Marcos 12:34 - Kaqchiquel Bible

³⁴ Toq ri Jesús xrak'axaj chi kan jebel wi xq'ax chuwech ri jun etamanel ri', kan jari' xubij chire: Rat xa man nej ta atk'o-wi chire ri rajawaren ri Dios, xcha'. Y kan man jun chik k'a ri k'o ta xuk'utuj-apo chire ri Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

³⁴ Atoq ri Jesús xutzꞌet chi ri tijonel chin ri ley xnoꞌ chutzolixik tzij, kereꞌ xubꞌij chare: Rat ma nej ta ratkꞌo chin ngatok pa ru-reino ri Dios, xchajeꞌ. Y nixta jun chik xukowij riꞌ chin ta xukꞌutuj razón jun achike chare ri Jesús.

Kaqchikel Santa Maria de Jesus

³⁴ Y antok ri Jesús xraꞌxaj chi jaꞌal xiꞌka paroꞌ (xuꞌon entender) ri jun ache reꞌ, ri Jesús xuꞌej cha: Atreꞌ man naj ta chic atcꞌo-ve chi ncatuoc pa ru-reino ri Dios, xchaꞌ cha. Y jareꞌ antok man jun chic xutzꞌom rucovil chi cꞌo ta ri chica xucꞌutuj cha ri Jesús.

Kaqchikel Central Guatemala

³⁴ Y tok ri Jesús xrac'axaj chi can jebel vi xk'ax chuvech ri jun etamanel ri', ri Jesús xubij c'a chire: Rat xa man nej ta chic c'a atc'o-vi richin chi yatoc pa rajavaren o pa ruk'a' ri Dios, xcha' chire. Y jari' c'a tok man jun chic xbanon covil richin c'o ta xuc'utuj chire ri Jesús.

Re C'ac'a Testamento pa Kach'abal

³⁴ Y tak re Jesús xuc'axaj che can jabal xk'ax pa rue' re jun ache re', re Jesús xubij cha: Rat xa man naj-ta chic yatc'o-va chin che yatoc pa ruk'a' re Dios, xcha' cha re ache. Y jare' tak man jun chic xbano covil che c'o-ta jun cosa xuc'utuj cha re Jesús.

Kaqchikel Western Solola

³⁴ Y tek ri Jesús xrac'axaj chi can jabel wi xk'ax chuwech ri jun aj tz'ib ri', ri Jesús xubij c'a chare: Riyit xa ma nej ta chic c'a yitc'o wi riche (rixin) chi yatoc pa rajawaren ri Dios, xcha' chare. Y yac'ari' tek can majun chic ri xbano cowil chi c'o ta ri xuc'utuj apo chare ri Jesús.

Marcos 12:34 ပူးပေါင်းရင်းမြစ်များ

Colosenses 4:6

Kan ta ronojel ri nibij k'o ta utzil nuk'en-pe. Kan ta achi'el toq k'o atz'an rik'in ri iq'utun, keri' ta ri ich'abel richin chi kan xaxe ta k'a ri ruk'amon ri nibij chike konojel ri k'o nikik'utuj chiwe.

San Lucas 20:40

Y kan man jun chik k'a ri xetikir ri xkik'utuj-apo chire ri Jesús.

San Mateo 22:46

Y man jun k'a ri xbin ta apo jun ch'abel chire ri Jesús. Y ja q'ij ri' toq xuchop-el chi man jun chik ri k'o ta ri nuk'utuj chire ri Jesús.

Gálatas 2:19

Yin man chik ink'o ta chuxe' ri nubij ri pixa', roma xa achi'el in kamineq chik. Y re ink'es wakami, kan roma k'a ri Dios.

Romanos 7:9

Ri ojer kan, toq man jani q'axineq chinuwech ri pixa' ri', yin xinna' chi k'o nuk'aslen rik'in ri Dios. Jak'a ri q'ij toq xq'ax chinuwech ri nubij ri pixa', jari' toq xq'ax chinuwech chi k'o ri mak pa wánima,

San Mateo 12:20

Man xtuq'ej ta jumul ri aj ri kan q'ajineq kan juba'. Ni man xtuchup ta ri candil ri nibuqulin sib chire. Rija' jantape' xtuben pa ruchojmilal.

San Mateo 12:15

Toq ri Jesús xunabej chi k'o nikich'ob chirij, xel k'a el ri chiri' y kan e janila k'a ri winaqi' xetzeqeliben-el richin. Rija' kan yeruk'achojirisala' k'a konojel ri e yawa'i'.