Marcos 5:15 - Kaqchiquel Bible

¹⁵ Toq xe'oqaqa rik'in ri Jesús, kan jari' toq xkitz'et chi ri achin ri xek'oje' itzel taq espíritu rik'in, tz'uyul, rukusan rutziaq y kan choj chik rubanik. Jak'a ri winaqi' ri' xa xkixibij-ki'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ Ri wineq riꞌ xebꞌeqaqa chuwech ri Jesús, y ndikitzutzaꞌ ri achi xekꞌojeꞌ seqꞌ teq espíritu pa rukꞌaslen, chi tzꞌuyul, rukusan yan chik rutziaq, y kin pa ruxnaqil yan chik kꞌo. Y ri wineq xkixibꞌij kiꞌ.

Kaqchikel Santa Maria de Jesus

¹⁵ Y antok ri vinak reꞌ xaꞌlka riqꞌuin ri Jesús, xquitzꞌat chi ri ache ri xcꞌujieꞌ ri jun legión (6,000) itziel tak espíritus riqꞌuin; tzꞌuyul, rucusan rutziak y man nuꞌon ta chic cꞌa ri incheꞌl rubꞌanun-pa. Rumareꞌ ri vinak xa xquixiꞌij-quiꞌ.

Kaqchikel Central Guatemala

¹⁵ Y tok ri vinek ri' xe'oka' riq'uin ri Jesús, xquitz'et c'a chi ri achin ri xec'oje' itzel tak espíritu riq'uin, tz'uyul, rucusan rutziak y man nuben ta chic c'a ri achi'el ri rubanon-pe. Pero ri vinek ri' xa xquixibij c'a qui' tok xquitz'et ri achin ri'.

Re C'ac'a Testamento pa Kach'abal

¹⁵ Y tak re vinak re' xe'beka riq'uin re Jesús, xquitz'at che re ache re xe'c'ue' itzel tak espíritu riq'uin, tz'uyul, rucusan rutziak y man nuban-ta chic re ancha'l rubanom-pa. Pero re vinak re' xa xquixibij-qui' tak xquitz'at re ache re'.

Kaqchikel Western Solola

¹⁵ Y tek ri winek ri' xe'oka riq'ui ri Jesús, xquitz'et c'a chi ri achi ri xec'oje' itzel tak espíritu riq'ui, tz'uyul, rucusan rutziak y ma nuben ta chic c'a ri achi'el ri rubanon pe. Yac'a ri winek ri' xa xquixibij c'a qui' tek xquitz'et ri achi ri'.

Marcos 5:15 ပူးပေါင်းရင်းမြစ်များ

Colosenses 1:13

Ri Tata'ixel kan xojrelesaj yan pe pa ruq'a' ri q'equ'm, y xojruya' pa rajawaren ri Cristo, ri ruk'ajol ri janila nrajo',

2 Timoteo 1:7

Roma ri Dios rubanon chiqe chi man niqaxibij ta qi', kan ruya'on uchuq'a' chiqe, rubanon chiqe chi yojajowan y chi yojtikir niqaq'et-qi' chubanik ri etzelal.

San Lucas 8:27

Toq ri Jesús xqaqa kan chupan ri barco, xapon jun achin aj pa jun tinamit chikinaqaj rije', ri kan k'o yan chik k'iy q'ij ek'o-pe itzel taq espíritu rik'in. Maneq rutziaq rukusan, ni man nik'oje' ta pa rachoch. Xa ja ri akuchi e muqun-wi kaminaqi', jari' ri okineq rachoch.

Marcos 5:9

K'ari' ri Jesús xuk'utuj chire ri itzel espíritu chi achike rubi'. Y rija' xubij: Ri nubi' Oj K'iy, roma e janila wachibil ek'o, xcha'.

San Lucas 10:39

Ri Marta k'o k'a jun rach'alal rubini'an María. Y re María re' xtz'uye' k'a chiraqen-qa ri Jesús, richin keri' nrak'axaj ri ruch'abel ri Dios ri nutzijoj.

1 Sam 16:4

Ri Samuel xuben k'a achi'el xubij ri Jehová chire. Y toq rija' xapon pa Belén, ri rijita'q taq achi'a' ri k'o kiq'ij richin ri tinamit ri' xbekik'ulu-el rik'in xibinri'il, y xkibij chire: ¿Richin uxlanibel-k'u'x ri apeten o ni?, xecha'.

Wuj Richin Bix Chire ri Dios 14:5

Re winaqi' re' kan xkek'ark'ot roma xibinri'il, roma ri Jehová kan k'o kik'in ri kikuquban kik'u'x rik'in rija'.

Wuj Richin ri Achin Job 13:11

Kan qitzij na wi ri runimirinen xtuben chiwe chi xtixibij-iwi', y ri xbinri'il kan xtiqaqa pan iwi'.

1 Crón 15:13

Ri pa nabey man xqak'ulubej ta ri Jehová pa ruwi' ri k'atzinel richin ta xqaben, y roma rix man xixk'oje' ta apo ri chiri', roma ri' ri Jehová xrelesaj-el ruk'aslen jun chiqakojol roj, xcha' ri David.

Marcos 5:18

Chirij ri' ri Jesús xtzolin pa barco. Nok yan el chupan toq ri achin ri xek'oje' ri itzel taq espíritu rik'in xuk'utuj k'a utzil chire ri Jesús chi tuya' q'ij chire richin nibe rik'in.

Marcos 5:16

Ri winaqi' ri xetz'eton ri xbanatej rik'in ri achin ri' y kik'in ri aq, xkitzijola' k'a chike ri winaqi' ri e peteneq chutz'etik ri xk'uluwachitej.

Marcos 5:4

K'iy mul e ximon ruq'a-raqen rik'in cadena, jak'a xa e ruraq'ach'ilon kan, y nuq'ej ri ch'ich' ri sutin-rij ri raqen rik'in. Kan man jun tikirineq chirij.

San Mateo 12:29

Ri nrajo' neleq'-el pa rachoch jun achin ri kan janila ruchuq'a', k'o chi tuxima' nabey ri rajaw jay, y k'ari' k'a tukanoj-el ronojel ri nrajo' yeruk'uaj.

San Mateo 4:24

Ri rutzijol ri Jesús xapon k'a pa ronojel tinamit richin ri ruwach'ulew Siria. Y kan xek'amalox-pe chuwech, yawa'i' ri man junan ta ruwech yabil nok chike. Ek'o ri kan q'axo'n richin ri ch'akulaj kik'uan, ek'o ri xa itzel taq espíritu ri e okineq kik'in. Ek'o k'a ri e ch'uja' y ek'o k'a chuqa' ri e sikirineq. Y kan konojel k'a re yawa'i' re' xeruk'achojirisaj-el.

San Mateo 9:33

Toq ri Jesús relesan chik ri itzel espíritu rik'in ri achin, ri achin ri' xuchop xch'on. Y ri winaqi' ri xetz'eton kan janila k'a xkimey y nikibij: Man jun bey k'a tz'eton chi kere' ta banatajineq wawe' pa ruwach'ulew Israel, yecha'.

1 Crón 13:12

Jak'a ri David janila k'a xuxibij-ri' chuwech ri Dios ri q'ij ri', y xubij-qa: ¡Yitikir kami nink'uaj ri rukáxa ri Dios pa wachoch!, xcha-qa ri David.

San Mateo 26:53

¿Rat nach'ob chi yin man yitikir ta ninwoyoj ri nata' y rija' yiruto'? Rija' nitikir yeruteq-pe kablajuj tzobaj ángel chinuto'ik.

Marcos 5:14

Jak'a ri yeyuq'un kichin, kan xaxe k'a xkitz'et kan ri xbanatej, xe'animej. Xebe pa tinamit, y pa taq kokoj tinamit y xbekitaluj rutzijol ri xbanatej rik'in ri achin ri'. Y ri winaqi' aj chiri' xokitz'eta' ri xbanatej.