Marcos 14:44 - Kaqchiquel Bible

⁴⁴ Ri Judas ri nijacho-el richin ri Jesús kan rubin k'a pe chike ri e peteneq rik'in, ri rubanik richin nuk'ut ri Jesús chikiwech. Rubin k'a pe chike: Ja ri xkijel-apo rik'in richin xtintz'ubaj, jari' ri Jesús. Tichapa', y man tanimej kan chiwech, keri' rubin-pe chike.

နောက်ထပ်ဗားရှင်းများ

Kaqchikel Santo Domingo (Xenacoj)

⁴⁴ Ri Judas ri ndijacho e ri Jesús, rubꞌiꞌin pe chake ri wineq ri etal nduyaꞌ chin ndukꞌut ri Jesús chikiwech. Y kereꞌ rubꞌiꞌin pe chake: Ri xtintzꞌubꞌaj ruqꞌoꞌtz jariꞌ, tiyutuꞌ e utz-utz y tikꞌuaj.

Kaqchikel Santa Maria de Jesus

⁴⁴ Ri Judas ri nijacho richin ri Jesús, can ruꞌeꞌn yan pa chica ri i-patanak riqꞌuin, ri chica xtuꞌon chi nucꞌut ri Jesús chiquivach. Jajaꞌ ruꞌeꞌn-pa chica: Ja ri jun ri xtintzꞌubꞌaj ruchiꞌ, jareꞌ ri Jesús. Titzꞌamaꞌ cꞌa otz chi man tinumaj chivach.

Kaqchikel Central Guatemala

⁴⁴ Ri Judas ri nijachon-el richin ri Jesús can rubin c'a pe chique ri e petenek riq'uin, achique rubanic xtuben richin nuc'ut ri Jesús chiquivech. Rija' rubin c'a pe chique: Jac'a ri xquijel-apo riq'uin richin xtintz'ubaj (xtintz'umaj), jari' ri Jesús. Tichapa', y man tanmej can chivech.

Re C'ac'a Testamento pa Kach'abal

⁴⁴ Re Judas re nijacho-a chin re Jesús can rubin chic chique re je'pitinak riq'uin, andex xtuban chin nuc'ut re Jesús chiquivach. Reja' ja quire' rubin chique: Ja re anchique xtintz'ubaj chin xtimban saludar, jare' re Jesús. Titz'ama', y man tinumaj chivach.

Kaqchikel Western Solola

⁴⁴ Ri Judas ri nijacho el ri Jesús can rubin c'a pe chique ri ye petenak riq'ui, chi achique rubanic xtuben riche (rixin) chi xtuc'ut ri Jesús chiquiwech. Riya' rubin c'a pe chique: Ya c'a ri xquijel apo riq'ui y xtintz'umaj (xtintz'ubaj) ruchi', yari' ri Jesús. Tichapa' chi utz riche (rixin) chi ma nanmej ta ca chiwech.

Marcos 14:44 ပူးပေါင်းရင်းမြစ်များ

Wuj Richin Etamabel-Tzij 27:6

Xa más rutzil ri sokotajik ri nuben chawe jun wineq, ri yarajo', ke chuwech ri nitz'ubex achi', roma ri netzelan awichin.

Ex 12:13

Ri kik' jari' ri retal richin ri jay ri akuchi ixk'o-wi rix, y xtintz'et k'a yin ri kik' y choj k'a xkiq'ax-el pan iwi' y kan man xtok ta k'a iwik'in rix ri nima-ruk'ayewal richin kamik, toq yin xkenkamisaj ri nabey taq al alaboni' wawe' pan Egipto.

2 Tesalonicenses 3:17

Y pa ruk'isibel chire re wuj re' ninteq-el rutzil-iwech, ri kan rik'in nuq'a' yin Pablo, nubanon-wi-el. Kere' ninben chire ronojel nuwuj ri yenteq, roma kan kere' ri yitz'iban.

Filipenses 1:28

Chuqa' man k'a tixibij-iwi' chikiwech ri ye'etzelan iwichin, keri' xtibeq'alajin-pe chi rix iwilon chik ri kolotajik. Y rije' xa e richin chik ri tojbel-mak. Y re' kan ja ri Dios ri banayon-pe richin kan keri' xtibanatej.

Wuj Richin ri Josúe 2:12

Wakami k'a nink'utuj k'a jun nimalej utzil chiwe, richin chi niya' itzij chuwe, pa rubi' ri Jehová ri i-Dios richin achi'el k'a yin xinjoyowaj iwech, keri' chuqa' xtiben pa kiwi' konojel ri aj pa wachoch y kan xtiya' jun retal chuwe chi kan jujik chi xtiben.

Hechos 16:23

Toq janila chik e ch'ayon, xebetz'apex kan pa cárcel, y xbix chire ri chajinel chi jebel kichajixik tubana'.

San Mateo 26:46

Chi'anin, kixyakatej. Jala' peteneq ri xkijacho-el, xcha' ri Jesús.

Marcos 14:43

Ri Jesús kan k'a nich'on na k'a kik'in, toq ja yan ri' xoqaqa ri Judas ri jun chike ri kablajuj rutijoxela', y e ruk'uan k'a apo e k'iy winaqi' ri e kik'ualon che' y espada. Konojel re' e taqon k'a el koma ri aj-raqen kichin ri sacerdote, ri etamanela' chirij ri pixa' y ri achi'a' ri k'o kiq'ij.

Marcos 14:45

Toq ri Judas xapon, kan jari' choj xbe-apo rik'in ri Jesús xuq'ejela' y xubij: Nutijonel, nutijonel, xcha' chire. Y kan jari' xuq'ejela' rik'in jun tz'ubanik.