Marcos 6:20 - Kaqchiquel Bible

²⁰ roma ri Herodes nuxibij-ri' chuwech ri Juan roma kan retaman-wi k'a chi rija' jun chojmilej achin y kan rusamajel-wi ri Dios. Kan man ruya'on ta k'a q'ij richin k'o ta ruk'uluwachin. Rija' kan jebel k'a nrak'axaj toq ri Juan nubij ri ruch'abel ri Dios chire. Jak'a rija' man nich'obotej ta chuwech achike ruk'amon chi nuben.

နောက်ထပ်ဗားရှင်းများ

Kaqchikel Santo Domingo (Xenacoj)

²⁰ Porque ri Herodes rubꞌanun mandar chi tichajix utz-utz ri Juan ri Bautista chin ma jun achike tibꞌan chare, roma retaman chi ri Juan jun loqꞌolej y chojmilej achi. Ri Herodes nduxibꞌij riꞌ chuwech ri Juan, y atoq ndirakꞌaxaj ri ndubꞌij, ma ndiril ta achike ndubꞌen, pero kin ndiqaꞌ chuwech ndirakꞌaxaj.

Kaqchikel Santa Maria de Jesus

²⁰ Ruma ri rey Herodes rataꞌn chi ri Juan jun utzulaj ache y choj rucꞌaslien choch ri Dios, mareꞌ nuxiꞌij-riꞌ choch. Can ranun cha chi otz chajin chi quireꞌ man jun kax nuꞌon pasar. Jajaꞌ can jaꞌal nraꞌxaj antok ri Juan nutzijuoj ri ruchꞌabꞌal ri Dios cha. Pero ri Herodes man niril ta chica nuꞌon.

Kaqchikel Central Guatemala

²⁰ Ri rey Herodes can retaman-vi c'a chi ri Juan jun chojmilej y lok'olej achin richin ri Dios; y nuxibij c'a ri' chuvech. Can man ruyo'on ta c'a k'ij richin c'o ta ruc'ulvachin. Rija' can jebel c'a nrac'axaj tok ri Juan nubij ri ruch'abel ri Dios chire. Pero rija' man nich'obotej ta c'a chuvech ri achique ruc'amon chi nuben. Man riq'uin ri', rija' can jebel vi c'a nrac'axaj ri nibix chire.

Re C'ac'a Testamento pa Kach'abal

²⁰ Re Rey Herodes can rutaman che re Juan jun lok'olaj ache y choj ruc'aslen chach re Dios, y nuxibij-ri' chach. Can man ruyi'on-ta k'ij chin che c'o-ta cosas ruc'alvachin. Reja' can jabal nuc'axaj tak re Juan nubij re ruch'abal re Dios cha. Pero reja' man ninojitaj-ta chach re andex ruc'amon che nuban.

Kaqchikel Western Solola

²⁰ Ruma ri rey Herodes can retaman wi c'a chi ri Juan can choj wi y jun lok'olaj achi riche (rixin) ri Dios; y rumari' can nuxibij c'a ri' chuwech ri Juan. Can ma ruya'on ta c'a k'ij riche (rixin) chi c'o ta ruc'ulwachin. Ri Herodes can jabel wi c'a nrac'axaj tek ri Juan nutzijoj ri ruch'abel ri Dios chare. Xa yac'a chi ma nich'obotej ta c'a chuwech ri achique ruc'amon chi nuben. Pero ma riq'ui wi ri', riya' can jabel wi c'a nrac'axaj ri nibix chare.

Marcos 6:20 ပူးပေါင်းရင်းမြစ်များ

San Mateo 21:26

Y wi niqabij chi xa winaqi' xebin chire ri Juan chi tubana' keri', k'ayew chiqe roj, roma ri winaqi' yeyakatej chiqij. Roma konojel winaqi' kan q'axineq chikiwech chi ri Juan jun q'alajirisey ruch'abel ri Dios, yecha' k'a qa chikiwech.

San Mateo 14:5

Y roma ri' ri Herodes kan rajowan k'a rukamisan ta ri Juan, jak'a man rubanon ta roma kan nuxibij-ri' chikiwech ri winaqi', roma ri winaqi' kibanon chire ri Juan chi kan jun q'alajirisey ruch'abel ri Dios.

San Juan 5:35

Ri Juan kan xuya' k'a ri saqil chiwe. Y rix xirayij y xixkikot k'a rik'in ri saqil ri', jun ka'i-oxi' q'ij.

Marcos 11:18

Ri xubij xak'axex k'a koma ri aj-raqen kichin ri e sacerdote y ri etamanela' chirij ri pixa'. Roma ri' xa kan nikikanola' rubanik richin chi nikikamisaj. Jak'a kan nikixibij-ki' chuwech ri Jesús, roma xa kan jubama konojel ri winaqi' jebel nikak'axaj ri rutijonik.

Marcos 4:16

Ri ija'tz ri xqaqa kan kojol taq abej, kan nich'on chikij ch'aqa' chik winaqi' ri nikak'axaj ri ruch'abel ri Dios. Rije' kan janila k'a yekikot toq nikik'ul ri ruch'abel ri Dios.

Dn 5:17

Jari' k'a toq ri Daniel xubij chire ri rey: Ri sipanik ri naya' chuwe, xa tik'oje' kan awik'in. Xa kan taya' k'a chike ch'aqa' chik ri nasuj chuwe yin. Man rik'in ri' yin kan xtintz'et k'a ri tz'iban kan chuwech ri jay y xtinbij k'a chawe ri nel chi tzij.

Dn 4:27

Roma ri', rat rey, kan tak'ulu' k'a ri nupixabanik ri ninya' chawe: Kan tabana' k'a pa ruchojmilal, y man chik kamakun. Man chik ke'aben ri itzel taq banobel, xa kan más utz ke'ato' ri man jun k'o kik'in. Rik'in juba' rik'in re banobel re' xkak'ase' k'iy q'ij rik'in uxlanenri'il, keri' xubij chuwe.

Dn 4:18

K'ari' xintzijoj chire ri Beltsasar y xinbij chire: Ja ronojel achik' re' ri xintz'et. Wakami kan ja rat ri xkabin chuwe ri nel chi tzij re achik' re', roma kan xink'utuj yan k'a chike ri etamanela' richin re wajawaren y xa man xetikir ta xkibij chuwe. Jak'a rat kan xkatikir, roma ri a-Dios kan ruya'on ri nojibel chawe, xicha' chire.

Ez 33:32

Rije' nikiben chawe chi at achi'el xa ta at jun bixanel richin ajowabel ri jebel ok nibixan y naq'ojomaj arpa. Y roma ri', stape' xtikak'axaj k'a ri ach'abel, xa man jun xtuk'en-pe chike.

2 Crón 26:5

Rokik k'es ri Zacarías ri rutijonel, ri Ozías kan xuya' ruq'ij ri Jehová, y roma ri' ri Jehová kan xuben chire chi utz xel chuwech ronojel.

2 Crón 24:2

Ri Joás kan utz k'a xuben chuwech ri Jehová, rokik k'es ri sacerdote Joiadá.

2 Rey 13:14

Toq k'a k'es na ri Joás, rey richin Israel, xberutz'eta' kan juba' ri Eliseo roma janila yawa' y kan niken yan. Y ri Joás kan janila k'a xoq', xuq'etej y xubij chire: Wajaw, ja rat ri más oj ato'on chikiwech ronojel ri carruaje richin oyowal y ri achi'a' ri yech'oke' chirij kiej, xcha'.

2 Rey 6:21

Toq ri rey richin Israel xerutz'et, kan xuk'utuj k'a chire ri Eliseo y xubij: Ajaw, ¿yeqakamisaj re winaqi' re'? ¿Kan yeqakamisaj wakami yan?, xcha'.

1 Rey 21:20

Y ri Acab xubij chire ri Elías: ¿Y kan xino'awila' chik re wawe' rat etzelanel wichin?, xcha'. Y ri Elías xubij chire: Ja' xatonwila' chik, roma rat kan ajachon awi' chubanik ri etzelal chuwech ri Jehová.

Ex 11:3

Ri Jehová kan xuben k'a chike ri winaqi' aj-Egipto chi xsilon kánima chuya'ik ri xk'utux chike. Y chuqa' ri Moisés kan jun nimalej achin chikiwech ri e aj-raqen, ri aj-Egipto y chikiwech chuqa' konojel ri ch'aqa' chik winaqi'.

Hechos 2:12

Konojel rije' man nikil ta k'a achike nikich'ob, y nikibila' k'a chikiwech ri achike nik'ulun chi tzij re'.

Hechos 5:24

Ri nimalej sacerdote, ri achin uk'uey kichin ri chajinela' ri richin pa rachoch ri Dios, y ri aj-raqen pa kiwi' ri sacerdote, toq xkak'axaj ri xbekibij ri chajinela' chike, man nikil ta k'a achike nikich'ob.