Marcos 12:36 - Kaqchiquel Bible

³⁶ Ja ri Loq'olej Espíritu xbanon chire ri rey David chi tuq'alajirisaj:*f16* Ri Dios xubij chire ri wajaw: Katz'uye-pe re pa wijkiq'a' y xkenya' pan aq'a' ri ye'etzelan awichin, nicha'.

နောက်ထပ်ဗားရှင်းများ

Kaqchikel Santo Domingo (Xenacoj)

³⁶ Xu ja mismo ri David chuxeꞌ ruchuqꞌaꞌ ri Espíritu Santo kereꞌ xubꞌij: Ri Ajaw xubꞌij chare ri Wajaw: Katzꞌuyeꞌ pa wikiqꞌaꞌ, y chireꞌ kakꞌojeꞌ Kꞌa kenyaꞌ na chuxeꞌ awaqen konojel ri itzel ngetzꞌeto awichin. Keriꞌ xubꞌij.

Kaqchikel Santa Maria de Jesus

³⁶ Ruma ja mismo ri rey David xuꞌej ri xꞌeꞌx cha ruma ri Espíritu Santo: Ri Ajaf Dios xuꞌej cha ri Vajaf: Catzꞌuyeꞌ pa nu-derecha, hasta cꞌa xcaꞌnyaꞌ ri av-enemigos chuxieꞌ avakan. Quireꞌ xuꞌej.

Kaqchikel Central Guatemala

³⁶ Tok xa can ja ri rey David xbin ri xk'alajirisex chire roma ri Lok'olej Espíritu. Ri David can xubij-vi c'a: Ri Ajaf Dios xubij chire ri Vajaf ri Crísto: Catz'uye-pe re pa vajquik'a', y xquenya' pan ak'a' ri ye'etzelan avichin. Queri' xubij.

Re C'ac'a Testamento pa Kach'abal

³⁶ Tak xa can ja re Rey David xbin re xbex cha roma re Espíritu Santo. Re David ja quire' rubin can: Re Ajaf Dios xubij cha re Vajaf re Cristo: Catz'uye-pa pa vajquik'a', y xque'nya' pan ak'a' re ye'tzelan avichin. Quire' xubij re Dios cha re Cristo.

Kaqchikel Western Solola

³⁶ Tek xa can ya ri rey David xbin ri xk'alajsex chare ruma ri Lok'olaj Espíritu. Ri David can rubin wi ca: Ri Dios xubij chare ri Wajaf: Catz'uye' re pa wajquik'a', c'a ya tek xquenya' na pan ak'a' pan awaken ri ye'etzelan awuche (awixin). Queri' xubij.

Marcos 12:36 ပူးပေါင်းရင်းမြစ်များ

Wuj Richin Bix Chire ri Dios 110:1

Ri Jehová xubij chire ri wajaw: Katz'uye-pe re pa wijkiq'a' y xkenya' pan aq'a' ri ye'etzelan awichin, xcha'.

Hebreos 1:13

¿Achike ta k'a chike ri ángel ri xubij ta ri Dios:*f5* Katz'uye-pe re pa wijkiq'a' y xkenya' pan aq'a' ri ye'etzelan awichin?

1 Corintios 15:25

Nik'atzin chi ja ri Cristo niq'aton-tzij k'a toq xech'akatej yan konojel ri ye'etzelan richin, y xtuben chike chi xkeqaqa pa ruq'a'.

Hechos 1:16

Wach'alal, ri rey David ri xk'oje' ojer kan, xutz'ibaj k'a kan ri ch'abel ri xeruya' ri Loq'olej Espíritu pa ránima. Chiri' nich'on chirij ri Judas ri xuk'uan kibey ri winaqi' ri xebe chuchapik ri Jesús. Kan k'o-wi k'a chi xbanatej ri'.

Wuj Richin ri Nehemías 9:30

Man rik'in ri' xe'akoch' k'iy juna'. Y ri Utzilej Espíritu xerukusaj ri e q'alajirisey ri ach'abel, richin chi xubij chike chi titzolej-pe kik'u'x awik'in. Jak'a rije' man xkajo' ta xkak'axaj. Y roma ri' xe'ajech pa kiq'a' ch'aqa' chik winaqi' ri ek'o chikinaqaj.

2 Sam 23:2

Ri ru-Espíritu ri Jehová nich'on woma yin. Ri ruch'abel kan k'o chuwech ri waq'.

2 Pedro 1:21

roma kan ja ri Loq'olej Espíritu ri xbin chike ri k'o chi xkibij ojer kan, y man kiyon ta xkitz'uk-el.

1 Pedro 1:11

Janila k'a xkajo' xketamaj janipe' nibek'uluwachitej, y achike rubanik, roma ri Espíritu richin ri Cristo ri k'o pa taq kánima xch'on pa ruwi' ri tijoj-poqonal ri xtuk'owisaj ri Cristo y ri meyel taq banobel ri xkebebanatej chirij ri'.

Hebreos 4:7

Y k'iy k'a q'ij chikij-pe ri qati't-qamama', ri Dios xusuj chik jun bey ri uxlanen chike ri winaqi'. Y xubij chik chire ri rey David: Wi niwak'axaj wakami ri ruch'abel ri Jehová. Man k'a tikowirisaj ri iwánima, nicha'.*f14*

2 Timoteo 3:16

Ronojel ri tz'ibatel, kan ja ri Dios ri xbanon chi xtz'ibatej kan. Y roma ri' utz nukusex richin tijonik, richin nuq'alajirisaj-pe achike tijonik ri xa kik'in achi'a' peteneq-wi, richin niq'alajirisex chire jun chik chi tujala' ruk'aslen, chuqa' richin nibix achike rubanik jun k'aslen choj.

Hechos 28:25

Y toq xebe, xa man junan ta k'a kiwech. Jak'a kan k'a xkak'axaj na el ri ruk'isibel taq ch'abel ri xubij ri Pablo, y xubij: Ri ch'abel ri xuya' ri Loq'olej Espíritu chire ri Isaías ri q'alajirisey ruch'abel ri Dios, richin chi xubij chike ri qati't-qamama', kan utz chuqa' nuben chiwe rix:

San Mateo 5:35

Ni man tiya' itzij pa rubi' ri ruwach'ulew, roma ja re' ri rupalibal ri Dios, ni man chuqa' tikusaj ri rubi' ri Jerusalem, roma re tinamit re' kan richin ri nimalej rey.