Marcos 11:13 - Kaqchiquel Bible

¹³ Rija' k'a nej xutz'et-apo jun wíkix tikil, ri janila jebel rubanon ri ruxaq. Xbe-apo rik'in richin niberukanoj-pe jun ruwech. Jak'a xa man jun ruwech k'o, xa ruyon ruxaq. Roma man ruq'ijul ta richin k'o ruwech.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ Y xutzꞌet apu chi nej jun higuera ri jabꞌel ruxaq, xbꞌa apu chuxeꞌ chin ta xril jun ruwech xrajoꞌ, pero xaxe ruxaq xril, porque ma tiempo ta chin ndiwachin.

Kaqchikel Santa Maria de Jesus

¹³ Y jajaꞌ chi-naj xutzꞌat jun mata víquix, y altíra jaꞌal ri ruxak rubꞌanun. Xꞌa-apa riqꞌuin chi xirucanuj-pa roch. Pero antok xbꞌaka chuxieꞌ, xa man jun roch cꞌo, xa ruyuon ruxak. Ruma man ru-tiempo ta chi nuyaꞌ roch.

Kaqchikel Central Guatemala

¹³ Y rija' c'anej c'a xutzu' chi c'o jun víquix (higo) tiquil, y janíla jebel rubanon ri ruxak. Xbe c'a apo riq'uin, richin nerucanoj-pe jun ruvech. Pero tok xapon-apo riq'uin, xa man jun ruvech c'o, xa ruyon ruxak. Roma man ruk'ijul ta richin c'o ruvech.

Re C'ac'a Testamento pa Kach'abal

¹³ Y reja' c'ac'anaj xutz'at-va-apo che c'o jun che' rubini'an higuera tiquil, y camas jabal rubanon re ruxak. Xba-apo chuxe' chin no'rcanoj-pa vo xa c'o rach. Pero tak xapon-apo chuxe' xa manak rach, xa rion ruxak. Roma man ru-tiempo-ta che nivachin.

Kaqchikel Western Solola

¹³ Y Riya' c'anej c'a c'o wi tek xutz'et chi c'o juwi' che' ri higo rubi' y sibilaj jabel rubanon ri ruxak. Xbe c'a apo chuxe' chucanoxic ruwech. Y tek xapon apo riq'ui, xa majun ruwech c'o ta, xa ruyon ruxak c'o. Ruma ma ruk'ijul ta chi niwachin.

Marcos 11:13 ပူးပေါင်းရင်းမြစ်များ

San Mateo 21:19

Toq e beneq, rija' xutz'et k'a jun che' wíkix tikil chuchi' bey. Xbe-apo chukanoxik ruwech, jak'a xa man jun ti ruwech k'o, xa ruyon ruxaq. Jari' k'a toq ri Jesús xch'on rik'in ri che' y xubij k'a: Man jun bey chik k'a xkawachin, xcha'. Y ri wíkix ri' kan jari' xchaqi'j-qa.

Wuj Richin ri Isaías 5:7

Ri Jehová k'iytisanel richin ronojel, jari' ri rajaw ri tiko'n. Y ri tiko'n ri kan janila nrajo', re' kan nuk'exewachuj k'a konojel ri qawinaq israelita. Y re qejoj re' kan jare' ri k'o más rejqalen. Ri Jehová kan royoben k'a chi xkitaqej ta ri rupixa', jak'a xa ruyon kamik ri xkiben. Royoben k'a ruchojmilal, jak'a xa ruyon raqoj-chi'ij richin q'axo'n ri nrak'axaj.

San Lucas 10:31

Chirij ri' k'o k'a jun sacerdote xulan-pe chuqa' chupan ri bey ri'. Y toq re sacerdote re' xutz'et chi punul ri achin ri chiri' pa bey, xa choj xq'ax juk'an chire ri bey.

1 Sam 6:9

Titz'eta-el jebel wi choj xkebe pa jotol k'a pa Bet-semes, kan ja k'a ri Dios ri' ri yoyon re jun nimalej q'axo'n re' chiqe y wi man keri' ta, xtiqetamaj chi re jun q'axo'n re' xa choj keri' k'o pa qawi' y man ja ta ri Dios ri banayon, xecha'.

Wuj Richin ri Rut 2:3

Ri Rut xbe k'a richin nibepich'olin. Y toq xapon pa jun ulew akuchi niq'at-wi cebada, xuchop nipich'olin chiri' kik'in ri yesamej; y ri akuchi xbepich'olin-wi, xa richin ajk'a ri Booz, ri rach'alal kan ri ánima Elimélec.

Wuj Richin ri Isaías 5:2

Xujosq'ij k'a jebel ri ulew ri' y xrelesaj-el ronojel ri abej chupan. Xerucha' k'a ri más utz ruxe' ri uva y jari' ri xutik-qa. Y pa nik'aj chire ri rutiko'n ri' xupaba' jun tobel richin nichajix ri uva. Chirij re' xuk'ot k'a jun jul, y chiri' xuben jun yitz'bel-uva; y xroyobej k'a chi ri rutiko'n nuya-pe uva ki'. Jak'a pa ruk'exel ri uva ki', xa ch'amilej-uva ri xuya'.

Marcos 11:12

Pa ruka'n q'ij toq xe'el-pe pa Betania richin xebe pa Jerusalem, ri Jesús xpe k'a ruwayjal.

Marcos 11:14

Jari' k'a toq ri Jesús xubij chire ri che': Man k'a xkawachin ta chik jumul, xcha'. Y ri rutijoxela' kan xkak'axaj k'a ri xubij.