Marcos 4:39 - Kaqchiquel Bible

³⁹ Y ri Jesús xyakatej k'a pe, xuch'olij ri kaq'iq' y xubij chire ri ya': Tik'is-el ri kaq'iq'-job y titane-qa ri nibolqo't ri ya', xcha'. Y kan keri' xbanatej. Ri kaq'iq' xk'is-el y chuqa' xsiliso-qa ri ya' ri nibolqo't.

နောက်ထပ်ဗားရှင်းများ

Kaqchikel Santo Domingo (Xenacoj)

³⁹ Xyakatej kꞌa pe ri Jesús, kaw pa ruchiꞌ xchꞌaꞌa chake ri yaꞌ y ri kaqiqꞌ, y xubꞌij: Tiqꞌileꞌ qa ri iwuchuqꞌaꞌ y kixtaneꞌ. Ja atoq riꞌ xtaneꞌ qa ri kaqiqꞌ, y nojel jabꞌel xsisoꞌ qa.

Kaqchikel Santa Maria de Jesus

³⁹ Y ri Jesús xpalaj-pa y xchꞌolin cha ri cakꞌiekꞌ y xuꞌej cha ri mar chi titanie-ka. Y quireꞌ xbꞌanataj. Ri cakꞌiekꞌ xqꞌuis-el ruchukꞌaꞌ y xtanie-ka jeꞌ ri mar.

Kaqchikel Central Guatemala

³⁹ Y ri Jesús xyacatej c'a pe, y xubij: Tiq'uis-el ri cak'ik' y titane-ka ri nibolko't ri ya'. Y queri' xbanatej. Ri cak'ik' xq'uis-el, y chuka' ri nibolko't ri ya' xtane-ka.

Re C'ac'a Testamento pa Kach'abal

³⁹ Y re Jesús xyacataj-pa, y xubij: Tak'ax-a re cak'ik' y titane-ka re nubolk'otela-ri' re ya'. Y ja quire' xbanataj. Re cak'ik' xq'uis-a, y chuka' re nubolk'otela-ri' re ya' xtane-ka.

Kaqchikel Western Solola

³⁹ Y ri Jesús xyacatej c'a pe, y xubij chare ri cak'ik' chi tiq'uis el y xubij chare ri ruwi' ya' chi titane' ka. Y queri' xbanatej. Ri cak'ik' xq'uis el, y chuka' ri ruwi' ya' xtane' ka.

Marcos 4:39 ပူးပေါင်းရင်းမြစ်များ

Wuj Richin Bix Chire ri Dios 107:29

Ri nimalej kaq'iq'-job y koqolajay kan xujel k'a rik'in ch'uch'ujil. Ri ya' ri nibolqo't pa ruwi' kan xsile-qa.

Wuj Richin Bix Chire ri Dios 89:9

Rat kan naq'et k'a ri royowal ri palou toq nibolqo't-pe ruwi', rat kan naben k'a chire chi nisiliso-qa.

Wuj Richin Bix Chire ri Dios 65:7

Rat kan naben k'a chi toq nijinin-pe ri palou, kan nitane-qa, Kan napaba' k'a ri ya' ri nibolqo't pa ruwi' ri palou, chuqa' kan natanaba' ri kich'abel ri winaqi' ri yeyakatej chawij rat.

Wuj Richin Bix Chire ri Dios 29:10

Kan ja ri Jehová ri niq'aton-tzij pa ruwi' ri ya'. Kan nik'oje' k'a richin nuq'et-tzij jantape'.

Wuj Richin ri Jeremías 5:22

¿Kan man nixibij ta k'a iwi' chinuwech?, nubij ri Jehová. ¿Kan man yixbaybot ta k'a chinuwech yin, ri xinya' ri sanayi' richin ruk'ulba't ri palou, jun k'ulba't ri man nitikir ta nuq'axaj ri ya'? Xtibolqo't k'a ri ruwi' ri ya', jak'a xa xtik'is-qa; kan xtiwajin, jak'a man xtiq'ax ta chire ri ruk'ulba't. Yin Jehová ri yibin.

Wuj Richin Etamabel-Tzij 8:29

Yin kan ink'o chik k'a toq ri Dios nuya' kan rubeyal pa ruwi' ri palou, y ri ya' ri' kan man tikirel ta k'a chi nuq'ej ri rupixa' ri Dios; kan ink'o-wi k'a toq ri Dios xutik kan ri ruxe' re ruwach'ulew.

Wuj Richin Bix Chire ri Dios 148:8

Konojel re' tikiya' ruq'ij ri Jehová: Ri koyopa', ri saqboch, ri raxq'ab, ri sutz', keri' chuqa' ri nimalej kaq'iq' ri kan nuben ri nubij ri Dios;

Wuj Richin ri Achin Job 38:11

Y yin kan xich'on k'a rik'in ri palou y xinbij chire: Rat xaxe k'a wawe' ri utz yatoqaqa-wi y man xkaq'ax ta el, xaxe k'a wawe' xtorupaxij-ri' ri ruwi-ya' ri nibolqo't, xicha' chire.

Ex 14:22

Jari' toq ri israelita kan pa chaqi'j xeq'ax-wi, chukojol ri ya', roma ri ya' xuch'er-ri' y kan xuben achi'el tz'aq pa kijkiq'a' y pa kajxokon.

Marcos 9:25

Toq ri Jesús xutz'et chi xa e janila e k'iy winaqi' ri junanin nikimol-apo-ki', jari' toq xuch'olij ri itzel espíritu y xubij chire: Rat ri abanon chire re ala' re' chi man nak'ex ta y amemurisan; katel-el, y man chik katzolin-pe rik'in, xcha'.

Ex 14:16

Y rat tayaka' la ach'ame'y y tayuqu-apo pa ruwi' la ya'. Y tajaqa' jun ibey richin keri' kan pa chaqi'j k'a xkixq'ax-wi.

San Lucas 4:39

Rija' xluke-qa rik'in ri yawa' y xubij chi tik'is-el ri k'aten chirij. Y kan xaxe k'a xubij keri', kan jari' xk'is-el ri k'aten chirij ri yawa'. Y ri ixoq ri', kan jari' xbeyakatej-pe y xuchop kilixik ri Jesús y ri e beneq rik'in.

Wuj Richin ri Nahum 1:4

Rija' yeruch'olij ri palou y nuben chike chi yechaqi'j-qa; chuqa' nuben chi ronojel ri raqen taq ya' yetzaj-qa. Jajun ri ruwach'ulew Basán y ri juyu' Carmelo xa man yewachin ta chik, y ri kotz'i'j richin ri juyu' Líbano chuqa' xa yemayamo-qa.

Wuj Richin ri K'uxla'anik 3:31

Ri Jehová kan man oj rumalin ta kan jumul.

San Mateo 8:26

Jak'a ri Jesús xubij chike: ¿Achike roma xik'en rukiy rix? Rix xa ti juba' ok ri kuqubabel-k'u'x ri k'o iwik'in, xcha' chike. K'ari' xbeyakatej-pe y xuch'olij ri kaq'iq' y ri choy, y ronojel xsiliso-qa.

Marcos 4:38

Jak'a ri Jesús niwer toq najin ri kaq'iq'-job. Rija' chirij-qa ri barco rukanon jun ruch'akat-ruwi', y chiri' niwer-wi. K'ari' ri tijoxela' xkik'asoj y xkibij chire: ¡Qajaw! ¡Qajaw! Wakami yojken y rat xa yawer, xecha' chire.

San Lucas 4:35

Jak'a ri Jesús xubij chire ri itzel espíritu chi man chik tich'on, xa tel-el. Y ri itzel espíritu ri' xuben k'a chire ri achin chi xtzaq pan ulew, chiri' chikikojol ri winaqi' ri kimolon-ki'. Y re itzel espíritu re', xel-el rik'in ri achin, y man jun chik xuben kan chire.

San Lucas 8:24

K'ari' ri tijoxela' xkik'asoj ri Jesús, y xkibij chire: ¡Qajaw! ¡Qajaw! Wakami yojken, xecha' chire. Jari' toq ri Jesús xyakatej k'a pe, y xuben chi xk'is-el ri kaq'iq' y xtane-qa ri nibolqo't ri ya'.