Marcos 14:7 - Kaqchiquel Bible

⁷ Roma ri winaqi' ri man jun k'o kik'in xa kan jantape' k'a ek'o chi'ikojol, y xabachike q'ij niwajo' ye'ito', kan tibana' k'a utzil chike. Jak'a yin man jantape' ta xkik'oje' iwik'in.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Keriꞌ nibꞌij chiwa, porque ri wineq maneq ok kichajin, kin jumul ekꞌo chiꞌikajal, y atoq ndiwojoꞌ, rix kꞌo cheꞌel ndibꞌen jun utz chake. Pero riyin ma jumul ta ngikꞌojeꞌ chiꞌikajal.

Kaqchikel Santa Maria de Jesus

⁷ Ri i-puobra, can siempre icꞌo iviqꞌuin, y chica-na kꞌij ri ntivajoꞌ nquiꞌtoꞌ, can quiꞌtoꞌ. Pero inreꞌ man siempre ta xquicꞌujieꞌ iviqꞌuin.

Kaqchikel Central Guatemala

⁷ Ri vinek ri man jun c'o quiq'uin xa can jantape' c'a ec'o iviq'uin, y xabachique k'ij nivajo' ye'ito', can tibana' c'a utzil chique. Jac'a yin man jantape' ta xquic'oje' iviq'uin.

Re C'ac'a Testamento pa Kach'abal

⁷ Re vinak re camas je meba' xa can nojel tiempo jec'o iviq'uin, y xabanchique k'ij nijo' ye'to', can tibana' utzil chique. Jac'a yen man nojel-ta tiempo xquinc'ue' iviq'uin.

Kaqchikel Western Solola

⁷ Ri pobres xa can yec'o wi iwuq'ui, y xabachique k'ij niwajo' ye'ito', can tibana' c'a utzil chique. Yac'a riyin ma ronojel ta tiempo xquic'oje' iwuq'ui.

Marcos 14:7 ပူးပေါင်းရင်းမြစ်များ

San Mateo 26:11

Ri winaqi' ri man jun k'o kik'in xa kan jantape' k'a ek'o chi'ikojol. Jak'a yin man jantape' ta xkik'oje' iwik'in.

Marcos 14:6

Jak'a ri Jesús xubij: ¿Achike roma toq man yixtane' ta qa chi tzij chirij re ixoq re'? Xa tiya' kan y man chaq tineq. Roma rija' kan jun utzilej banobel ri xuben wik'in.

San Juan 13:33

Juba' chik k'a ok re yik'oje' iwik'in rix ri kan achi'el taq walk'ual nubanon chiwe. K'ari' xkinikanoj. Jak'a wakami kan ninbij k'a kan chiwe, achi'el ri nubin chike ch'aqa' qawinaq judío, chi ri akuchi yibe wi yin, man xkixtikir ta xkixbe rix.

San Juan 16:28

Kan rik'in-wi k'a ri nata' Dios in peteneq-wi, richin xinoqaqa chuwech re ruwach'ulew. Y re wakami, kan rik'in k'a chuqa' rija' yitzolin-wi, y ninya' kan re ruwach'ulew, xcha' ri Jesús.

San Juan 16:5

Re wakami, kan jare' k'a yitzolin rik'in ri taqayon-pe wichin. Y man jun chik chiwe rix nutijoxela' ri nik'utun ta pe chuwe ri akuchi xkibe-wi.

San Juan 17:11

Loq'olej nata' Dios, yin yitzolin k'a el awik'in. Jak'a rije' kan k'a yek'oje' na kan chuwech re ruwach'ulew, roma ri' ke'achajij k'a re winaqi' re' rik'in ri uchuq'a' ri k'o pan abi', y xaya' chuwe yin. Keri' rije' kan junan ta k'a kiwech y jun ta k'a nikiben, achi'el qabanon roj.

Hechos 3:21

Jak'a re wakami, k'o chi nik'oje' na ri chila' chikaj, kan k'a toq xtapon na ri q'ij toq xtiban ruchojmil ronojel. Keri' nubij ri Dios chupan ri e kitz'iban kan ri e loq'olej q'alajirisey ruch'abel ri Dios ri ojer kan.

Deut 15:11

Chupan ri ruwach'ulew kan jantape' xkek'oje' ri winaqi' ri man jun k'o kik'in, y roma ri' yin ninbij chiwe richin kan ta xtijoyowaj kiwech y xke'ito' ri iwinaq ri k'o nik'atzin chike.

Filemón 1:7

Wach'alal Filemón, wak'axan chi janila ye'awajo' ri qach'alal y k'iy kikoten aya'on pa taq kánima. Y roma ri' yin chuqa' janila kikoten k'o pa wánima, y rik'in ri' xaben chuwe richin xinkuquba' nuk'u'x.