Marcos 3:29 - Kaqchiquel Bible

²⁹ Jak'a ri yoq'bel richin ri Loq'olej Espíritu, kan man xkekuyutej ta, xa kan xtrejqalej rumak richin jantape', xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

²⁹ Pero xa achike na jun ri ndibꞌiꞌin itzel teq tzij chirij ri ndubꞌen ri Espíritu Santo, ma la chuwaꞌq ma la kabꞌij ndikuyutej, xa kin chin jumul ndireqalej ri mak riꞌ.

Kaqchikel Santa Maria de Jesus

²⁹ Pero ri itziel nichꞌoꞌ chirij ri Espíritu Santo, man niꞌan ta perdonar sino que xtiꞌan castigar richin nojiel tiempo.

Re C'ac'a Testamento pa Kach'abal

²⁹ Pero re vinak re niyok'o chin re Espíritu Santo, can man xticuyutaj-ta rumac, xa can xtukalej re rumac chin nojel tiempo.

Kaqchikel Western Solola

²⁹ Yac'a ri niyok'on chrij ri Lok'olaj Espíritu, can ma xticuyutej ta rumac, xa can xtrejkalej rumac riche (rixin) xtibe k'ij xtibe sek.

Marcos 3:29 ပူးပေါင်းရင်းမြစ်များ

San Lucas 12:10

Xabachike k'a wineq ri niyoq'on wichin yin, ri xiqaqa-pe achi'el wineq chi'ikojol, k'a nikuyutej na rumak. Jak'a ri niyoq'on ri Loq'olej Espíritu, man k'a xtikuyutej ta rumak.

2 Tesalonicenses 1:9

Ri rutojbalil ri xtiya'ox chike kan richin jantape'. Y xke'elesex k'a el nej chire ri ajaw y chire ri ruk'ojlemal y ruchuq'a'.

Judas 1:13

Chuqa' ri winaqi' ri' xa e achi'el jun palou ri janila nisilon. Kan nibolqo't, y ri itzel taq kibanobal xa achi'el ri woqoq. E achi'el chuqa' ch'umila' ri e eleneq chik el chupan ri kibey ri akuchi k'o chi yesaqirisan-wi. Y roma ri' xa kan e oyoben chik roma ri q'equ'm, ri akuchi xkebek'oje-wi pa ruk'ayewal richin q'asen.

Marcos 12:40

Re achi'a' re' yekimajla' kan ri kachoch ri malkani' taq ixoqi'. Xaxe richin kenimex chi rije' e utz taq winaqi', kan yeyaloj richin yech'on rik'in ri Dios. Jak'a rije' kan xtiqaqa-wi rutojbalil-mak pa kiwi', roma ri kimak janila, xcha' ri Jesús.

San Mateo 25:46

Y ri winaqi' ri' kan xkebe-wi k'a pa tijoj-poqonal richin jantape'. Jak'a ri chojmilej taq winaqi' xtikil k'a jun k'aslen ri man k'isel ta. Keri' k'a ri ch'abel ri xubij ri Jesús.

Judas 1:7

Y keri' chuqa' xuben chike ri ojer taq winaqi' ri xek'oje' pa taq tinamit Sodoma y Gomorra y ri ek'o-apo chikinaqaj. Re winaqi' re' xemakun chi achi'a' chi ixoqi', kan xkikanola-ki' richin xemakun. Ri achi'a' man xekajo' ta ixoqi', xa kik'in chik achi'a' xek'oje-wi-qa. Roma ri' konojel ri winaqi' ri', ri Dios xeruya' pa q'aq' ri nik'at richin jantape'. Y re' richin nuk'ut chiqawech ri xtikik'uluwachij ri winaqi' ri nikik'uaj itzel k'aslen.

San Mateo 9:3

Y kan ek'o k'a jujun chike ri etamanela' chirij ri pixa' ri chiri'. Rije' xkibij-qa pa taq kánima chi ri Jesús kan nujunamaj-ri' rik'in ri Dios.

Marcos 3:30

Ri Jesús xubij keri' chike ri etamanela' chirij ri pixa', roma rije' xa nikibij chirij rija' chi k'o itzel espíritu rik'in.