Marcos 6:22 - Kaqchiquel Bible

²² Ri akuchi kimolon-wi-ki', xok-apo jun xten ral ri Herodías, y rija' xxajo' chikiwech. Y ri xajoj ri xuben ri xten janila xqa' chuwech ri Herodes y chikiwech konojel ri yewa' rik'in. Roma ri' ri Herodes xubij chire ri xten: Tak'utuj ri achike nawajo' y xtinya' chawe.

နောက်ထပ်ဗားရှင်းများ

Kaqchikel Santo Domingo (Xenacoj)

²² Ri apeꞌ kimolon kiꞌ, xok apu ri xten ral ri Herodías, xxaja chikiwech y xqaꞌ chuwech ri Herodes y xqaꞌ chuqaꞌ chikiwech ri ngewaꞌ rikꞌin. Y ri Herodes xubꞌij chare ri xten: Takꞌutuj xa achike na ri ndawojoꞌ y riyin niyaꞌ chawa.

Kaqchikel Santa Maria de Jesus

²² Y pacheꞌ quimaluon-ve-quiꞌ ijejeꞌ, xuoc-pa ri ral-xtan ri Herodías; y jajaꞌ xxajo chiquivach. Y altíra xka choch ri Herodes y chiquivach quinojiel ri icꞌo riqꞌuin. Y ri rey Herodes xuꞌej cha ri xtan: Tacꞌutuj ri chica navajoꞌ y niyaꞌ chava.

Kaqchikel Central Guatemala

²² Y ri acuchi c'a quimolon-vi-qui' rije', xoc-apo jun xten ral ri Herodías; y rija' xxajo' chiquivech. Y ri xajoj ri xuben ri xten janíla xka' chuvech ri rey Herodes y chiquivech conojel ri yeva' riq'uin. Y ri rey Herodes xubij c'a chire ri xten: Tac'utuj c'a ri achique navajo' y xtinya' chave.

Re C'ac'a Testamento pa Kach'abal

²² Y re anche' quimalon-va-qui' reje', xoc-apo jun xtan ral re Herodías, y reja' xajo' chiquivach. Y re xajoj xuban re xtan camas xka chach re Rey Herodes y chiquivach conojel re ye'va' riq'uin. Y re Rey Herodes xubij cha re xtan: Tac'utuj re andex xtajo' y xtinya' chava.

Kaqchikel Western Solola

²² Y ri acuchi (achique) c'a quimolon wi qui' riye', xoc c'a apo jun k'opoj, ral ri Herodías; y ri k'opoj ri' xxajo chiquiwech. Y ri xajoj ri xuben sibilaj xka chuwech ri rey Herodes y chiquiwech quinojel ri yewa' riq'ui. Y ri Herodes xubij c'a chare ri k'opoj: Tac'utuj c'a ri achique nawajo' y xtinya' chawe.

Marcos 6:22 ပူးပေါင်းရင်းမြစ်များ

San Mateo 14:6

Jak'a chupan ri q'ij toq ri Herodes xutz'aqatisaj jun chik rujuna', xban k'a jun nimaq'ij, y chupan k'a ri nimaq'ij ri' ri xten ral ri Herodías xxajo' k'a chikiwech ri ek'o rik'in ri Herodes. Y ri Herodes kan janila xqa' chuwech ri xajoj ri xuben.

Dn 5:2

Ri rey Belsasar, roma ri ruq'abarik ri kan xik'o ruwi' ri xuben, kan xuteq k'a ruk'amik ri qumbel ri e banon rik'in q'anapueq y saqipueq ri e ruk'amon-pe ri Nabucodonosor chupan ri rachoch ri Dios ri k'o pa Jerusalem, toq rija' xq'aton-tzij. Kan xebek'amer k'a pe ri qumbel ri', y ri Belsasar xuqum vino chupan, e rachibilan ri e rixjayilal, ri e ru-concubina y ri achi'a' ri k'o kiq'ij.

San Mateo 11:17

y nikibij: Xojq'ojoman rik'in xul ri ruk'amon-pe kikoten, jak'a man xiwajo' ta xixxajo'. Xqabixaj bix richin bis chiwech y man xixoq' ta, yecha'. Y xa ix keri' k'a rix ri ixk'o wakami; kan man jun k'a niqa' chiwech.

San Mateo 14:3

Y k'o yan k'a k'iy q'ij q'axineq kan chi ri rey Herodes xubij chi tibechap-pe ri Juan. Kan xuxim-wi k'a pa cadena y xuya' pa cárcel. Keri' xuben chire roma ri Herodías ri k'o qa rik'in ri Herodes xa rixjayil ri Felipe ri rach'alal.