Marcos 4:41 - Kaqchiquel Bible

⁴¹ Jak'a ri tijoxela' janila kixibin-ki' y nikik'utula' chikiwech: ¿Achike k'a chi achin re'? Roma ri kaq'iq' y ri ya' kan nikinimaj rutzij, yecha'.

နောက်ထပ်ဗားရှင်းများ

Kaqchikel Santo Domingo (Xenacoj)

⁴¹ Y ri discípulos santienta kixibꞌin kiꞌ ndikibꞌilaꞌ chikiwech: ¿Achike chi achi reꞌ, chi hasta ri kaqiqꞌ y ri yaꞌ ndikitaqij rutzij?

Kaqchikel Santa Maria de Jesus

⁴¹ Pero ri discípulos altíra quixiꞌin-quiꞌ y niquiꞌej chiquivach: ¿Chica cꞌa chi ache va chi ri cakꞌiekꞌ y ri mar can xaꞌniman cha?

Kaqchikel Central Guatemala

⁴¹ Pero ri tijoxela' janíla quixibin-qui' y xquic'utula' c'a chiquivech, chirij ri Jesús: ¿Achique c'a chi achin re'? Roma ri cak'ik' y ri ya' can niquinimaj chuka' rutzij.

Re C'ac'a Testamento pa Kach'abal

⁴¹ Pero re discípulos camas quixibin-qui' y xquic'utula' chiquivach chij re Jesús: ¿Anchique como che ache re'? Roma re cak'ik' y re ya' can niquinimaj rutzij.

Kaqchikel Western Solola

⁴¹ Yac'a ri discípulos can quixibin qui' y xquic'utula' c'a chiquiwech chrij ri Jesús: ¿Achique c'a chi achi re'? Ruma ri cak'ik' y ri ya' xa can niquinimaj chuka' rutzij.

Marcos 4:41 ပူးပေါင်းရင်းမြစ်များ

San Lucas 8:25

K'ari' ri Jesús xubij chike ri rutijoxela': ¿Achike roma toq man xikuquba' ta ik'u'x wik'in?, xcha'. Jak'a rije' xa kixibin-ki'. Kan janila xkimey ri xbanatej, y nikik'utula' chikiwech: ¿Achike k'a chi achin re'? Roma kan nich'on chike ri kaq'iq' y ri ya', y kan nikinimaj rutzij, yecha'.

Wuj Richin ri Achin Job 38:11

Y yin kan xich'on k'a rik'in ri palou y xinbij chire: Rat xaxe k'a wawe' ri utz yatoqaqa-wi y man xkaq'ax ta el, xaxe k'a wawe' xtorupaxij-ri' ri ruwi-ya' ri nibolqo't, xicha' chire.

San Mateo 8:27

Ri e beneq rik'in kan janila xkimey-qa ri xuben ri Jesús y nikibila' k'a: ¿Achike k'a chi achin re'? Roma ri kaq'iq' y ri ya' kan nikinimaj rutzij, yecha'.

Wuj Richin Bix Chire ri Dios 89:7

Rat kan k'o-wi aq'ij-ak'ojlen chikiwech ri ek'o awik'in. Konojel janila nikixibij-ki' chawech.

1 Sam 12:24

Xaxe k'a nik'atzin chi kan nik'oje' rukiy ri Jehová chiwech y kan qitzij tisamajij rik'in ronojel iwánima. Kan toqaqa chi'ik'u'x ronojel ri rubanon iwik'in rix.

Apocalipsis 15:4

Kan man jun k'a ri man ta xtuxibij-ri' chawech, y man ta chuqa' xtuya' aq'ij-ak'ojlen, rat ajaw. Y xaxe k'a rat ri at loq'olej. Y roma ri' konojel tzobaj winaqi' richin re ruwach'ulew xkepe chuya'ik aq'ij, roma xkitz'et chi xq'alajin yan ri aq'atoj-tzij, xecha'.

Marcos 5:33

Ri ixoq ruxibin-ri' y nibaybot, roma xa ja rija' ri xchapo ri rutziaq, y kan xk'achoj-wi chire ri yabil, xoxuke' chuwech ri Jesús y xuq'alajirisaj ri xuben.

Hebreos 12:28

Y roma ri' tiqamatioxij chire ri Dios chi qichin chik roj ri ajawaren ri man jun nisilon richin. Y rik'in ri matioxinik ri niqaya' chire ri Dios, niqasamajij k'a, kan achi'el ri niqa' chuwech rija'. Y tiqaya' chuqa' ruq'ij.

San Lucas 4:36

Ri winaqi' xkimey ri xuben ri Jesús, y nikibila' k'a chikiwech: ¿Achike k'a ruchuq'a' ri ruch'abel re achin re'? Roma kan rik'in q'atbel-tzij y uchuq'a' nich'on kik'in ri itzel taq espíritu y kan nikinimaj rutzij y ye'el-el, yecha'.

San Mateo 14:32

Toq rije' e jotol chik k'a el ri pa barco, ri kaq'iq' xtane-el.

Wuj Richin ri Malaquías 2:5

Ri jikibel-tzij ri' xuya' k'aslen y uxlanibel-k'u'x. Re' xinya' chire richin nik'oje' ta nukiy chuwech y nuya' ta wejqalen; y rija' kan keri' xuben.

Marcos 7:37

Y rije' kan janila k'a xkimey, y nikibila': Ronojel ri nuben, kan utz nuben chire; roma nuben chike ri man ye'ak'ex ta, chi ye'ak'ex, y chike ri e mema' nuben chi yech'on, yecha'.

Marcos 4:40

K'ari' ri Jesús xubij chike: ¿Achike roma toq xixibij-iwi'? ¿Kan man ikuquban ta ik'u'x wik'in?, xcha'.

Marcos 5:1

Toq ri Jesús y ri rutijoxela' xe'apon k'a ri juk'an chik ruchi' ri choy, ri chiri' pa ruwach'ulew Gerasa,*f6*