Marcos 14:61 - Kaqchiquel Bible

⁶¹ Jak'a ri Jesús xa man xch'on ta. Kan man jun k'a ch'abel ri xubij. Roma ri' ri nimalej sacerdote, xuk'utuj chik chire. ¿Ja rat ri' ri Cristo, ri ruk'ajol ri nimalej Dios ri niqaya' ruq'ij?, xcha' chire.

နောက်ထပ်ဗားရှင်းများ

Kaqchikel Santo Domingo (Xenacoj)

⁶¹ Pero ri Jesús nixta jun achike xubꞌij chin ta xutzolij ruwech rutzij. Y ri más nimalej ruqꞌij sacerdote xukꞌutuj chik razón chare: ¿Ja rat ri Jun ri nditaq pe roma ri Dios chukolik ri rutinamit? ¿Ja rat ri Rukꞌajol ri nimalej ruqꞌij Dios?

Kaqchikel Santa Maria de Jesus

⁶¹ Pero ri Jesús man jun tzij xuꞌej. Rumareꞌ xpa ri sacerdote ri más cꞌo rukꞌij, xucꞌutuj chic cha: ¿Atreꞌ ri Cristo, ri Rucꞌajuol ri Dios? xchaꞌ cha.

Kaqchikel Central Guatemala

⁶¹ Pero ri Jesús xa man xch'on ta c'a. Can man jun c'a ch'abel ri xubij. Romari' xpe ri nimalej sacerdote, c'o chic c'a ri xuc'utuj chire. Rija' xuc'utuj c'a chire: ¿Ja rat ri' ri Cristo ri Ruc'ajol ri Dios ri nikaya' ruk'ij? xcha' chire.

Re C'ac'a Testamento pa Kach'abal

⁶¹ Pero re Jesús man xch'o-ta, y man jun tzij xubij. Mare' xpa re namalaj sacerdote, xuban chic jun pregunta cha. Reja' xuc'utuj cha: ¿Ja rat re Cristo re Ruc'ajol re Dios re nakaya' ruk'ij? xcha' cha.

Kaqchikel Western Solola

⁶¹ Yac'a ri Jesús xa ma xch'o ta c'a. Can majun c'a ch'abel ri xubij. Rumari' xpe ri nimalaj sacerdote, xuc'utuj chic c'a chare: ¿La yit c'a riyit ri Cristo ri Ruc'ajol ri nimalaj Dios ri nikaya' ruk'ij? xcha' chare.

Marcos 14:61 ပူးပေါင်းရင်းမြစ်များ

Marcos 15:2

Jari' toq ri Pilato xuk'utuj chire ri Jesús: ¿Ja rat ri ki-rey ri judío?, xcha'. Y ri Jesús xubij: Ja rat ri yabin, xcha'.

Wuj Richin ri Isaías 53:7

Rija' kan janila xtz'ilox, y kan janila xpoqonatej, jak'a kan man jun ri xubij. Xkik'uaj-el pa kamik, achi'el jun karne'l toq niyuqex-el richin nibekamisex, jak'a man xsik'in ta, ni man jun xubij, achi'el jun karne'l toq nuk'uex-el richin nisokex ri rusumal.

San Juan 19:7

Jak'a rije' xkibij-apo: Rija' nubij chi ruk'ajol ri Dios, y roma ri' k'o chi niqaqa ri kamik pa ruwi', roma kan keri' nubij ri qapixa', xecha'.

1 Pedro 2:23

Toq xebix poqon taq ch'abel chire, man xutzolij ta ruk'exel rik'in poqon taq ch'abel. Toq xban chire chi nutej poqon, man xubij ta chi nuben ruk'exel chike. Xa pa ruq'a' ri Dios ri kan pa ruchojmilal niq'aton-tzij xuya-wi ronojel ri xkiben chire.

San Juan 10:36

Wi keri' xubij ri Dios, ¿achike k'a roma rix nibij chi yin xinyoq' rubi' ri Dios, roma xinbij chi ja yin ri in ruk'ajol? Roma yin kan xirucha' k'a ri Dios richin xiruteq-pe chuwech re ruwach'ulew.

San Juan 1:34

Wakami kan xintz'et yan k'a. Y roma ri' ninq'alajirisaj chi ja rija' ri ruk'ajol ri Dios, xcha' ri Juan.

San Mateo 16:16

Y ri Simón Pedro kan jari' k'a xubij chire ri Jesús: Ja rat ri Cristo, ri ruk'ajol ri k'aslik Dios, xcha' chire.

San Mateo 8:29

Y rije' kan rik'in k'a kuchuq'a' xech'on-apo rik'in ri Jesús y xkibij: Rat Jesús ri at ruk'ajol ri Dios, ¿achike nawajo' chiqe? ¿Achike roma yojaya' pa tijoj-poqonal, toq xa man jani napon ruq'ijul?, xecha'.

San Mateo 3:17

Chirij ri' xpe k'a jun ch'abel chila' chikaj y xubij: Jare' ri nuk'ajol yin ri kan janila ninwajo' y yikikot rik'in, kan tiwak'axaj k'a ri nubij, xcha' ri ch'abel ri'.

Wuj Richin Bix Chire ri Dios 119:12

Kan nimalej aq'ij rat Jehová: Tabana' utzil tak'utu' chinuwech ri jalajoj ruwech apixa'.

Wuj Richin Bix Chire ri Dios 39:9

Man nujaqon ta ri nuchi', man jun ch'abel ri nubin, roma rat keri' xaben chuwe.

Wuj Richin Bix Chire ri Dios 2:7

Yin kan xtinya' rutzijol ri ruch'obonik ri Dios. Ri Jehová kere' rubin chuwe: Rat at nuk'ajol y yin in atata'.

1 Timoteo 6:15

Toq xtapon ri q'ij, ri Dios xtuben ronojel re' roma kan xaxe rija' ri k'o y xaxe rija' ri nimalej ruq'ij. Ja rija' ri nimalej rey pa kiwi' konojel rey. Kan nimalej ajaw pa kiwi' konojel ajaw.

1 Timoteo 1:11

y ri utzilej ch'abel richin kolotajik ri ruya'on ri Loq'olej Dios ri k'o ruq'ij-ruk'ojlen ri rubin chuwe yin richin nintzijoj.

Hechos 8:32

Ri ruch'abel ri Dios ri najin chusik'ixik ri achin ri', jak'a ri nubij:*f20* Xkik'uaj-el pa kamik, achi'el jun karne'l toq niyuqex-el richin nibekamisex, jak'a man xsik'in ta, ni man jun xubij, achi'el jun karne'l toq nuk'uex-el richin nisokex ri rusumal.

San Juan 19:9

K'ari' rija' xok chik k'a apo ri pa jay y xuk'utuj chire ri Jesús: ¿Akuchi k'a kape-wi rat?, xcha' chire. Jak'a ri Jesús man jun k'a ch'abel xubij.

San Juan 18:37

Jak'a ri Pilato xubij chire ri Jesús: ¿Kan at rey wi k'a rat?, xcha'. Ri Jesús jari' k'a toq xubij chire: Ja', keri'. Yin kan in rey wi achi'el ri xabij.*f22* Kan richin wi k'a ri' toq xiqaqa-pe achi'el wineq chuwech re ruwach'ulew; richin chi ninq'alajirisaj ri qitzij chikiwech ri winaqi'. Y konojel k'a ri yeniman y e richin chik ri qitzij, kan nikiben-wi k'a ri ninbij yin chike, xcha'.

San Juan 10:24

Ri ruwinaq xe'apon rik'in y xkisutij-rij, k'ari' xkibij chire: ¿Achike k'a roma toq man jun bey nawajo' naq'alajirisaj-awi' chiqawech? Wi kan ja rat ri Cristo, tabij chiqe, xecha'.

Marcos 14:60

Ri Caifás, ri nimalej sacerdote, xbepa'e' k'a pe ri pa kinik'ajal, y xubij chire ri Jesús: ¿Kan man jun nabij pa ruwi' ri xkibij-qa chawij?, xcha' chire.