Marcos 4:15 - Kaqchiquel Bible

¹⁵ Ri juba' ija'tz ri xqaqa pa bey, nich'on pa kiwi' ri winaqi' ri nikak'axaj ri ruch'abel ri Dios, jak'a ri Itzel-Wineq junanin napon kik'in y nrelesaj-el ri ch'abel ri' pa taq kánima.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ Ri ulew chuchiꞌ bꞌey apeꞌ xeqaqa jujun semilla, ja ri wineq ri ndikakꞌaxaj ri utzulej rutzijoxik rutzij ri Dios, pero atoq kakꞌaxan chik, ja paqiꞌ nduqaqa ri Satanás y ndukꞌen e ri xtik pa kánima.

Kaqchikel Santa Maria de Jesus

¹⁵ Ri ijaꞌtz ri xaꞌka pa bꞌay, jareꞌ ri nicaꞌxaj ri ruchꞌabꞌal ri Dios, y ri Satanás chaꞌnin nipa quiqꞌuin y nralasaj-el ri chꞌabꞌal ri xtic can pa cánima.

Kaqchikel Central Guatemala

¹⁵ Ri juba' ija'tz ri xka' pa bey, achi'el ri vinek tok cac'axan chic ri ruch'abel ri Dios, y ri Satanás junanin napon quiq'uin y nrelesaj-el ri ch'abel ri' pa tak cánima.

Re C'ac'a Testamento pa Kach'abal

¹⁵ Re semilla re xe'ka po bey, ancha'l re vinak tak quic'axan chic re ruch'abal re Dios, y re Satanás jonanin napon quiq'uin y nulisaj-a re ch'abal re' pa tak cánma.

Kaqchikel Western Solola

¹⁵ Ri juba' ija'tz ri xeka pa bey, ye achi'el ri winek tek quic'axan chic ri ruch'abel ri Dios, y ri Satanás chanin napon quiq'ui y nrelesaj el ri ch'abel ri xtic pa tak cánima.

Marcos 4:15 ပူးပေါင်းရင်းမြစ်များ

1 Pedro 5:8

Kan tina' k'a jebel ri achike niben y jantape' kixk'ase', roma ri Itzel-Wineq, kan nisutiyaj-pe chiwij richin yixruk'is, achi'el nuben jun koj toq nukanoj ruway.

San Mateo 13:19

Ri ija'tz ri xqaqa kan pa bey, nich'on chikij ri winaqi' ri ye'ak'axan ri ruch'abel ri Dios. Jak'a ri ye'ak'axan xa man niq'ax ta chikiwech y jak'a ri' toq nipe ri itzel richin norelesaj-el ri ch'abel ri tikon-qa, ri xqaqa kan chuchi' ri bey.

2 Corintios 2:11

Keri' xinben richin man tiqaya' q'ij chire ri Satanás chi nich'akon ta chiqij roj. Roma qetaman jebel chi rija' kan nowineq-wi chubanik richin yojqaqa pa ruq'a'.

San Lucas 8:12

Ri juba' ija'tz ri xqaqa pa bey, nich'on pa kiwi' ri winaqi' ri ye'ak'axan ri ruch'abel ri Dios, jak'a ri Itzel-Wineq junanin nipe, y nrelesaj-el ri ruch'abel ri Dios pa taq kánima ri winaqi' ri', richin keri' man nikinimaj ta ri Dios, y man yekolotej ta.

Marcos 4:4

Toq ri achin ri' k'o chik pa rusamaj, nijopin ija'tz, juba' k'a chire ri' pa bey xqaqa-wi. Y xepe k'a ri aj-xik' taq chikopi' xkitej-el.

Hechos 5:3

Jari' toq ri Pedro xubij chire: ¿Achike k'a roma toq xaya' q'ij chi ri Satanás xunojisaj ri awánima, richin chi xatz'uk-tzij chuwech ri Loq'olej Espíritu, y xak'en kan ch'aqa' chire ri rajel ri ulew ri xak'ayij?

Wuj Richin ri Isaías 53:1

Chupan ri q'ij ri' ri winaqi' xtikibij: ¿Achike ta k'a xtiniman re niqabij? ¿Y achoq pa ruwi' xq'alajin-wi ri ruchuq'a' ri Jehová?

Apocalipsis 20:10

Y ri Itzel-Wineq ri xq'olon kichin konojel ri winaqi' ri', xk'aq chupan ri achi'el choy ri k'o q'aq' xolon rik'in chuwilej-abej chupan, ri akuchi xk'aq-wi ri keq rij chikop ri xq'aton-tzij rachibilan ri jun achin ri xbin chi q'alajirisey ri ruch'abel ri Dios y xa man qitzij ta. Y chiri' chupan ri q'aq' xtikitej poqon chi paq'ij chi chaq'a' y kan richin tibe-q'ij tibe-seq.

Apocalipsis 20:7

Y jak'a toq q'axineq chik ri 1,000 juna', ri Satanás xtelesex-pe chupan ri akuchi tz'apel-wi kan.

Hebreos 2:1

Roma ronojel re', k'o chi niqatzeqelibej ri ruch'abel ri Dios ri qak'axan, richin chi man niqach'er ta kan qi'.

2 Tesalonicenses 2:9

Jak'a toq xtibek'ulun-pe re itzel achin re', kan k'o-wi ri ruchuq'a' ri Satanás rik'in, xkerubanala' k'a k'iy meyel taq banobel y retal ri xa man e qitzij ta.

San Mateo 22:5

Jak'a ri xe'oyox, man xeniman ta pe rik'in ri xbebix chik jun bey chike y xebe k'a pa taq kisamaj; ch'aqa' xebe pa juyu' y ek'o xa xebe pa taq kik'ayij.

Apocalipsis 12:9

Ri nimalej itzel keq rij chikop ri' jari' ri Itzel-Wineq, ri Satanás, ri kumetz ri k'o-pe ojer y ri niq'olon kichin konojel winaqi'; kan xk'aq k'a pe chuwech ri ruwach'ulew e rachibilan ri itzel taq ru-ángel.

San Mateo 4:10

Jari' toq ri Jesús xubij chire: Kabiyin kela' rat, Itzel-Wineq. Roma chupan ri ruch'abel ri Dios nubij:*f12* Kan tiya' k'a ruq'ij ri Jehová ri qa-Dios y kan tisamajij xaxe rija', nicha', xcha' ri Jesús chire.

Wuj Richin ri Zacarías 3:1

Chirij ri jun achi'el achik' ri' k'o chik jun ri xk'utumej chinuwech: Xintz'et ri nimalej sacerdote rubini'an Josué pa'el chuwech ri ru-ángel ri Jehová. Y ri Satanás k'o-apo pa rijkiq'a' richin nusujuj-apo.

Wuj Richin ri Rutikeribel 19:14

K'ari' ri Lot xeberutz'eta' ri xke'ok ruji', ri alaboni' ri achoq chike xeyatej yan el ri rumi'al, y xubij chike: Jo', qojel-el re wawe' chupan re tinamit re', roma ri Jehová xtiberuk'isa' re tinamit re', xcha' chike. Jak'a rije' xkich'ob chi xa yeruq'ol.

Hebreos 12:16

Man jun tujech-ri' chupan ri itzel k'aslen y nuq'ej ruwi' ri ruch'abel ri Dios; achi'el xuben ri Esaú ri xa roma jun q'utun xuk'ayij ri kan k'o chi nuk'ul rija' roma nimalaxel,

Hechos 17:32

Toq ri winaqi' xkak'axaj chi k'o Jun ri xk'astej-pe chikikojol ri kaminaqi', xa xetze'en-apo chirij ri Pablo. Y ek'o xebin chire chi k'a xketzijon na chik jun bey.

Marcos 4:14

Rik'in re jun k'ambel-tzij re' nink'ut k'a chiwech chi ri tikonel ja ri rusamajel ri nitzijon ri ruch'abel ri Dios.

Marcos 4:16

Ri ija'tz ri xqaqa kan kojol taq abej, kan nich'on chikij ch'aqa' chik winaqi' ri nikak'axaj ri ruch'abel ri Dios. Rije' kan janila k'a yekikot toq nikik'ul ri ruch'abel ri Dios.