Marcos 4:24 - Kaqchiquel Bible

²⁴ Ri Jesús xubij chuqa': Toq rix niwak'axaj ri ruch'abel ri Dios, kan tiwak'axaj k'a jebel ri nubij. Roma achike rubanik ri xiben rix kik'in ri winaqi', kan keri' chuqa' xtiban chiwe; y xa kan xtiya'ox ch'aqa' chik pa ruwi' roma rix kan xiwak'axaj.

နောက်ထပ်ဗားရှင်းများ

Kaqchikel Santo Domingo (Xenacoj)

²⁴ Y ri Jesús xubꞌij chuqaꞌ: Tiyaꞌ ixikin utz-utz rikꞌin rutzij ri Dios ri nitzijoj chiwa, porque ri janipeꞌ ndikꞌoxomaj chare ri ndiwakꞌaxaj, jariꞌ ri ndiwetamaj, y kꞌa ndiwetamaj más pa ruwiꞌ ri xikꞌoxomaj.

Kaqchikel Santa Maria de Jesus

²⁴ Y ri Jesús xuꞌej jeꞌ chica ri vinak: Ixreꞌ ri ntivaxaj ri ruchꞌabꞌal ri Dios, tivaxaj otz y tibꞌanaꞌ ri nuꞌej. Ruma can incheꞌl ri ntiꞌan ixreꞌ chica ri vinak, quireꞌ xtiꞌan chiva ixreꞌ; y man joꞌc ta reꞌ, xa xtiyoꞌx más ruveꞌ.

Kaqchikel Central Guatemala

²⁴ Y ri Jesús xubij chuka' chique ri vinek: Tok rix nivac'axaj ri ruch'abel ri Dios, can tivac'axaj c'a jebel ri nubij. Can tika' c'a ka pa tak ivánima, roma xa can achi'el rubanic ri nivac'axaj xa can que chuka' ri' ri etamabel ri niq'uen can y riq'uin juba' chic rutz'akat.

Re C'ac'a Testamento pa Kach'abal

²⁴ Y re Jesús xubij chuka' chique re vinak: Tak yex nic'axaj re ruch'abal re Dios, can tic'axaj jabal re nubij. Can tika c'a-ka pa tak ivánma, roma xa can ancha'l re nic'axaj xa can quire' chuka' re na'oj re nic'am can y riq'uin chic ba' rutz'akat.

Kaqchikel Western Solola

²⁴ Y ri Jesús xubij chuka' chique ri winek: Tek riyix niwac'axaj ri ruch'abel ri Dios, can tiwac'axaj c'a ri nubij. Can tika c'a ka pa tak iwánima, ruma wi queri' niben, q'uiy etamabel ri nic'ul ca y xtiya'ox (xtya') chic juba' ruwi' chiwe.

Marcos 4:24 ပူးပေါင်းရင်းမြစ်များ

Wuj Richin Etamabel-Tzij 19:27

Walk'ual alaboni', kan man kixtane' chi rak'axaxik ronojel ri tijonik, roma ri q'ij toq xkixtane' chi rak'axaxik, chuqa' xa xtimestaj ri iwetaman.

Wuj Richin ri Isaías 55:3

Kixanpe wik'in y kan kiniwak'axaj jebel; kan kiniwak'axaj richin yixk'ase'. Yin kan xtinben jun jikibel-tzij iwik'in richin q'asen, richin xtinya' ajowabel chiwe, y xkik'oje' iwik'in richin jantape', achi'el xinben rik'in ri David.

Wuj Richin ri Jeremías 17:21

Nubij ri Jehová chi man tik'uaj ejqa'n ri q'ij richin uxlanenri'il y man tikusaj-apo chupan ri tinamit chupan ri q'ij ri'.

San Mateo 7:2

Kan achi'el wi k'a rubanik ri niben rix chike ri winaqi', keri' chuqa' xtiban chiwe rix. Janipe' chi ch'owen ri xtiben chikij, ja chuqa' ri' ri xtiban chiwij rix.

Marcos 9:7

Jari' k'a toq k'o jun sutz' ri xkuchu kichin. Y k'a chupan ri sutz' ri' xch'on-pe ri Dios y kere' xubij: Jare' ri nuk'ajol yin ri kan janila ninwajo'. Tiwak'axaj k'a ri nubij, xcha-pe.

San Lucas 8:18

Tiwak'axaj k'a jebel, roma ri kan k'o-wi k'o rik'in, xtuk'ul k'a más. Jak'a ri juba' ok k'o rik'in, janipe' ok ri nuch'ob chi k'o rik'in, xa kan nelesex k'a el chire, xcha' ri Jesús.

San Juan 10:16

Y yin man xaxe ta k'a q'ataj nukarne'l re' ri ek'o, xa kan ek'o k'a chuqa' ch'aqa' chik ri man jani ek'o ta wawe' chupan re jun qejoj re'. Kan xkenk'en k'a pe richin xtikak'axaj chuqa' ri nuch'abel. Chupan ri q'ij ri' xaxe yin ri xkinok kiyuq'unel, y xtik'oje' xaxe jun q'ataj nukarne'l.

San Juan 10:27

Ri nukarne'l yin kan ketaman y nikak'axaj ri nuch'abel, y kan yinkitzeqelibej. Chuqa' yin wetaman kiwech rije'.

San Juan 5:25

Y kan qitzij k'a re ninbij chiwe, chi k'o k'a jun q'ij ri oyoben; y jare' xoqaqa yan, chi konojel ri kaminaqi' xtikak'axaj k'a ri nuch'abel yin ri ruk'ajol ri Dios. Y ri kan xkinkak'axaj, xkek'astej.

Hechos 17:11

Ri judío ri' más k'a e aj-na'oj ke chikiwech ri judío ri ek'o pa Tesalónica, roma rije' kan choj xkik'ul ri ruch'abel ri Dios. Ri janipe' nikak'axaj-el kik'in ri Pablo y ri Silas, nibekikanola' chupan ri ruch'abel ri Dios, richin niketamaj, wi qitzij ri nikibij o xa man qitzij ta. Ri winaqi' ri' kan q'ij-q'ij k'a keri' nikiben.

2 Corintios 9:6

Yin ninwajo' k'a ninnataj chiwe: Chi jun tikonel ri xa juba' ok nutik-qa, xa juba' ok chuqa' nrelesaj. Jak'a ri tikonel ri k'iy nutik-qa, kan k'iy k'a nrelesaj.

Hebreos 2:1

Roma ronojel re', k'o chi niqatzeqelibej ri ruch'abel ri Dios ri qak'axan, richin chi man niqach'er ta kan qi'.

1 Pedro 2:2

y tirayij k'a ri ruch'abel ri Dios richin yixk'iy y niwil kolotajik, achi'el ri taq ak'uala' ri k'a kalaxik, ri nikirayij ri tz'umaj richin yek'iy.

1 Juan 4:1

Wach'alal ri yalan yixinwajo', man tinimaj ri nubij jun wineq xaxe roma ri nubij chi rik'in ri Loq'olej Espíritu peteneq-wi. Rix xa kan nik'atzin chi nich'ob rij jebel richin niwetamaj, roma e k'iy winaqi' chuwech re ruwach'ulew ri yebin chi ja ri ruch'abel ri Dios ri nikitzijoj, y xa man qitzij ta.