Marcos 4:38 - Kaqchiquel Bible

³⁸ Jak'a ri Jesús niwer toq najin ri kaq'iq'-job. Rija' chirij-qa ri barco rukanon jun ruch'akat-ruwi', y chiri' niwer-wi. K'ari' ri tijoxela' xkik'asoj y xkibij chire: ¡Qajaw! ¡Qajaw! Wakami yojken y rat xa yawer, xecha' chire.

နောက်ထပ်ဗားရှင်းများ

Kaqchikel Santo Domingo (Xenacoj)

³⁸ Ri Jesús chirij kan chupan ri barco ndiwer, y ruyoꞌon rujolon pariꞌ jun ruchꞌakat ruwiꞌ. Y ri discípulos xkikꞌasoj y xkibꞌij chare: ¡Tijonel! ¿Ma nduyaꞌ ta pena chawa chi ngojjiqꞌ pa yaꞌ?

Kaqchikel Santa Maria de Jesus

³⁸ Pero ri Jesús xa nivar bꞌanak chupan ri barco. Jajaꞌ chirij can ri barco rucanun-ve jun ruchꞌacaveꞌ. Y xaꞌpa ri discípulos, xquicꞌasuoj y xquiꞌej cha: ¡Maestro! Vacame nkucon y atreꞌ xa ncavar, xaꞌchaꞌ cha.

Kaqchikel Central Guatemala

³⁸ Pero ri Jesús niver c'a chupan ri canoa tok najin ri cak'ik' pa ruvi' ri ya'. Rija' chirij can ri canoa rucanon-ka jun ruch'acat-ruvi', y chiri' niver benek. Y xepe c'a ri tijoxela' xquic'asoj y xquibij c'a chire: ¡Ajaf! ¡Ajaf! Roj yojquen yan (yojcom yan) y rat xa yaver, xecha' chire.

Re C'ac'a Testamento pa Kach'abal

³⁸ Pero re Jesús nivar chupan re canoa tak ntajin re cak'ik' pa rue-ya'. Reja' chij can re canoa rucanon-va-ka jun ch'acat-rue', y chire' nivar-va tak je'binak. Y xe'pa re ru-discípulos xquic'asoj y xquibij cha: ¡Ajaf! ¡Ajaf! Yoj yojcom-yan y rat xa yavar, xe'cha' cha.

Kaqchikel Western Solola

³⁸ Pero ri Jesús warnek c'a chupan ri jucu' tek ntajin ri cak'ik' pa ruwi' ri choy. Riya' chrij ca ri jucu' rucanon wi ka jun ruch'equet wi' y chiri' warnek wi. Y xepe c'a ri discípulos xquic'asoj y xquibij c'a chare: ¡Tijonel! Riyoj ya xa yojcom y riyit xa yit warnek, xecha' chare.

Marcos 4:38 ပူးပေါင်းရင်းမြစ်များ

1 Pedro 5:7

Y tiya' k'a pa ruq'a' ri Dios ronojel ri iq'axo'n, roma rija' kan yixruchajij-wi.

Hebreos 4:15

Ri qanimalej sacerdote kan retaman ri niqana' toq man jun quchuq'a', roma toq xk'oje' re wawe' chuwech re ruwach'ulew, rija' xtejtobex rik'in ronojel ruwech mak, achi'el yojtejtobex roj; xaxe rija' man xmakun ta.

San Mateo 8:25

K'ari' ri rutijoxela' xkik'asoj k'a ri Jesús y xkibij chire: ¡Qajaw! ¡Qajaw! Qojakolo'. Wakami yojken, xecha' chire.

San Lucas 8:24

K'ari' ri tijoxela' xkik'asoj ri Jesús, y xkibij chire: ¡Qajaw! ¡Qajaw! Wakami yojken, xecha' chire. Jari' toq ri Jesús xyakatej k'a pe, y xuben chi xk'is-el ri kaq'iq' y xtane-qa ri nibolqo't ri ya'.

Wuj Richin ri Isaías 64:12

Y chirij ronojel re', Jehová, ¿rat kan man jun kami xtaben qoma roj? ¿Kan man jun kami xtabij, y kan jantape' xqojaya' pa tijoj-poqonal?

Hebreos 2:17

Roma ri' xok wineq achi'el roj, richin chi xuben achi'el jun nimalej sacerdote ri nijoyowan qawech. Kan jantape' wi nuben ri samaj ri' rik'in ri Dios y roma ri' nikuyutej ri qamak roj winaqi'.

San Juan 4:6

Ja ri chiri' k'o-wi ri pozo ri xuk'ot kan ri Jacob, ojer. Chiri' k'a xtz'uye-wi-qa ri Jesús, roma rija' kan janila k'a kosineq-pe roma ri binen kibanon-pe. Ri' pa nik'aj-q'ij la'eq ri'.

Wuj Richin ri Isaías 63:15

Wakami k'a rat qa-Dios, katzu'un k'a pe ri k'a akuchi atk'o-wi; y tatz'eta' jebel k'a chupan ri loq'olej atz'uyubal ri akuchi nitz'etetej-wi ri aruwaq'ijaj. ¿Akuchi k'o-wi ri awajowabal y ri nimalej awuchuq'a'? ¿Akuchi k'o-wi ri ana'oj? Rik'in juba' xk'is yan ri joyowanik ri k'o awik'in pa qawi' roj.

Wuj Richin ri K'uxla'anik 3:8

Stape' yisik'in richin nink'utuj to'onik, jak'a ri Jehová kan man nrak'axaj ta ri nuch'abel.

San Mateo 22:16

Jari' k'a toq rije' xekiteq ri kitijoxela' e kachibilan-el e ka'i-oxi' ruwinaq ri rey Herodes. Xekiteq k'a el rik'in ri Jesús; y rije' xbekibij k'a chire: Rat ri at jun tijonel, roj kan qetaman k'a chi xaxe ri kan qitzij ri niqa' chawech. Kan nak'ut-wi ri ruch'abel ri Dios pa rubeyal. Y man naxibij ta awi' chuwech jun wineq, stape' kan janila ta ruq'ij.

Marcos 4:37

Y toq kichapon k'a bey, xpe jun kaq'iq'-job ri janila nim pa ruwi' ri ya', y roma ri' ri barco xuchop ninoj-pe chi ya' y xa jubama xebe-qa chuxe-ya'.

Marcos 4:39

Y ri Jesús xyakatej k'a pe, xuch'olij ri kaq'iq' y xubij chire ri ya': Tik'is-el ri kaq'iq'-job y titane-qa ri nibolqo't ri ya', xcha'. Y kan keri' xbanatej. Ri kaq'iq' xk'is-el y chuqa' xsiliso-qa ri ya' ri nibolqo't.