Marcos 6:48 - Kaqchiquel Bible

⁴⁸ Xerutz'et apo chi ri rutijoxela' rik'in ruk'ayewal nibiyin ri barco chikiwech, roma ri kaq'iq' nupaxij-ri' chuwech, y xa nutzolij chirij. Toq niseqer yan pe y jubama niq'ax yan ri aq'a' ri', ri Jesús nibiyin pa ruwi' ri ya' beneq-apo, y niq'ax-el chikiwech.

နောက်ထပ်ဗားရှင်းများ

Kaqchikel Santo Domingo (Xenacoj)

⁴⁸ Y xerutzꞌet ri discípulos ekosneq ndikitij kiqꞌij ndikibꞌen remar ebꞌaneq apu pariꞌ ri yaꞌ, porque ri kaqiqꞌ ndubꞌajilaꞌ riꞌ chuwech ri barco. Y atoq jun laꞌeq oxiꞌ chik hora ndirajoꞌ chin ndisaqer pe, ri Jesús ndibꞌiyin xbꞌa apu pariꞌ ri yaꞌ y xubꞌen achel xe keriꞌ ngeruqꞌasaj kan.

Kaqchikel Santa Maria de Jesus

⁴⁸ Y ri Jesús xaꞌrutzꞌat-apa chi ri ru-discípulos ya i-cosnak chic, ruma altíra nuꞌon ri cakꞌiekꞌ y man nuyaꞌ ta chic lugar cha ri barco chi choj niꞌin choch. Y antok ya nisakar-pa, ri Jesús patanak chirakan paroꞌ ri mar, y nrajoꞌ nakꞌax chiquivach.

Kaqchikel Central Guatemala

⁴⁸ Y ri Jesús xerutzu' c'a chi ri rutijoxela' man choj ta nibiyin ri canoa chiquivech, roma ri cak'ik' nupaxij-ri' chuvech ri canoa y nutzolij c'a. Y tok nipe yan c'a rusekeric y jubama nik'ax yan ri ak'a' ri', ri Jesús nibiyin c'a riq'uin ri raken pa ruvi' ri ya' benek-apo, y nrajo' c'a nik'ax-el chiquivech.

Re C'ac'a Testamento pa Kach'abal

⁴⁸ Y re Jesús xe'rutzu' che re ru-discípulos man choj-ta nibiyin re canoa chiquivach, roma re cak'ik' nupaxij-ri' chach re canoa y nutzolij chij. Y tak nisakar-yam-pa, re Jesús binak charakan pa rue-ya' chin niba-apo quiq'uin y nrajo' nak'ax chiquivach.

Kaqchikel Western Solola

⁴⁸ Y ri Jesús xerutz'et c'a chi ri rudiscípulos ye cosnek chic y ma yecowin ta niquiben chare ri jucu' chi nibiyin chiquiwech, ruma ri cak'ik' nupaxij ri' chuwech ri jucu' y nutzolij c'a. Y tek xa ruchapon c'a pe rusekeric, ri Jesús petenak c'a chraken pa ruwi' ri choy, y nrajo' c'a nik'ax el chiquiwech.

Marcos 6:48 ပူးပေါင်းရင်းမြစ်များ

San Lucas 24:28

Toq xe'apon k'a ri pa tinamit ri', ri Jesús xuben chi kan choj niq'ax-el.

San Lucas 12:38

Stape' ri kajaw noqaqa ta pa nik'aj-aq'a' o ja toq niseqer yan pe, wi ri samajela' ri' k'a e k'es na chiroyobexik ri kajaw, jebel ruwa-kiq'ij.

Wuj Richin ri Achin Job 9:8

Xaxe ruyon rija' xtikir xbanon chi xrik'itej ri kaj. Xaxe chuqa' rija' ri nitikir nibanon chi nisile-qa ri nibolqo't ri ruwi' ri ya'.

San Juan 1:13

Re', man nel ta chi tzij chi xe'alex chik rik'in ri kite'. Chuqa' man roma ta rurayibel ri wineq. Jak'a kan xe'ok ralk'ual ri Dios roma keri' ri rurayibel rija'.

San Mateo 14:24

Jak'a ri barco ri e beneq-wi ri tijoxela' kan xapon yan k'a pa runik'ajal ri choy, y ri ya' nibolqo't ruwi', y man nuya' ta q'ij chi nibiyin ri barco roma nupaxij-ri' ri kaq'iq' chuwech.

Wuj Richin ri Isaías 54:11

Rix winaqi' aj-Jerusalem kan janila ix tz'ilon, roma kan achi'el ixk'o pa jun nimalej kaq'iq'. Rix kan man jun nikuquban ik'u'x, jak'a yin kan xtinpaba' chik ri itinamit rik'in jebelej taq abej. Y ri tz'aq kan xtinya' pa ruwi' ri jebelej abej zafiro.

Wuj Richin Bix Chire ri Dios 104:3

Kan xajikiba' ri ruwi' ri awachoch pa ruwi' ri sutz'.*f99* Ri sutz' xe'ok achi'el jun carruaje uk'uey awichin. Rat kan yabiyin pa ruwi' ri kaq'iq'.

Wuj Richin Bix Chire ri Dios 93:4

Jehová ri atk'o chila' chikaj ri kan k'o ronojel uchuq'a' pan aq'a'. Ri awuchuq'a' kan nik'o chuwech ri ruchuq'a' ri palou. Kan nik'o k'a chuwech ri ya' ri nibolqo't pa ruwi'.

1 Sam 11:11

Ri jun chik q'ij, ri Saúl xeruch'er ri ruwinaq pan oxi' tzobaj. Nimaq'a' yan xe'ok pa runik'ajal ri akuchi ek'o-wi-qa ri e etzelanel kichin, y chiri' xkiben-wi labal. Y toq xmeq'e-pe ri q'ij, ri amonita xech'akatej yan. Y ri xekolotej kan xa xkitaluj k'a el ki', y kan man jun chik k'a xk'oje' kan chiri'.

Wuj Richin ri Rutikeribel 32:26

y xeri' ri achin xubij: Taya-el q'ij chuwe richin yibe, roma niseqer yan pe, xcha'. Jak'a ri Jacob xubij chire: Man xkatinya' ta el k'a toq in awurtisan chik kan, xcha'.

Wuj Richin ri Rutikeribel 19:2

Y rija' xubij chike: Wakami k'a nink'utuj utzil chiwe richin yixbe chuwij pa wachoch richin yixuxlan y nich'ej iwaqen. Y chiri' niq'axaj-wi ri aq'a' y chua'q nimaq'a' xtichop chik k'a el ri ibey, xcha' chike. Y rije' xkibij: Ni, pa bey yojk'oje-wi kan re junaq'a' re', xecha'.

Ex 14:24

Y xk'uluwachitej k'a, chi toq k'a jukumaj na chire ri q'ij ri', ri Jehová xerutzu-pe ri aj-labal richin Egipto y xuben chike chi xsach kik'u'x. Ri Jehová kan chupan k'a ri sutz' y ri q'aq' ri' beneq-wi.

San Mateo 24:43

Roma rix kan iwetaman-wi k'a, chi wi ta ri rajaw jun jay nretamaj jampe' napon ri eleq'om pa rachoch, ri rajaw ri jay ri' nik'ase' ta chuchajixik ri rachoch, y man ta nuya' q'ij chire richin nujeq-apo ri rachoch richin neleq'-el.

Marcos 6:47

Toq okineq chik aq'a', ri rutijoxela' e beneq chupan ri barco, xe'apon yan k'a pa runik'ajal ri ya', jak'a ri Jesús k'a k'o na kan pan ulew.

Marcos 6:49

Jak'a toq ri tijoxela' xkitz'et chi k'o jun nibiyin peteneq pa ruwi-ya', xesik'in roma xibinri'il. Y xkich'ob chi ri peteneq pa ruwi-ya' xa jun xibinel

Marcos 13:35

Roma ri' kan jantape' kiniwoyobej-apo, roma man iwetaman ta jampe' xkinoqaqa yin ri rajaw-jay. Roma rik'in juba' xkinoqaqa toq nok-pe ri aq'a', o ja ri pa nik'aj-aq'a', toq nisik'in-pe ri mama' nimaq'a' yan, o ja toq niseqer yan pe.