Marcos 10:14 - Kaqchiquel Bible

¹⁴ Y toq ri Jesús xutz'et ri nikiben ri tijoxela', xpe royowal, y xubij chike: Tiya' q'ij richin chi ri ak'uala' yepe wik'in yin. Roma ri xke'ok pa rajawaren ri Dios, xaxe ri e achi'el ri ak'uala'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Pero atoq ri Jesús xutzꞌet chi keriꞌ ndikibꞌen ri discípulos, xyakatej royowal, y xubꞌij chake: Tiyaꞌ qꞌij chake ri akꞌolaꞌ chi ngepuꞌun wikꞌin, y ma tiqꞌet kiwech, porque ri ngeꞌok pa ru-reino ri Dios, ja ri kibꞌanun chare ri kánima achel kánima re akꞌolaꞌ reꞌ.

Kaqchikel Santa Maria de Jesus

¹⁴ Y antok ri Jesús xutzꞌat ri niquiꞌan ri ru-discípulos, xpa rayoval, y xuꞌej chica: Tiyaꞌ permiso chica ri acꞌolaꞌ chi ncaꞌpa viqꞌuin inreꞌ, y man quiꞌikꞌat. Ruma ri ru-reino ri Dios xa quichin ri i-incheꞌl acꞌolaꞌ.

Kaqchikel Central Guatemala

¹⁴ Jac'a tok ri Jesús xutz'et ri niquiben ri rutijoxela', xpe royoval, roma man utz ta xutz'et ri ye'ajin chubanic, y xubij c'a chique: Tiya' k'ij richin chi ri ac'uala' yepe c'a viq'uin, y man que'ik'et. Roma ri xque'oc pa rajavaren o pa ruk'a' ri Dios, xaxe ri e achi'el ri ac'uala'.

Re C'ac'a Testamento pa Kach'abal

¹⁴ Jac'a tak re Jesús xutz'at re niquiban re ru-discípulos, xpa ruyoval, roma man otz-ta xutz'at re ye'tajin chubanic, y xubij chique: Tiya' k'ij chique re ac'ola' che que'pa viq'uin, y man que'ik'at. Roma re xque'oc pa ruk'a' re Dios, xaxe re je ancha'l ac'ola'.

Kaqchikel Western Solola

¹⁴ Yac'a tek ri Jesús xutz'et ri niquiben ri rudiscípulos, ma xka ta chuwech ri yetajin chubanic, y xubij c'a chique: Tiya' k'ij chique ri ac'ala' chi yepe wuq'ui riyin, y ma que'ik'et ta. Ruma ri xque'oc pa rajawaren ri Dios, xaxu (xaxe) wi ri winek ri ye achi'el re ac'ala' re'.

Marcos 10:14 ပူးပေါင်းရင်းမြစ်များ

San Mateo 19:14

K'ari' ri Jesús xubij chike: Tiya' q'ij chi ri ak'uala' yepe wik'in yin y man ke'q'et. Roma ri xke'ok chupan ri aj-chikajil ajawaren, xaxe ri e achi'el ri ak'uala', xcha'.

San Mateo 18:10

Man k'a tiwetzelaj ri más ruqasan-ri' chike ri nutijoxela', roma rije' kan e chajin-pe koma ángel ri ek'o rik'in ri nata'.

San Mateo 18:4

Xaxe k'a ri nuqasaj-ri' achi'el re jun ti ak'ual re', jari' ri más nim ruq'ij chupan ri aj-chikajil ajawaren.

1 Pedro 2:2

y tirayij k'a ri ruch'abel ri Dios richin yixk'iy y niwil kolotajik, achi'el ri taq ak'uala' ri k'a kalaxik, ri nikirayij ri tz'umaj richin yek'iy.

2 Timoteo 3:15

Roma kan k'a at ko'ol toq xawetamaj-pe ri tz'ibatel kan chupan ri loq'olej ruch'abel ri Dios. Y ri ch'abel ri' xuya' ana'oj y xuk'ut chawech chi k'o chi xakuquba' ak'u'x rik'in ri Cristo Jesús richin xakolotej chupan ri amak.

Apocalipsis 14:5

Y kan man jun tz'ukun-tzij ri eleneq ta pe pa kichi', xa kan e ch'ajch'oj chuwech ri Dios.

2 Timoteo 1:5

Chuqa' noqaqa chinuk'u'x chi kan qitzij akuquban-ak'u'x rik'in ri Dios, achi'el xkiben ri Loida ri awati't, y ri Eunice ri ate'. Y yin wetaman chi rat chuqa' kan junan ri akuqubabel-k'u'x kik'in rije'.

Efesios 4:26

Toq k'o nibanon chiwe chi yixoyower, man kixmakun. Y man tiya' q'ij chi k'a k'o na iwoyowal toq nitzaq-qa ri q'ij.

1 Corintios 14:20

Wach'alal, man k'a kixch'obon achi'el yech'obon ri ak'uala'; xaxe chuwech ri mak kan tibana' achi'el ri ak'uala', jak'a rik'in ri ich'obonik tibana' achi'el ri winaqi' e nima'q chik.

1 Corintios 7:14

Roma wi jun achin k'ulan rik'in jun qach'alal ixoq, ri achin ri' roma ri rixjayil rukuquban ruk'u'x, kan xtiban k'a chire chi achi'el xa ta richin chik ri Dios. Y chuqa' wi jun ixoq k'ulan rik'in jun qach'alal achin, y ri ixoq ri' roma ri rachijil rukuquban ruk'u'x kan xtiban k'a chire chi achi'el xa ta richin chik ri Dios. Wi man ta keri', chuqa' ri iwalk'ual rix e achi'el ta ri kalk'ual ri man kikuquban ta kik'u'x rik'in ri Dios. Jak'a man keri' ta, roma rije' kan e loq'olej-wi.

Romanos 11:28

Ek'o nuwinaq judío ri niketzelaj ri Dios, roma man kiniman ta ri utzilej ch'abel richin kolotajik. Y roma k'a man kiniman ta, ri Dios xuya' ri ruch'abel chiwe rix ri man ix judío ta. Jak'a kan k'a yerajo' na ri nuwinaq, roma e rucha'on y roma chuqa' ri rutzil ri xusuj chike ri ojer taq qati't-qamama'.

Romanos 11:16

Xa kan e achi'el k'a ri nabey sipanik ri nel chire ri ke'en ri richin ri kaxlan-wey ri nikiya' chire ri Dios. Roma ri nabey chire ri ke'en ri' kan loq'olej wi, keri' chuqa' ri ch'aqa' chik ke'en. Y wi ta jun wineq nusuj jun ruxe' che' chire ri Dios, xa kan ronojel ri ruq'a' ri che' ri' nok loq'olej richin ri Dios.

Hechos 3:25

Qichin k'a roj judío ri xusuj kan ri Dios koma ri e q'alajirisey ri xbix chike roma rija'. Y kan qichin chuqa' roj ri xusuj toq xuben ri jun jikibel-tzij kik'in ri qati't-qamama'. Roma xubij chire ri Abraham chi ri winaqi' ri ek'o chuwech re ruwach'ulew xtikik'ul k'a utzil roma ri riy-rumam rija', ri xtibe'alex.*f12*

Hechos 2:39

Roma jare' ri rusujun ri Dios, man xaxe ta chiwe rix, ni chike ri iwalk'ual, xa kan chike k'a konojel winaqi' ri ek'o nej-naqaj; roma konojel k'a re' e oyon roma ri qajaw Dios, xcha' ri Pedro.

Marcos 8:33

Jak'a toq ri Jesús xupiskolij-ri' y xerutzu' ri ch'aqa' chik rutijoxela', y xubij chire ri Pedro: Katel chiri' rat Itzel-Wineq roma man utz ta ri nach'ob. Roma ri ach'obonik rat xa kan junan rik'in ri nikich'ob ri winaqi', y man nach'ob ta juba' achike k'a ri nrajo' ri Dios, xcha'.

Marcos 3:5

Ri Jesús xerutzu' k'a rik'in royowal y chuqa' xbison-qa roma xerutz'et chi xa kowirineq ri kánima y man nikajo' ta nikinimaj. K'ari' rija' xubij chire ri achin ruwonon-ri' ri ruq'a': Tayuqu' la aq'a', xcha' chire. Y ri achin kan xuyuq ri ruq'a', y jari' toq xchojmir.

Wuj Richin ri Isaías 65:23

Man xkesamej ta chaq keri'. Chuqa' ri ak'uala' ri xke'alex, man xtipe ta ruk'ayewal pa kiwi', roma rije' y ri e kijatzul kan nuya'on urtisanik pa kiwi'.

Wuj Richin Bix Chire ri Dios 78:4

Man xtiqewaj ta k'a chikiwech ri qalk'ual xa kan xtiqatzijoj chike ri sol winaqi' ri e peteneq, ronojel ri xuben ri Jehová y ri nimalej ruchuq'a', keri' chuqa' ri meyel taq banobel ri xuben kik'in.

Deut 4:37

Rija' xerajo' ri qati't-qamama' y roma ri' xojrucha' roj y rik'in ri ruchuq'a' xojrukol pa ruq'a' ri Egipto.

Wuj Richin ri Q'axanri'il 14:31

Rix xibij chi ri iwalk'ual xke'uk'uex-el koma ri winaqi' ri e etzelanel iwichin. Jak'a yin man xtinya' ta q'ij chi keri' xtibanatej, roma ja yin xkiyuqen-el kichin, y xkenk'uaj chupan ri ruwach'ulew ri xiwixowaj rix.

Wuj Richin ri Rutikeribel 17:7

Ri jikibel-tzij ri xinben awik'in, chuqa' keri' xtinbenbana' kik'in konojel ri awijatzul, chi wiq chi tanaj ri xkepe chiqawech-apo richin q'asen, chi ja yin xkinok a-Dios y xkinok ki-Dios rije'.

1 Sam 1:22

Jak'a ri Ana man xbe ta q'anej kik'in, xa xubij k'a chire ri rachijil: Yin man yibe ta chiwij roma xa k'a xtinwelesaj na rutz'um ri ak'ual, k'ari' xkibe, richin xtink'uaj-el y ninjech pa ruq'a' ri Jehová, y xtik'oje' kan chiri' jumul, xcha' rija'.

1 Sam 1:11

Y xuben k'a jun jikibel-tzij rik'in ri Dios y kere' xubij: Wi rat Jehová kan at qitzij k'iytisanel richin ronojel, xtaya-pe jun ti wal ala', y yin kan xtinya' k'a chawe y kan xtok awichin chijun ruk'aslen y man xtisokex ta rusumal-ruwi', xcha'.

San Mateo 5:3

Jebel ruwa-kiq'ij ri noqaqa chikik'u'x chi kan nik'atzin ri Dios chupan ri kik'aslen, roma rije' kan ye'ok-wi chupan ri aj-chikajil ajawaren.

San Mateo 5:10

Jebel ruwa-kiq'ij ri nikik'owisaj tijoj-poqonal, roma choj ri kik'aslen chuwech ri Dios, roma rije' kan xke'ok chupan ri aj-chikajil ajawaren.

San Juan 3:3

Jak'a ri Jesús xubij chire: Yin kan qitzij k'a ninbij chawe: Ri achike k'a ri man xtuk'uaj ta jun chik k'ak'a' alaxik, man k'a xtik'oje' ta pa rajawaren ri Dios, xcha'.

San Juan 3:5

Ri Jesús xubij: Yin kan qitzij wi k'a re ninbij chawe: Ri k'ak'a' alaxik ri xinnataj, jari' ri niban roma ri Loq'olej Espíritu y ri ya', y ri man k'a xtikik'uaj ta ri jun k'ak'a' alaxik ri', man xke'ok ta pa rajawaren ri Dios.

Wuj Richin ri Josúe 8:35

Y man jun ch'abel ri man ta xsik'ix chikiwech ri winaqi', ri rubin kan ri Moisés chi nisik'ix chikiwech ri kimolon-ki'; jajun ri ixoqi' y ri ak'uala' y ri man e kiwinaq ta ri ek'o chikikojol rije'.