Marcos 6:21 - Kaqchiquel Bible

²¹ Jak'a xapon ri q'ij ri oyoben roma ri Herodías richin niqaqa ta ri Juan pa ruq'a'. Roma chupan ri q'ij ri', ri rey Herodes xtz'aqet chik jun rujuna'; xuben jun nima-wa'in y xeroyoj k'a ri e aj-raqen pa ruwi' ri ajawaren, ri e aj-raqen pa kiwi' ri aj-labal y chuqa' ri achi'a' ri k'o janila kiq'ij chikikojol ri aj-Galilea.

နောက်ထပ်ဗားရှင်းများ

Kaqchikel Santo Domingo (Xenacoj)

²¹ Y xuqaqa jun qꞌij atoq ri Herodías kꞌo cheꞌel ndukamisaj ri Juan, y riꞌ ja ri qꞌij atoq ri Herodes xukꞌis chik jun rujunaꞌ. Ri Herodes xeroyoj pa jun waꞌin ri nimaꞌq teq kiqꞌij wineq, ri nimaꞌq teq kiqꞌij ukꞌuey kibꞌey soldados, y ri nimaꞌq teq kiqꞌij aj rochꞌulew Galilea.

Kaqchikel Santa Maria de Jesus

²¹ Pero ri kꞌij ri royoꞌien ri Herodías chi nika ri Juan pa rukꞌaꞌ, xalka chupan ri kꞌij antok ri Herodes xuqꞌuis chic jun rujunaꞌ. Jajaꞌ xuꞌon jun namakꞌej y xuyaꞌ jun nem vaꞌen y xaꞌruꞌon invitar ri gobernadores ri ncaꞌsamaj chupan ri ru-gobierno, y xaꞌrayuoj ri qui-jefes ri soldados y xaꞌrayuoj jeꞌ ri achiꞌaꞌ principales chiquicajol ri aj-Galilea.

Kaqchikel Central Guatemala

²¹ Y ri k'ij c'a ri oyoben roma ri Herodías richin nika' ri Juan pa ruk'a', xapon c'a. Chupan ri k'ij tok ri rey Herodes xtz'aket chic jun rujuna', xuya' jun va'in y xeroyoj c'a ri k'atoy tak tzij ri ec'o pa ruk'a', xeroyoj ri e uc'uey quichin ri achi'a' banoy tak oyoval y xeroyoj chuka' ri achi'a' ri c'o janíla quik'ij chiquicojol ri aj-Galilea.

Re C'ac'a Testamento pa Kach'abal

²¹ Y xapon re k'ij re yaben roma re Herodías chin nika re Juan pa ruk'a'. Chupan re k'ij tak re Rey Herodes xtz'akater chic jun rujuna', xe'rayoj conojel re ye'bano gobernar re jec'o pa ruk'a', xe'rayoj re je ec'uay quichin re soldados y xe'rayoj chuka' re achi'a' re c'o más quik'ij chiquicojol re aj-Galilea, chin jun va'in.

Kaqchikel Western Solola

²¹ Y ri k'ij c'a ri oyoben ruma ri Herodías riche (rixin) chi nika ri Juan pa ruk'a', xoka c'a. Chupan ri k'ij tek ri rey Herodes xtz'aket chic jun rujuna', ri Herodes ri' xuya' jun wa'in y xerusiq'uij (xeroyoj) c'a ri aj k'atbel tak tzij ri yec'o pa ruk'a', xerusiq'uij (xeroyoj) chuka' ri achi'a' ri can c'o quik'ij chiquicojol ri soldados y xerusiq'uij (xeroyoj) ri achi'a' ri c'o quik'ij chiquicojol ri aj Galilea.

Marcos 6:21 ပူးပေါင်းရင်းမြစ်များ

Ester 2:18

Richin k'a niya'ox ruk'ojlen ri k'ak'a' reina, ri rey Asuero xuben jun nimaq'ij, y xeroyoj ri e tata'al y ri nima'q taq samajela'. Y xuyala' k'a sipanik chike roma ri rukikoten, y chuqa' chupan ri q'ij ri' xuqasaj ruwi' ri kan k'o chi nikitoj chire ri rey.

Wuj Richin ri Rutikeribel 40:20

Y pa rox q'ij, ri rey xtz'aqet chik k'a jun rujuna' y rija' xuben jun nimalej wa'in kichin konojel ri rusamajela' ri nima'q kiq'ij. Chikiwech k'a konojel ri e royon toq xuteq kik'amik ri e ka'i' aj-raqen ri', ri e tz'apel pa cárcel.

Apocalipsis 11:10

Y ri winaqi' ri' xkekikot janila roma ri e ka'i' ri xeken yan. Y roma ri kikikoten janila, kan xkekibanala' k'a sipanik chikiwech-qa rije', roma kan xek'ayewatej pa kiq'a' ri e ka'i' q'alajirisey ruch'abel ri Dios.

1 Pedro 4:3

Xa man chik k'a tiben banobel ri xe'iben ojer kan, toq xa kan man xixk'ix ta xe'ibanala' ronojel ruwech etzelal. Kan xiben k'a ronojel ri xirayij, xixq'aber, xe'ibanala' nima'q taq wa'in richin xitej ya' y xiyala' kiq'ij ch'aqa' chik dios ri xa e banon.

San Lucas 3:1

Chupan k'a ri q'ij ri' ja ri Tiberio César ri rey pa ruwi' ri ajawaren richin ri Roma. Toq rija' wolajuj yan juna' tuq'et-tzij, chuqa' yeq'aton-tzij re kaji' q'atoy taq tzij re': Ri Poncio Pilato, rija' niq'aton-tzij pa Judea; ri Herodes Antipas, rija' rey pa ruwi' ri ruwach'ulew Galilea; ri Felipe rach'alal ri Herodes, rija' rey pa kiwi' ri ruwach'ulew Iturea y Traconítide; y ri Lisanias, rija' rey pa ruwi' ri ruwach'ulew Abilene.

Os 7:5

Chupan ri nimaq'ij richin ri rey, kan xkiq'abarisaj ri rey, y ri e tata'al, kan xik'o ruwi' ri vino ri xkiya' chire.

Ester 3:7

K'o k'a jun q'ij chupan ri juna' kablajuj chire ri q'atbel-tzij richin ri rey Asuero, chupan ri nabey ik', ri nibix Nisán chire, chi ri Amán xuben jun sakinik*f3* richin nutz'et ri q'ij y ri ik' ri xtiberubana' ri ruch'obon pa kiwi' ri judío. Y xq'alajin k'a chi ja ri q'ij oxlajuj chire ri ik' kablajuj ri nibix Adar chire.

Wuj Richin ri Rutikeribel 27:41

Ri Esaú kan xretzelaj k'a ri ruchaq' roma ri urtisanik ri xya'ox chire y xubij k'a: K'o na jun q'ij ri nata' xtiken; k'ari' xtinbenkamisaj ri nuchaq' toq xtik'o-el ri qabis, xcha' ri Esaú.

Hechos 25:23

Pa ruka'n q'ij, xban k'a jun nimalej k'ulunik chike ri Agripa y ri Berenice. Rije' e kachibilan-el ri achi'a' ri ek'o pa kiwi' ri aj-labal y ri achi'a' ri nima'q kiq'ij ri chiri' pa Cesarea, toq xe'ok-apo chupan ri jay ri richin molojri'il. K'ari' ri Festo xuteq ruk'amik ri Pablo.