'oj xa roma qach'ujilal.

Wuj Richin ri Isaías 59:13

Kan janila itzel xqaben chawe rat Jehová, y kan xqach'er-el-qi' awik'in. Xa xojch'on rik'in q'oloj y yakatajinenri'il. Kan xeqatz'ila' ch'aqa' chik winaqi', y xa xeqabij ch'abel ri xa e tz'ukun y man e ruk'amon ta.

Wuj Richin ri Isaías 59:7

Kan anineq yixbe chubanik etzelal. Kan anineq yixbe chi relesaxik ri ruk'aslen ri xa man jun rumak. Ri ich'obonik xaxe richin ye'iben ri etzelal, y ri akuchi ri yixq'ax-wi, kan ronojel niyoj y niwulaj kan.

Wuj Richin ri Jeremías 17:9

Xa ruyon q'oloj k'o pa ránima ri wineq. Man nuben ta ronojel pa ruchojmilal. Y kan man jun nitikir niq'ax chuwech ri nuch'ob.

San Mateo 20:15

Roma ronojel ri k'o wik'in yin, kan pa nuq'a' k'a yin k'o-wi richin ninben achike ri ninwajo' ninben rik'in. Rat xa itzel nana' chike rije' toq yin xa ja ri utz ninben, xcha'.

San Mateo 6:23

Jak'a wi ri runaq'-iwech man e utz ta, rix xa ixk'o pa jun q'equ'm. Roma wi xa nijalatej ri saqil ri ruya'on ri Dios pan iwánima y xa kan nok q'equ'm; wi keri', kan más chik k'a nim ri q'equ'm.

Marcos 7:21

Roma xa pa ránima ri wineq yepe-wi ri itzel taq ch'obonik. Chiri' nipe-wi ri ch'obonik toq ri winaqi' ri e k'ulan y ri man e k'ulan ta nikikanola-ki' richin yemakun. Chiri' chuqa' nipe-wi ri ch'obonik toq ye'eleq' y yekamisan.

Marcos 7:23

Ronojel k'a ri etzelal ke taq ri', pa ránima ri wineq nipe-wi, y jari' ri nitz'ilobisan richin, xcha' ri Jesús chike ri rutijoxela'.

2 Corintios 10:5

Kan yeqaqasaj-wi k'a ri ch'abel ri yekipaba' chiqawech ri kinimirisan-ki' y man nikiya' ta q'ij chi ri winaqi' niketamaj ta ruwech ri Dios. Roj kan yeqaya' pa ruq'a' ri Cristo richin nikinimaj ta rutzij, ri winaqi' ri k'o ch'obonik ke taq ri' kik'in.

Deut 15:9

Man tiya' q'ij chi nipe itzel taq ch'obonik iwik'in y nibij: Xa noqaqa yan ri juna' wuqu' toq nikuyutej ronojel k'as, yixcha-qa. Y roma ri' xa kan itzel chik k'a xtitz'et y man jun niya' chire. Man k'a tiben keri', roma rija' xa xtisujun-q'anej chuwech ri Jehová y rix kan xtiban chiwe chi kan ix aj-mak.

Deut 28:54

Stape' ta jun achin ri janila jebel-runa'oj ri k'o chi'ikojol, kan xtutej jun chike ri ralk'ual, roma man jun chik ri k'o rik'in richin nutej, roma kan janila nim ri ruk'ayewal ri xtipe pan iwi' rokik sutin-rij ri itinamit koma ri etzelanel iwichin. Ri jun achin kan xkerixowaj ri rach'alal, ri rixjayil y ri e ralk'ual ri k'a ek'o na kan rik'in, xaxe richin man nuya' ta chike juba' ri ruch'akul ri ralk'ual.

Deut 28:56

Stape' ta jun ixoq ri kan janila ruq'ij ri k'o chi'ikojol rix ri kan man jun bey nibiyin ta chiraqen roma kan man nrajo' ta nupalibej ulew, re ixoq re' xtutej ri ti ral ri k'a juba' talex y chuqa' ri rachibil ri ruk'amon-pe ri ak'ual, ronojel re' xtutej pa ruyonil. Kan xkerixowaj ri rachijil y ri ral xaxe richin chi man nusipaj ta juba' chike ri ruch'akul ri ti ral.

1 Pedro 2:15

Ri Dios kan nrajo' k'a chi rix ja ta ri utz ri niben ronojel bey, richin keri' man jun yetikir nikibij chiwij ri winaqi' ri man jun ketaman y man yech'obon ta jebel.

1 Pedro 5:5

Y rix ri k'a ix ak'uala' na, tinimaj k'a kitzij ri e uk'uayon iwichin. Y kan chi'iwonojel tinimala' tzij chiwech. Man tinimirisaj-iwi', roma chupan ri ruch'abel ri Dios ri tz'iban kan, nubij:*f8* Ri Dios man yeqa ta chuwech ri nikinimirisaj-ki'. Jak'a ri nikiqasaj-ki', rija' nuya' ri rutzil pa kiwi', nicha'.