Marcos 13:8 - Kaqchiquel Bible

⁸ Roma jun ruwach'ulew xtiyakatej k'a el chirij jun chik ruwach'ulew. Ek'o chuqa' rey xkeyakatej-el chikij ch'aqa' chik rey. Xkepe k'a yabilal, wayjal y chuqa' xtuben silonel xabakuchi chire re ruwach'ulew. Jari' ri nabey taq q'axomal, y k'ari' xkepe chik k'a ch'aqa' kiwech tijoj-poqonal.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Porque chupan teq ri qꞌij riꞌ, ri wineq chin jun rochꞌulew ngeyakatej chikij wineq chin jun chik rochꞌulew, y keriꞌ chuqaꞌ reyes kikꞌin ri ki-soldados ndekibꞌanaꞌ guerra chake chꞌaqa chik reyes. Jalajaj teq apeꞌ ngebꞌanatej nimaꞌq teq kobꞌraqen y ndipuꞌun wayijal. Nojel ri kꞌayew riꞌ xa kꞌaja ri nabꞌey teq qꞌaxomal, achel ri nabꞌey teq qꞌaxomal chin alanik ri ndunaꞌ jun ixaq.

Kaqchikel Santa Maria de Jesus

⁸ Jun nación xtipalaj chirij jun chic nación y jun reino xtipalaj chirij jun chic reino. Xtuꞌon nimaꞌk tak cubꞌrakan qꞌuiy lugar, xtuꞌon viꞌjal, y qꞌuiy jeꞌ roch ayoval xcaꞌpa chiquicajol ri vinak pa tak tanamet. Y nojiel reꞌ xa cꞌa ja oc rutzꞌucbꞌal richin ri sufrimientos ri xcaꞌpa.

Kaqchikel Central Guatemala

⁸ Jun tinamit xtiyacatej c'a el richin nerubana' oyoval riq'uin jun chic tinamit. Ec'o c'a chuka' e nima'k tak ruvach'ulef xqueyacatej-el richin chi nequibana' oyoval quiq'uin ch'aka' chic nima'k tak ruvach'ulef. Xquepe silonel (cab-raken) q'uiy lugar. Xquepe chuka' vayjal, y q'uiy c'a chuka' quivech oyoval xquepe chiquicojolil ri vinek ri pa tak ruvach'ulef. Y re' xa c'ari' ri nabey tak k'axomal y xquepe chic c'a ch'aka' chic quivech tijoj-pokonal.

Re C'ac'a Testamento pa Kach'abal

⁸ Jun tenemit xtiyacataj chin no'rbana' guerra riq'uin jun chic tenemit. Jec'o chuka' re nima'k tak naciones re xque'yacataj chin che ne'quibana' guerra quiq'uin nic'aj chic nima'k tak naciones. Xque'pa sananel q'uiy lugar. Xque'pa chuka' viyjal, y q'uiy chuka' quivach ayoval xque'pa y re vinak xque'ch'ujlan pa tak naciones. Y re' xa ja re nabey tak k'axomal y xque'pa nic'aj chic quivach tijoj-pokonal.

Kaqchikel Western Solola

⁸ Jun tinamit xtiyacatej c'a el chi nberubana' ch'a'oj riq'ui jun chic tinamit. Yec'o c'a chuka' nima'k tak ruwach'ulef ri xqueyacatej el chi nbequibana' ch'a'oj quiq'ui nic'aj chic nima'k tak ruwach'ulef. Xquepe silonel xabachique lugar chare re ruwach'ulef y xquepe chuka' wayjal y q'uiy c'a chuka' quiwech ch'a'oj xquepe chiquicojol ri winek. Y ri' xa c'ari' ri nabey tak tijoj pokonal y xquepe chic c'a nic'aj chic quiwech tijoj pokonal.

Marcos 13:8 ပူးပေါင်းရင်းမြစ်များ

2 Crón 15:6

Ri jun tinamit yakatajineq chirij jun chik tinamit, jun ruwach'ulew chirij jun chik ruwach'ulew, roma kan ja ri Dios xbanon chike richin nikik'owisaj ronojel ri ruk'ayewal ri'.

Wuj Richin Bix Chire ri Dios 48:6

Xkik'en k'a jun nimalej xibinri'il y kan xebaybot. Xkikototila-ki' roma q'axo'n achi'el nuben jun ixoq toq nik'oje' yan ti ral.

Wuj Richin ri Isaías 19:2

Ri Dios xtuben chike konojel ri aj-Egipto chi xkeyakatej chikij ri kiwinaq. Xa kan xkeyakatej k'a chikij ri kach'alal, y chikij ri kachpochel. Xa kan xkeyakatej tinamit chikij ch'aqa' chik tinamit, y xa kan xkeyakatej k'a aj-raqen chirij jun chik aj-raqen.

Wuj Richin ri Isaías 29:6

Yin Jehová k'iytisanel richin ronojel kan xkipe rik'in koqolajay, silonel, nimalej kaq'iq', q'eqel-job y q'aq' richin xkenk'is ri e etzelanel iwichin.

Wuj Richin ri Isaías 37:3

Y kere' xbekibij chire: Jare' k'a ri rutzijol ri xuya-pe ri Ezequías. Re q'ij re', q'ij richin bis, q'ij richin ruk'ayewal y q'ij richin k'ixbilal. Roma ri qawinaq kan maneq chik kuchuq'a', achi'el jun ixoq toq nalex yan ri ti ral, y rija' xa maneq chik ruchuq'a'.

Wuj Richin ri Jeremías 13:21

¿Y achike ta k'a xtibij rix aj-Jerusalem, toq k'o chi niq'at-tzij pan iwi' koma ri winaqi' ri xa ja rix ri xixtijon kichin? Kan jari' toq xtipe q'axo'n pan iwi' achi'el toq niq'axon jun ixoq ri royoben alanik.

Wuj Richin ri Jeremías 22:23

Rix wakami kan jebel ina'on chupan ri iwachoch ri e banon rik'in tiox-che' ri e k'amon-pe pa juyu' Líbano, jak'a xa xtibetija' yan poqon toq xtipe q'axo'n iwik'in, achi'el ruq'axo'n jun ixoq toq nalex yan jun ti ral.

Wuj Richin ri Jeremías 25:32

Kere' nubij ri Jehová ri k'iytisanel richin ronojel chi ri ruk'ayewal kan xtoqaqa pa kiwi' konojel ri tzobaj winaqi' richin re ruwach'ulew, achi'el jun nimalej kaq'iq' job ri xtiyakatej. Y re' nitiker-pe ri juk'an ruchi' ri ruwach'ulew y napon k'a ri juk'an chik ruchi'.

Wuj Richin ri Jeremías 4:31

Roma xinwak'axaj jun raqoj-chi'ij richin q'axo'n, achi'el richin jun ixoq ri nalex yan ri nabey ti ral. Ri raqoj-chi'ij ri' kichin ri ri winaqi' richin tinamit Sión, ri nijilon y nuya-apo ruq'a' y nubij: Toq'ex qawech roj, roma ri qánima nimayamo' chikiwech ri kamisanela', xkixcha'.

Wuj Richin ri Jeremías 49:24

Rix aj-Damasco maneq chik iwuchuq'a' y nich'ob chi yixanimej-el roma xibinri'il, roma bis y roma q'axo'n, achi'el ri ruq'axo'n jun ixoq ri nik'oje' yan ti ral.

Wuj Richin ri Jeremías 50:43

Ri i-rey toq xtrak'axaj ri rutzijol chi e peteneq, kan xtik'is ri ruchuq'a'. Kan xtipe bis pa ránima, y xtuna' jun q'axo'n achi'el nuna' jun ixoq toq nalex yan ti ral.

Wuj Richin ri Jeremías 6:24

Y ri winaqi' aj-Jerusalem nikibij: Qak'axan k'a ri itzel kitzijol rije' y roma ri' ri xibinri'il rubanon chiqe richin maneq chik quchuq'a'. Kan ojk'o pa bis y pa q'axo'n achi'el ruq'axo'n jun ixoq toq nik'achoj yan chirij jun ti ral.

Wuj Richin ri Hageo 2:22

Y xkentek'mayila' ri kitz'uyubal richin q'atbel-tzij ri ajawaren y xtink'is ri kuchuq'a'. Chuqa' xkentek'mayila' ri ki-carruaje e richin labal y ri yejote' chupan. Xkeken k'a ri kikiej y ri achi'a' ri yech'oke' chirij kiej. Chikijujunal xketzaq roma ri ki-espada ri kach'alal.

Wuj Richin ri Zacarías 14:13

Y xtibanatej k'a chi ri Jehová xtuteq-pe jun nimalej xibinri'il. Y chikijujunal rije' xtikichop k'a chikiq'a' chi kach'alal, xtikichop k'a ki' y xtikikamisala-ki'.

San Mateo 24:8

Jak'a ri' ri nabey taq q'axomal, y k'ari' xkepe chik ch'aqa' kiwech tijoj-poqonal.

Marcos 13:7

Xtiwak'axala' k'a chi ek'o ajawaren k'o labal najin chikikojol. Jak'a man tisach ik'u'x, roma ronojel ri' xa kan k'o chi yebanatej na. Jak'a man ja ta ri' ri ruk'isibel taq q'ij richin re ruwach'ulew.

Marcos 13:9

Jak'a rix kan tichajij-iwi' jebel, roma xa kan ek'o ri xkejacho iwichin pa kiq'a' ri achi'a' ri pa komon yeq'aton-tzij. Chuqa' xkixch'ay ri pa taq jay richin molojri'il, akuchi nikak'axaj ri ruch'abel ri Dios. Xkixuk'uex k'a chikiwech q'atoy taq tzij y chikiwech rey, richin xkiniq'alajirisaj chikiwech.

Hechos 11:28

Y jun k'a chike ri qach'alal ri', ja ri Agabo. Y roma ri Loq'olej Espíritu kan ruya'on-wi ch'abel chire, roma ri' toq xbepa'e-pe chikiwech ri qach'alal, y kan xuq'alajirisaj chi xtipe jun nimalej wayjal pa ruwi' re ruwach'ulew; y ri nimalej wayjal ri' kan xpe na wi ri pa ruq'ijul ri q'atoy-tzij Claudio César.

1 Tesalonicenses 5:3

Toq k'a man jani nipe ri Jesucristo, ri winaqi' xtikich'ob chi janila jebel kibanon, y xa jari' k'a toq chaq k'ate' xtoqaqa ri ruk'ayewal pa kiwi'. Xa xtikik'uluwachij achi'el ri nuk'uluwachij jun ixoq ri peteneq alanik chirij, ri chaq k'ate' nok'ulun ri ruq'axo'n. Y keri' k'a ri xtikik'uluwachij ri winaqi' ri', man xkekolotej ta chuwech ri ruk'ayewal.

Apocalipsis 6:4

Y kan jari' xbek'ulun-pe jun kiej keq rij. Y ri ch'okolibeyon-pe richin, xya'ox-el q'ij chire chi tuya' oyowalen chikikojol ri winaqi' ri ek'o chuwech ri ruwach'ulew, richin keri' tikikamisala-qa ki' chikiwech. Y kan xjach-el jun nim espada pa ruq'a'.