Marcos 15:46 - Kaqchiquel Bible

⁴⁶ K'ari' ri José xuloq' jun tzieq nim banon rik'in lino. Toq ruqasan chik pe ri ruch'akul ri Jesús chuwa ri cruz, xupis k'a el chupan ri tzieq ri'. K'ari' xberumuqu' kan pa jun jul k'oton chuwech jun juyu' abej. Y rija' xusurij-apo jun nimalej setesik abej y rik'in ri' xutz'apej kan ruchi' ri jul.

နောက်ထပ်ဗားရှင်းများ

Kaqchikel Santo Domingo (Xenacoj)

⁴⁶ Ri José xulaqꞌ jun kꞌul nim ruwech, xuqasaj ru-cuerpo ri Jesús cho cruz, xupis chupan ri kꞌul, xbꞌerumuquꞌ pa jun jul kꞌoton apu chuwech jun xeq juyuꞌ, y xusirirej jun abꞌej chuchiꞌ ri jul chin xutzꞌapij kan.

Kaqchikel Santa Maria de Jesus

⁴⁶ Y ri José xulokꞌ jun tziak nem. Y antok rukasan chic pa ri ru-cuerpo ri Jesús choch ri cruz, xubꞌol cꞌa chupan ri tziak reꞌ. Y chupan jun jul ri cꞌatuon choch jun nem abꞌaj xbꞌaruya-ve ri ru-cuerpo ri Jesús. Jajaꞌ xutzꞌapij can ri ruchiꞌ ri jul cha jun nem abꞌaj.

Kaqchikel Central Guatemala

⁴⁶ Y ri José xulok' c'a jun tziek nim. Y tok rukasan chic pe ri ruch'acul ri Jesús chuva ri cruz, xupis c'a chupan ri tziek ri'. Y c'ari' xberumuku' can pa jun jul richin caminek, c'oton chuvech jun juyu' ri xa can abej vi. Y richin xutz'apej can ri jul, xunim c'a can ri abej tz'apebel-ruchi' ri jul.

Re C'ac'a Testamento pa Kach'abal

⁴⁶ Y re José xulok' jun sábana. Y tak rukasan chic-pa re ru-cuerpo re Jesús cho cruz, xupis chupan re sábana re'. Y c'are' xba chumukic pa jun jul quichin anama'i' re c'oton chach jun peña. Y xutz'apij can ruchi' re jul cha jun aboj.

Kaqchikel Western Solola

⁴⁶ Y ri José xulok' c'a jun sakilaj tziek. Y tek rukasan chic pe ri ruch'acul ri Jesús chuwech ri cruz, xubor c'a chupan ri tziek ri'. Y c'ac'ari' xberuya' ca pa jun jul riche (rixin) chi niya'ox (nya') caminek chupan ri c'oton chuwech jun nimabej. Y c'ac'ari' xutz'apij ca ruchi' riq'ui jun nimalaj setesic abej ri tz'apebel ruchi' ri jul.

Marcos 15:46 ပူးပေါင်းရင်းမြစ်များ

Wuj Richin ri Isaías 53:9

Kan xmuq chikikojol winaqi' ri maneq Dios chikiwech, xmuq akuchi yemuq-wi ri e itzel taq winaqi', stape' rija' kan man jun mak xuben, ni man jun bey xeruq'ol winaqi'.

San Juan 11:38

Toq ri Jesús xapon chuchi' ri jul,xpe bis pa ránima. Ri jul ri muqul-wi kan ri Lázaro, tz'apel kan ruchi' rik'in jun abej.

Wuj Richin ri Isaías 22:16

¿Achike kami naben rat re wawe'? ¿Achike awetaman ruwech rat, richin xaben-qa jun amuqubal re wawe' pa kik'ojelibal ri rey?

San Lucas 23:53

Toq ruqasan chik k'a pe ri ruch'akul ri Jesús chuwa ri cruz, rija' xupis pa jun tzieq. K'ari' xberumuqu' kan pa jun jul richin kamineq, k'oton chuwech jun juyu' ri xa kan abej-wi. Y man jun k'a ukusayon ri jul ri'.

San Mateo 28:2

Jari' toq xuben jun nimalej silonel roma jun ángel richin ri Dios ri peteneq chila' chikaj, xqaqa-pe y xusiloj ri abej, ri tz'apebel ruchi' ri jul.

Marcos 15:45

Toq ri aj-raqen kichin ri aj-labal xubij chire chi qitzij xken yan ri Jesús, k'ari' xuya' q'ij chire ri José chi tiberumuqu' kan.

Marcos 15:47

Ri María aj-Magdala y ri María ri rute' ri José, kitzuliben k'a akuchi xmuq-wi kan ri Jesús.

San Juan 11:41

Jari' toq xkelesaj k'a ri abej tz'apebel ruchi' ri jul. K'ari' ri Jesús xtzu'un k'a chikaj y xubij: Nata', matiox ninya' chawe, roma kan yinawak'axaj-pe.

San Juan 20:1

Chupan k'a ri nabey q'ij richin ri semana, ri María aj-Magdala xbe k'a chuchi' jul. Kan nimaq'a' yan k'a ri xbe, y kan k'a q'equ'm na. Jari' toq xutz'et chi ri abej tz'apebel-ruchi' ri jul xa elesan chik el.