Marcos 12:33 - Kaqchiquel Bible

³³ Nik'atzin chi niqajo' rik'in ronojel qánima, rik'in ronojel qak'u'x, rik'in ronojel qak'aslen y rik'in ronojel quchuq'a'. Achi'el chuqa' niqajo-qa-qi' roj, kan keri' chuqa' keqajo' ri qachpochel. Wi yeqaben k'a re', kan más kejqalen chuwech ri poron chikop y ri kamelabel, xcha' ri etamanel.

နောက်ထပ်ဗားရှင်းများ

Kaqchikel Santo Domingo (Xenacoj)

³³ Y ri ndawojoꞌ ri Dios rikꞌin nojel awánima, nojel anojibꞌal y nojel awuchuqꞌaꞌ y ri ngaꞌawojoꞌ ri wineq achel ndawojoꞌ awiꞌ rat, kin más kꞌo reqalen ke chikiwech nojel ri chikap ngekꞌatisex pariꞌ ri altar y ri chꞌaqa chik sipanik ngesuj chuwech ri Dios.

Kaqchikel Santa Maria de Jesus

³³ Nicꞌatzin chi navajoꞌ riqꞌuin nojiel avánima, navajoꞌ riqꞌuin nojiel ri anoꞌj, navajoꞌ riqꞌuin nojiel ri acꞌaslien y navajoꞌ jeꞌ riqꞌuin nojiel avuchukꞌaꞌ. Y can incheꞌl ri navajo-ka-aviꞌ atreꞌ, can quireꞌ jeꞌ mismo tavajoꞌ ri a-prójimo; nojiel reꞌ cꞌo más rakalien que choch ri chicop o jun chic kax ri ncaꞌyoꞌx choch ri Dios, xchaꞌ ri ache escriba.

Kaqchikel Central Guatemala

³³ Nic'atzin chi nikajo' riq'uin ronojel kánima. Nic'atzin chi nikajo' riq'uin ri kanojibal, riq'uin ri ronojel ri kac'aslen y riq'uin chuka' ronojel ri kuchuk'a'. Y achi'el chuka' nikajo-ka-ki' roj, can que c'a chuka' ri' quekajo' ri ch'aka' chic. Vi yekaben c'a re', can más quejkalen que chuvech ri chicop ri yesuj chire ri Dios; tok can ronojel o man ronojel ta ri ti'ij niporox, xcha' c'a ri etamanel.

Re C'ac'a Testamento pa Kach'abal

³³ Nic'atzin che nakajo' riq'uin ronojel kánma, riq'uin ronojel re kana'oj, riq'uin ronojel re kac'aslen y riq'uin ronojel kachuk'a'. Y ancha'l chuka' nakajo-ka-ki' yoj, quire' chuka' que'kajo' re nic'aj chic vinak. Vo xa ye'kaban re', c'o más rajkalen que chach re chicop je'quimisan re ye'suj cha re Dios, xcha' re ache re rutaman re ley kachin yoj re yoj israelitas.

Kaqchikel Western Solola

³³ Rajawaxic chi nikajo' riq'ui ronojel kánima. Rajawaxic chi nikajo' riq'ui ri kanojibal, chupan ronojel ri kac'aslen y riq'ui chuka' ronojel ri kachuk'a'. Y achi'el chuka' nikajo' ka ki' riyoj, can que c'a chuka' ri' quekajo' ri kuc' kach'alal. Y wi yekaben c'a re', can más quejkalen que chuwech ri chicop ri yecamisex y yeporox chuwech ri Dios; y más quejkalen que chuwech xabachique cosa ri nikatzuj (nikasuj) chuwech ri Dios, xcha' c'a ri aj tz'ib.

Marcos 12:33 ပူးပေါင်းရင်းမြစ်များ

Os 6:6

Yin ninwajo' chi rix kan ta rik'in ronojel iwánima yiniwajo' y man ja ta ri kamelabel ri nisujula-pe chinuwech. Ri niya' wejqalen yin kan más rejqalen chikiwech ri poron chikopi'.

1 Sam 15:22

Y ri Samuel xubij: Ri Jehová kan más k'a niqa' chuwech chi ninimex ri rutzij. Man ja ta ri naporoj chikop ri niqa' chuwech, Man ja ta ri nasuj kamelabel ri niqa' chuwech. Rija' kan más k'a nikikot rik'in ri niniman-tzij ke chuwech nasuj kamelabel chuwech. Más rejqalen ri nanimaj rutzij ke chuwech ri ruq'anal ri chikop.

San Mateo 12:7

Rix man ta xixtikir xibij chi man utz ta ri yetajin chubanik ri nutijoxela', xa ta kan iwetaman achike nik'ulun-wi chi tzij ri nubij: Ninwajo' chi rix kan ta rik'in ronojel iwánima yiniwajo' y man ja ta ri kamelabel ri nisujula-pe chinuwech, keri' ri tz'ibatel kan.*f18*

San Mateo 9:13

K'ari' xubij chik: Yin man xipe ta chikikanoxik ri winaqi' ri choj kik'aslen. Yin xipe chikikanoxik ri man choj ta kik'aslen richin nitzolej-pe kik'u'x. Kixbiyin k'a chukanoxik chupan ri pixa' y chi retamaxik ri achike nik'ulun-wi ri nubij ri Dios: Yin ninwajo' chi rix kan ta rik'in ronojel iwánima yiniwajo' y man ja ta ri kamelabel ri nisujula-pe chinuwech, nicha' ri pixa', xcha'.*f16*

Wuj Richin Bix Chire ri Dios 50:23

Ri sipanik ri niqa' chinuwech, ja ri matioxinik ri nipe pan iwánima. Y wi rix choj xkixbiyin chinuwech yin, kan xkixinkol k'a.

Hebreos 10:8

Ri Cristo xubij chuqa' chire ri Dios: Rat kan man chik k'a nawajo' ta chi yesuj poron chikopi' y ch'aqa' chik sipanik chawe richin nikuyutej mak. Ri chikopi' ri yeporox chawech, man jun kikoten nikiya' chawe, xcha'. Keri' xubij stape' yesuj achi'el nubij ri pixa' ri aya'on chire ri Moisés.

Wuj Richin Etamabel-Tzij 21:3

Ri wineq ri kan ja ri ruchojmilal y ri rubeyal ri nutej ruq'ij chi nuben pa ruk'aslen; kan jari' ri más niqa' chuwech ri Jehová, ke chuwech ri nusuj ta kamelabel chire.

Deut 6:5

Kan tiwajo' k'a ri Jehová ri qa-Dios rik'in ronojel iwánima y rik'in ronojel ik'u'x, chupan chijun ri ik'aslen.