Marcos 6:9 - Kaqchiquel Bible

⁹ Man tikik'uaj-el ka'i' jal kitziaq, jak'a ri kixajab utz chi nikikusaj-el.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Xubꞌij chuqaꞌ chake chi tikikusaj e kixajabꞌ, y ma tikikꞌuaj jutzaq chik tzieq.

Kaqchikel Santa Maria de Jesus

⁹ Man tiquicusaj-el caꞌyeꞌ quitziak. Pero otz chi niquicusaj-el quixajabꞌ.

Kaqchikel Central Guatemala

⁹ Man tiquicusaj-el ca'i' quitziak. Pero utz chi niquicusaj-el quixajab.

Re C'ac'a Testamento pa Kach'abal

⁹ Man tiquicusaj-a ca'e' quitziak. Pero re quixajab otz che niquicusaj-a.

Kaqchikel Western Solola

⁹ Ma tiquicusaj ta el ca'i' quitziak. Pero utz chi niquicusaj el ri quixajab.

Marcos 6:9 ပူးပေါင်းရင်းမြစ်များ

Hechos 12:8

Ri ángel xubij k'a chuqa' chire ri Pedro chi tuchojmirisaj-el-ri', y tukusaj-el ri ruxajab. Y toq k'achojineq chik k'a ri Pedro, ri ángel xubij chire chi tubolqotij-el-ri' chupan ri ruq'u', y tutzeqelibej-el ri ángel.

Efesios 6:15

Jantape' tinaba-iwi' richin nibij ri utzilej ch'abel richin kolotajik, achi'el toq ikusan chik ri ixajab richin yixbe.

San Mateo 3:11

Yin, xaxe k'a ya' ninqasaj pa kiwi' ri winaqi' toq nitzolej-pe kik'u'x rik'in ri Dios. Jak'a re chiqawech-apo xtipe jun ri xtuqasaj ri Loq'olej Espíritu rachibilan q'aq' pa kiwi' ri winaqi'. Ri' kan man achi'el ta ok yin. Roma yin kan man ruk'amon ta ni richin nink'uaj ri ruxajab. Ri jun ri' nim ruq'ij y nim ruchuq'a'.

San Mateo 10:10

Toq xkixbe man jun k'a tik'uaj-el; man k'a tik'uaj-el peqes; man tik'uaj-el jun chik itziaq; xa kan xaxe ri ikusan-el. Man tik'uaj chik jun k'ulaj ixajab, ni man tik'uaj chuqa' ich'ame'y, roma ri samajel, xabakuchi napon-wi, kan ruk'amon richin nuk'ul ri nik'atzin chire.

Marcos 6:8

Xubij chuqa' el chike chi xaxe ri kich'ame'y tikik'uaj-el. Man tikik'uaj-el peqes, wey y méro pa taq ruximibal-kipan.

Marcos 6:10

Ri Jesús xubij chuqa' chike ri rutijoxela': Xabachike tinamit yixapon-wi, toq yixok pa jun jay, kan chiri' k'a kixk'oje-wi-qa. Xa kan k'a ja toq yixel na pe chiri', k'ari' niya' kan ri jay ri xixk'oje-wi.