Marcos 7:14 - Kaqchiquel Bible

¹⁴ Ri Jesús xch'on chik k'a jun bey kik'in ri janila chi winaqi' ri kimolon-apo-ki' chiri', y xubij k'a chike: Tiwak'axaj k'a chi'iwonojel re xtinbij chiwe y tiq'ax-el chiwech.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Y ri Jesús xeroyoj chi apu jumbꞌey ri santienta wineq apeꞌ kꞌo rijaꞌ y kereꞌ xubꞌij chake: Kiniwakꞌaxaj rix iwonojel y tikꞌoxomaj:

Kaqchikel Santa Maria de Jesus

¹⁴ Y ri Jesús xaꞌrayuoj-apa quinojiel ri vinak ri quimaluon-quiꞌ chireꞌ y xuꞌej chica: Tivaxaj otz ixvonojiel ri xtinꞌej chiva y tiꞌka pan iveꞌ (tibꞌanaꞌ entender).

Kaqchikel Central Guatemala

¹⁴ Y ri Jesús xch'on chic c'a jun bey quiq'uin ri janíla chi vinek ri quimolon-apo-qui' chiri' y xubij c'a chique: Tivac'axaj c'a chi'ivonojel re xtinbij chive y tik'ax-el chivech.

Re C'ac'a Testamento pa Kach'abal

¹⁴ Y re Jesús xch'o chic jun bey quiq'uin conojel vinak re quimalon-apo-qui' chire' y xubij chique: Tic'axaj c'a chiyixnojel re xtimbij chiva y tak'ax pan ive'.

Kaqchikel Western Solola

¹⁴ Can yac'ari' tek ri Jesús xerusiq'uij (xeroyoj) apo quinojel ri winek riq'ui, ri quimolon qui' chiri', y xubij c'a chique: Tiwac'axaj c'a chi'iwonojel re xtinbij chiwe y tik'ax chiwech.

Marcos 7:14 ပူးပေါင်းရင်းမြစ်များ

San Mateo 15:10

Chirij ri' ri Jesús xch'on kik'in ri janila chi winaqi' ri kimolon-ki' chiri', y xubij k'a chike: Tiwak'axaj k'a re xtinbij chiwe y tiq'ax-el chiwech.

Hechos 8:30

Toq ri Felipe ruq'i'on chik ri karruaje ri', xrak'axaj k'a chi ri achin beneq chiri' ja k'a ri wuj ri rutz'iban kan ri Isaías, jari' ri nusik'ij beneq. Jari' toq ri Felipe xuk'utuj chire: ¿Niq'ax k'a chawech ri yatajin chusik'ixik?, xcha'.

Wuj Richin ri Isaías 6:9

K'ari' ri Jehová xubij chuwe: Kabiyin y tabebij chike ri awinaq re ch'abel re': Stape' janila k'iy bey xtiwak'axaj ri nuch'abel, xa kan man jun xtiq'ax chiwech. Stape' janila k'iy bey xtitz'et ri nubanobal, xa kan man xtiq'ax ta chiwech ri nitz'et.

Wuj Richin Etamabel-Tzij 8:5

Rix ri man k'iy ta iwetaman, kan tiwetamaj chi pa rubeyal niben rik'in ronojel, rix ri man k'iy ta etamabel k'o iwik'in, kan tiwetamaj k'a yixnojin jebel.

Wuj Richin Bix Chire ri Dios 94:8

Rix ri man jun iwetaman, kan tiq'ax k'a chiwech. Rix ri kan man jun ina'oj, ¿k'a janipe' k'a xkixok aj-na'oj?

1 Rey 22:28

Y ri Micaías xubij chire: Wi rat xkatzolin-pe rik'in uxlanibel-k'u'x, man ja ta k'a ri Jehová ri xbin chuwe ri xinbij chawe ri', xcha'. Y ri Micaías chuqa' xubij chike ri winaqi': Rix kan xiwak'axaj k'a ri xinbij chire ri Acab, xcha'.

1 Rey 18:21

Y toq ri winaqi' ek'o chik chiri', jari' toq ri Elías xubij chike: ¿K'a janipe' k'a xkixtane' rix richin chaq kaka' ik'u'x? Wi ja ri Jehová jari' ri Dios titzeqelibej k'a rija'. Y wi ja ri Baal, kixbiyin k'a chikij rije', xcha' chike. Y ri winaqi' kan man jun k'a xkibij chire.

San Lucas 12:1

Janila chi winaqi' ri xkimol-apo-ki' ri chiri'. Roma ri' nikinimila' chik ki'. Ri Jesús xuchop k'a tzij kik'in ri rutijoxela' nabey, y xubij chike: Tichajij-iwi', roma ri fariseo xa ka'i' kipalej, y man niq'alajin ta achike kibanik, achi'el ri ch'amilej-q'or.

Marcos 7:13

Keri' rix xa iq'ajon ruwi' ri rubin kan ri Dios. Roma xa ja ri kibin kan ri iwati't-imama' ri niben. Ek'o chuqa' ch'aqa' chik achi'el re' ri ye'ibanala', xcha' ri Jesús chike ri fariseo y ri etamanela'.

Marcos 7:15

Ri nitz'ilobisan richin ri wineq man ja ta k'a ri nutej-qa nibanon. Ri nitz'ilobisan xa ja ri itzel taq ch'abel ri yepe rik'in ri wineq.*f9*

Wuj Richin ri Jeremías 25:2

Jari' toq xich'on kik'in ri nuwinaq richin ri tinamit Jerusalem y chijun ri ruwach'ulew Judá. Y xinbij k'a: