Marcos 10:6 - Kaqchiquel Bible

⁶ Ri pa rutikeribel, toq ri Dios xuben re ruwach'ulew, kan pa k'ulaj k'a xeruben ri winaqi': Chi achi'a' chi ixoqi', xeruben.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Pero xe jampeꞌ pa nabꞌey atoq ri Dios xerubꞌen nojel, rijaꞌ chi achi chi ixaq xerubꞌen.

Kaqchikel Santa Maria de Jesus

⁶ Pero antok xtzꞌucutaj-pa ri roch-ulief, ache y ixok xaꞌruꞌon ri Dios.

Kaqchikel Central Guatemala

⁶ Jac'a ri pa rutiquiribel pe xa man que ta ri'. Ri pa rutiquiribel, tok ri Dios xuben re ruvach'ulef, can pa c'ulaj c'a xeruben ri vinek. Can man ruyon ta ri achin y man ruyon ta chuka' ri ixok.

Re C'ac'a Testamento pa Kach'abal

⁶ Jac'a re xtiquir-va-pa xa man quire-ta. Re xtiquir-va-pa, tak re Dios xuban re ruch'ulef, can ache y ixok xuban. Can man rion-ta re ache y man rion-ta chuka' re ixok.

Kaqchikel Western Solola

⁶ Yac'a ri pa rutiquiribel pe xa ma que ta ri'. Ri pa rutiquiribel, tek ri Dios xuben re ruwach'ulef, can pa c'ulaj c'a xeruben ri winek. Can ma ruyon ta ri achi y ma ruyon ta chuka' ri ixok.

Marcos 10:6 ပူးပေါင်းရင်းမြစ်များ

Wuj Richin ri Rutikeribel 1:1

Ri pa rutikeribel, ri Dios xuben ri kaj y ri ruwach'ulew.

Wuj Richin ri Rutikeribel 1:27

Toq ri Dios xuben ri wineq kan xuben achi'el rubanik rija', chi achij chi ixoq xeruben.

Wuj Richin ri Rutikeribel 5:2

Chi achij chi ixoq xeruben y kan xerurtisaj k'a y jari' toq xkibini'aj-pe wineq.

Marcos 13:19

Chupan ri ruq'ijul ri' kan xtik'o k'a ruwi' ri tijoj-poqonal ri xtipe; jun tijoj-poqonal ri man jun bey k'uluwachitajineq ta pa ruwi' re ruwach'ulew jampe' ri banon kan roma ri Dios, k'a re wakami chupan re qaq'ijul roj. Y chuqa' man jun bey chik xtik'uluwachitej.

Romanos 1:20

Ri Dios man tz'etel ta. Jak'a ri ruwach'ulew y ri ch'aqa' chik ri xeruben, ri' e tz'etel, y jari' ri yeq'alajirisan ri Dios chikiwech. Kan pa rutikeribel-pe re ruwach'ulew kiq'alajirisan-pe chi k'o jun Dios y k'o ruchuq'a' ri man k'isel ta. Roma ri' ri winaqi' ri' kan man xketikir ta xtikibij chi rije' man ketaman ta chi k'o jun Dios.

2 Pedro 3:4

y xtikibila' k'a: Wi rubin kan ri Cristo chi nipe, ¿achike k'a roma man peteneq ta? Roma janipe' ri e kaminaqi-el ri qate-qatata' man jun jalatajineq chuwech re ruwach'ulew. Kan achi'el toq xban re ruwach'ulew, kan k'a ke na ri' re wakami, xkecha'.

Wuj Kichin ri To'onela' 21:22

Y wi ri kitata' o ri kixibal ri xtani' yepe qik'in richin yech'ojin, roj kere' k'a xtiqabij chike: Tibana' utzil richin ye'iya' kan ri xtani' chike, roma roj chupan ri labal ri xqaben, man xeqil ta kan xtani' richin ye'ok kixjayilal konojel rije'; y chuqa' rix maneq imak chire ri jikibel-tzij roma man ja ta rix ri xixya'on-el chike, xa kan xe'eleq'ex k'a el, xqojcha' chike, xecha'.