Marcos 13:6 - Kaqchiquel Bible

⁶ Roma xa kan e k'iy-wi k'a ri xkebek'ulun-pe y xtikibila': Ja yin ri Cristo, xkecha'. Y janila e k'iy ri xkeq'olotej pa kiq'a'.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Porque ekꞌiy ngetuqaqa ri ndikiqꞌabꞌaj kiꞌ chi ja yin xinuqaqa porque kereꞌ ndikibꞌilaꞌ: Ja riyin ri taqon pe roma ri Dios chukolik ri rutinamit, ngechajeꞌ. Y ekꞌiy wineq ngechꞌakatix koma rejeꞌ.

Kaqchikel Santa Maria de Jesus

⁶ Ruma iqꞌuiy ri xcaꞌpa y xtiquiꞌej: Inreꞌ ri Cristo, xcaꞌchaꞌ. Y iqꞌuiy ri xcaꞌquiꞌan maña chica.

Kaqchikel Central Guatemala

⁶ Roma xa can e q'uiy vi c'a ri xquebec'ulun-pe y xtiquibila' c'a: Ja yin ri Cristo, xquecha' c'a. Y e janíla e q'uiy ri xquek'olotej pa quik'a'.

Re C'ac'a Testamento pa Kach'abal

⁶ Roma je q'uiy xque'pa y xtiquibij: Ja yen re Cristo, xque'cha'. Y camas je q'uiy re xque'k'olotaj pa quik'a'.

Kaqchikel Western Solola

⁶ Ruma can ye q'uiy ri xquepe y xtiquibila': Yin c'a riyin ri Cristo, xquecha'. Y sibilaj ye q'uiy ri xquek'olotej pa quik'a'.

Marcos 13:6 ပူးပေါင်းရင်းမြစ်များ

Marcos 13:22

Roma kan ek'o k'a ri xkebek'ulun-pe y xtikibila' chi ja rija' ri Cristo, o ja rija' jun q'alajirisey ruch'abel ri Dios. Jak'a man ke'inimaj; roma xa e q'olonela'. Y xkekibanala' k'a nima'q taq retal y nima'q meyel taq banobel, y rik'in ri' yekiq'ol ri winaqi'. Y rik'in juba' xkekiq'ol ri e cha'on chik roma ri Dios.

1 Juan 4:1

Wach'alal ri yalan yixinwajo', man tinimaj ri nubij jun wineq xaxe roma ri nubij chi rik'in ri Loq'olej Espíritu peteneq-wi. Rix xa kan nik'atzin chi nich'ob rij jebel richin niwetamaj, roma e k'iy winaqi' chuwech re ruwach'ulew ri yebin chi ja ri ruch'abel ri Dios ri nikitzijoj, y xa man qitzij ta.

San Juan 8:24

Kan roma ri' xinbij k'a chiwe chi chupan ri imak yixken-wi. Y wi xa man ninimaj ta chi ja yin ri' ri kan jantape' ink'o, kan xkixken na wi chupan ri imak, xcha'.

San Juan 5:43

Roma yin kan pa rubi' ri nata' in peteneq-wi, jak'a xa man xinik'ul ta. Jak'a wi ta ek'o winaqi' ri yepe pa kibi' rije', ri' kan chi'iwonojel yixbe chikik'ulik.

San Mateo 24:11

Y xkebek'ulun-pe chuqa' janila e k'iy ri xkebin chi rije' e q'alajirisey ruch'abel ri Dios. Y roma kan keri' ri nikibij, kan e k'iy wi k'a winaqi' ri xkeq'olotej pa kiq'a'.

San Mateo 24:5

Roma e k'iy ri xkepe y xtikibij: Ja yin ri Cristo, xkecha'. Y janila k'a e k'iy ri xkeq'olotej pa kiq'a'.

Wuj Richin ri Jeremías 14:14

K'ari' ri Jehová xubij chik chuwe: Ri achi'a' ri' xa kan nikitz'uk k'a tzij, roma yin kan man e nutaqon ta el, ni man jun xinbij-el chike. Ri nikiq'alajirisaj, xa ronojel man qitzij ta. Y xa nikibananej ri nikiq'alajirisaj, xa kiyon rije' nikitz'uk. Jare' ri nikiq'alajirisaj rije'.

Marcos 13:5

Ri Jesús xubij: Kan jebel k'a tichajij-iwi' richin man jun xkixq'olo.

Marcos 13:7

Xtiwak'axala' k'a chi ek'o ajawaren k'o labal najin chikikojol. Jak'a man tisach ik'u'x, roma ronojel ri' xa kan k'o chi yebanatej na. Jak'a man ja ta ri' ri ruk'isibel taq q'ij richin re ruwach'ulew.

San Juan 8:28

Ri Jesús xubij chik: Ri q'ij toq xkinijotoba' chuwa ri cruz, yin ri xiqaqa-pe achi'el wineq chi'ikojol, k'a jari' k'a toq xtiwetamaj chi ja yin ri' ri kan jantape' ink'o. Y xtiwetamaj chuqa' chi ronojel ri ninben yin, xa man pa nuyonil ta. Xa kan achi'el ri rubin-pe ri nata' chuwe, kan keri' k'a chuqa' ninbij yin chiwe rix.