Marcos 14:41 - Kaqchiquel Bible

⁴¹ Ri Jesús xch'on chik jun bey rik'in ri Dios. Jak'a toq xtzolin-pe ri pa rox bey, xubij k'a chike ri e oxi' rutijoxela': Wakami k'a kan kixwer y kixuxlan. Jare' xoqaqa ri hora chi yin ri xiqaqa-pe achi'el wineq chi'ikojol, kan xkijach-el pa kiq'a' ri itzel taq achi'a'.

နောက်ထပ်ဗားရှင်းများ

Kaqchikel Santo Domingo (Xenacoj)

⁴¹ Atoq xtzolij chi rox mul apeꞌ ekꞌo kan ri oxiꞌ discípulos, kereꞌ xubꞌij chake: ¿Kꞌa chin ngixwer y ngixuxlan? ¡Ma kixwer chik! ¡Titzꞌetaꞌ! Ja xuqaqa ri hora atoq riyin ri aj chikaj ri xinuꞌalex chiꞌikajal ngijach e pa kiqꞌaꞌ aj mak teq wineq.

Kaqchikel Santa Maria de Jesus

⁴¹ Pero antok xpa chi oxeꞌ mul, jajaꞌ xuꞌej chica ri iyoxeꞌ ru-discípulos: Vacame quixvar y quixuxlan. Pero ya otz cala. Ruma ja xalka ri huora chi ri Xtak-pa chicaj chi xalax chiꞌicajol can xtijach-el pa quikꞌaꞌ ri pecadores.

Kaqchikel Central Guatemala

⁴¹ Y ri Jesús xbe chic c'a chubanic orar. Pero tok xtzolin-pe ri pa rox bey, rija' xubij c'a chique ri e oxi' rutijoxela': ¿Can c'a yixver na? ¿Nivajo' nitz'akatisaj ri ivaran? Pero man chic tiquirel ta. Yin ri xinalex chi'icojol can ja vi c'a re' xoka' ri nu-hora, can xquijach c'a el pa quik'a' ri itzel tak achi'a'.

Re C'ac'a Testamento pa Kach'abal

⁴¹ Y re Jesús xba chic chubanic orar. Pero tak xpa pa rox bey, reja' xubij chique re je oxe' ru-discípulos: Vocame quixvar y can titz'aktisaj re ivaran. Pero man chic xquixtiquir-ta. Yen re xinalax chi'icojol jac'a re nu-hora xbeka, can xquinjach-a pa quik'a' re itzel tak achi'a'.

Kaqchikel Western Solola

⁴¹ Y ri Jesús xbe chic c'a chubanic orar. Y tek xtzolin pe ri pa rox mul, Riya' xubij c'a chique ri ye oxi' rudiscípulos: Wacami can quixwer c'a y quixuxlan. Ya xa riq'ui c'a re'. Riyin ri C'ajolaxel ri xinalex chicojol can ya wi c'a re' xoka ri hora, chi xquijach c'a el pa quik'a' ri aj maqui'.

Marcos 14:41 ပူးပေါင်းရင်းမြစ်များ

1 Rey 18:27

Jari' toq ri Elías niyojoben-apo chikij y xubij chike: Kixsik'in kow, roma rija' kan dios-wi, rik'in juba' xa xbechulun kan, o k'o jun rusamaj nuben, o xa xbebiyaj, o rik'in juba' xa niwer y k'o chi nik'asoj, xcha' ri Elías chike.

1 Rey 22:15

Ri Micaías kan xbe k'a, y toq xapon rik'in ri Acab, rija' xuk'utuj chire ri Micaías chi wi utz nuchop oyowal pa ruwi' ri Ramot, o xa numalij-qa. Y ri Micaías xubij chire: Kabiyin; tabebana' oyowal, roma kan jujik-wi chi kan ja rat ri xkach'akon, roma ri Jehová kan xtujech pan aq'a' rat, xcha'.

2 Rey 3:13

K'ari' ri Eliseo xubij chire ri rey richin Israel: ¿Achike roma wik'in yin xape-wi? Ke'abek'ulubej ri e q'alajirisey ruch'abel ri ki-dios kan ri ate-atata', xcha' Y ri Joram xubij chire: Ni; roj oj peteneq awik'in rat q'alajirisey ruch'abel ri Jehová, roma ja rija' ri xoyon qichin re oj oxi' rey richin yojrujech pa ruq'a' ri tinamit Moab, xcha'.

Wuj Richin ri Molojri'il 11:9

Rat ri k'a at k'ajol ala' na, kan kakikot k'a chupan ri ak'ajolil. Rokik ri k'a at k'ajol na, k'iy k'a ri nawajo' naben chupan ri ak'aslen. Y kan jari' ri tabana', xaxe k'a man tamestaj chi ja ri Dios k'o pa ruwi' ronojel, y k'o jun q'ij kan xtuq'et chuqa' tzij pa ruwi' ronojel banobel.

Ez 20:39

Jak'a rix israelita ke'isamajij ri i-dios, y pa ruk'isibel chire ronojel, xkiniwak'axaj k'a yin. Y chupan ri q'ij ri' man chaq xtiyoq' ri nubi' rik'in ri isipanik chuwech ri wachibel ri niya' kiq'ij.

San Mateo 26:2

Rix kan iwetaman-wi chi pa ka'i' apo q'ij niqanataj toq ri Jehová xuya' ri Solbelri'il. Chupan k'a ri q'ij ri' toq yin ri xiqaqa-pe achi'el wineq chi'ikojol kan xkijach-wi-el richin chi yibajix chuwech cruz richin chi xkiken, xcha' chike.

Marcos 14:10

Chirij k'a ronojel re' kere'; ri Judas Iscariote, jun chike ri kablajuj tijoxela', xapon k'a kik'in ri aj-raqen kichin ri sacerdote, y xusuj-ri' richin nujech ri Jesús pa kiq'a'.

Marcos 14:18

Toq rije' e raq'el-apo chuchi' ri mesa,*f19* y ye'ajin chik chi wa'in, jari' toq ri Jesús xubij: Kan qitzij k'a ninbij chiwe, chi k'o jun chiwe rix ri xtiyakatej chuwij; y jun ri kan niwa' wik'in, jari' xkijacho-el pa kiq'a' ri winaqi', xcha' ri Jesús.

Marcos 14:35

Rija' xbiyin chik k'a apo juba' y k'ari' xxuke-qa y xuqasaj-qa-ri' k'a pan ulew richin xch'on rik'in ri Dios. Xuk'utuj k'a chi wi ta tikirel, choj ta niq'ax-el ri ramaj ri', y chi man ta nuk'owisaj ri tijoj-poqonal.

Marcos 14:40

Toq xtzolin chik kik'in ri e oxi' rutijoxela', xa yewer chik k'a jun bey ri xeril, roma rije' xa al-al k'a runaq' taq kiwech roma ri kiwaran. Y rije' man nikil ta k'a achike nikibij.

Marcos 14:42

Kixyakatej k'a, jo' roma ja la' peteneq ri xkijacho-el, xcha'.

Marcos 7:9

Rix richin niben ri achike ok e kibilon kan ri ojer taq winaqi', kan iq'ajon k'a ri ruwi' ri pixa' ri ruya'on kan ri Dios.

Marcos 9:31

Roma rija' kan najin chikitijoxik ri rutijoxela', y nubij chik chike: Yin, ri xiqaqa-pe achi'el wineq chi'ikojol, kan xkijach-wi pa kiq'a' ri winaqi'. Xkikamisex k'a; jak'a pa rox q'ij xkik'astej-pe, nicha' chike.

San Juan 12:23

Ri Jesús kan jari' k'a xubij chike ri ka'i' tijoxela' ri': Ja q'ij re' xoqaqa richin chi yin, ri xiqaqa-pe achi'el wineq chi'ikojol, xtik'oje' nuq'ij-nuk'ojlen.

San Juan 12:27

Yin kan janila k'a niq'axo ri wánima wakami. Jak'a man ruk'amon ta chi ninbij chire ri nata' chi kirukolo' chuwech re q'axomal re' y xa kan roma ri' xinoqaqa, xcha'.

San Juan 17:1

Toq ri Jesús rubin chik k'a kan ronojel re' chike, rija' xtzu'un k'a chikaj richin xch'on rik'in ri Dios, y xubij: Nata' kan jare' k'a xoqaqa ri hora. Wakami kan tabana' k'a chuwe yin ri ak'ajol chi niq'alajin ri nuq'ij-nuk'ojlen; richin keri', yin kan jari' k'a chuqa' xtinben awik'in rat, chi kan xtiq'alajin ri aq'ij-ak'ojlen.

San Juan 7:30

Kan ek'o k'a ri xe'ajowan chi xkichop ta, jak'a man xetikir ta roma man jani napon ri hora.

San Juan 8:20

Jak'a ch'abel re' ri xerubij ri Jesús akuchi nibeyalox-wi kan méro koma ri winaqi' ri chiri' pa rachoch ri Dios. Y man rik'in chi xerubila' ch'abel keri', man jun ri xpe ta chuchapik, roma man jani tapon ri hora.

Hechos 7:52

¿K'o ta kami jun chike ri q'alajirisey ruch'abel ri Dios ojer kan, ri man ta xutej poqon pa kiq'a' ri iwati't-imama'? Man jun. Rije' xekikamisaj k'a ri xebin chi nipe ri jun samajel ri kan choj. Toq kan xoqaqa k'a ri samajel ri', ja chik k'a rix ri xixjacho pa kiq'a' ri q'atoy-tzij, y rix xixkamisan richin.

Wuj Kichin ri To'onela' 10:14

Kixbiyin y kixch'on kik'in ri i-dios ri xe'icha'; ja rije' xkekolon iwichin chupan ri tijoj-poqonal, xcha' chike.