Marcos 16:1 - Kaqchiquel Bible

¹ Toq q'axineq chik ri uxlanibel-q'ij, ri María aj-Magdala, ri María ri kite' ri José y ri Jacob o, y chuqa' ri Salomé, xbekiloq'o-pe jubulej taq aq'om richin nibekiya' kan chirij ri ruch'akul ri Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

¹ Atoq xqꞌax yan ri uxlanibꞌel qꞌij, ri María Magdalena, ri María ruteꞌ ri Santiago, y chuqaꞌ ri Salomé, xbꞌekiloqꞌoꞌ jubꞌulej teq aqꞌon chin ndekiyaꞌ chirij ru-cuerpo ri Jesús.

Kaqchikel Santa Maria de Jesus

¹ Y antok kꞌaxnak chic ri kꞌij richin uxlanien, ri María Magdalena, ri María ri rutieꞌ ri Jacobo, y ri ixok Salomé rubꞌeꞌ, xquilokꞌ jubꞌul tak akꞌuon chi niquiyaꞌ chirij ri ru-cuerpo ri Jesús.

Kaqchikel Central Guatemala

¹ Y tok k'axinek chic c'a ri uxlanibel-k'ij, ri María Magdalena, ri María ri quite' ri José y ri Jacobo, y chuka' ri ixok rubini'an Salomé xbequilok'ola-pe jubulej tak ak'on. Y re ak'on re' nic'atzin c'a chique richin nequiya' can chirij ri Jesús.

Re C'ac'a Testamento pa Kach'abal

¹ Y tak k'axnak chic re k'ij chin uxlanen, re María Magdalena, re María quite' re José y re Jacobo, y chuka' re ixok rubini'an Salomé xbequilok'ola-pa ak'om re jubul-oc ruxla'. Y re ak'om re' ndoc chique chin ne'quiya' can chij re ru-cuerpo re Jesús.

Kaqchikel Western Solola

¹ Y tek k'axnek chic c'a ri uxlanibel k'ij, ri María Magdalena, ri María ri rute' ri Jacobo, y chuka' ri ixok Salomé rubi' xbequilok'o' pe ak'om ri jubul ruxla'. Y ri ak'om ri' nic'atzin c'a chique riche (rixin) chi nbequiya' ca chrij ruch'acul ri Jesús.

Marcos 16:1 ပူးပေါင်းရင်းမြစ်များ

Wuj Richin ri Rutikeribel 50:2

Chirij ri' xubij chike ri aq'omanela' ri yesamej rik'in, chi tikaq'omaj ri ruch'akul ri rutata' richin man chi'anin ta niq'ey; y ri aq'omanela' kan keri' wi xkiben chire ri ruch'akul ri Israel.

2 Crón 16:14

Xkiya' k'a el pa jun ch'at y xkik'is-el pa jalajoj ruwech jubulej taq aq'om, ri kan ja ri etamanel richin jubulej taq aq'om ri banayon. Chirij ri' xbekimuqu' kan chupan ri jul ri rubanon kan rija' ri chiri' pa tinamit richin kan ri rey David, y k'ari' xkiben jun nimalej q'aq' richin xkiya' ruq'ij rija'.

Marcos 14:3

Toq ri Jesús k'o ri pa Betania, chiri' pa rachoch ri Simón ri xk'achojirisex chire ri yabil ri nutaluj-ri', rije' e raq'el k'a chuchi' ri mesa,*f17* y jari' k'a toq k'o jun ixoq xok-apo y ruk'uan-apo jun k'ojelibel ri banon rik'in ri abej alabastro ri nojineq-el rik'in ri jubulej aq'om nardo ri janila jotol rajel. Ri ixoq ri' xupaxij ruwi' ri k'ojelibel ri', k'ari' xuq'ej k'a ri jubulej aq'om pa rujolon ri Jesús.

Marcos 14:8

Jak'a rija' xuben ri achike nitikir nuben wik'in. Roma toq re ixoq re' xuq'ej chuwij re jun jubulej aq'om re', xuben yan k'a wik'in achi'el niban chike ri kaminaqi' toq yemuq.

Marcos 15:40

Ek'o chuqa' ixoqi' ri yetzu'un-apo, jak'a kan nej ek'o-wi. Chikikojol ri ixoqi' ri', k'o ri María aj-Magdala, k'o ri María ri kite' ri José y ri Jacobo ri k'a ak'ual na, y k'o chuqa' ri Salomé.

Marcos 15:42

Ri tiqaq'ij ri' toq nitiker yan qa ri uxlanibel-q'ij y ri winaqi' nikibanala' chik rutzil ronojel ri xtik'atzin chike chupan ri q'ij ri',

Marcos 15:47

Ri María aj-Magdala y ri María ri rute' ri José, kitzuliben k'a akuchi xmuq-wi kan ri Jesús.

Marcos 16:2

Ri nimaq'a' yan chire ri ruka'n q'ij, toq k'ari' nibek'ulun-pe ri q'ij, jari' toq xebe chuchi' ri jul.

Marcos 16:8

K'ari' ri ixoqi' ri' xe'el k'a pe ri chiri' pa jul, kan yebaybot roma xibinri'il. Kan man jun k'a achoq chire xkitzijoj-wi roma xa kan janila kixibin-ki'.*f25*

San Lucas 23:54

Ri q'ij ri', ri winaqi' nikichojmirisala' chik k'a ki', roma niqaqa yan ri q'ij y nitiker yan qa ri uxlanibel-q'ij.

San Lucas 23:56

Toq xetzolej ri ixoqi' ri', xekibanala' kutzil jubulej taq aq'om richin jari' nibekiya' kan chirij ri Jesús. Y xe'uxlan k'a chupan ri jun uxlanibel-q'ij ri', kan achi'el nubij chupan ri pixa' ri richin ri Moisés.

San Lucas 24:1

Ri nimaq'a' ri nabey q'ij richin ri semana, ri ixoqi' xebe k'a ri chuchi' jul, y e kik'ualon-el ri jubulej taq aq'om ri e kibanon-el.

San Juan 19:25

Ri chiri' chuxe' apo ri cruz ri bajin-wi ri Jesús, k'o k'a apo ri María ri rute' y chuqa' jun rach'alal rija'. Chuqa' ek'o-apo ri María ri rixjayil ri achin rubini'an Cleofás y ri María aj-Magdala.

San Juan 19:31

Ri q'ij ri', konojel judío nikibanala' chik rutzil ronojel, roma nitiker yan qa ri jun nimalej kinimaq'ij y chuqa' ri uxlanibel-q'ij. Y roma man ruk'amon ta k'a chi ri achi'a' ri' yek'oje' ta kan chuwech ri ki-cruz chupan ri uxlanibel-q'ij, roma ri' toq ri achi'a' ri kan k'o kiq'ij xebe rik'in ri Pilato y xbekik'utuj chire richin chi tiq'ajalox ri kaqen ri ek'o chuwech cruz, richin chi yeken yan qa, richin keri' yeqasex-pe.