Marcos 1:35 - Kaqchiquel Bible

³⁵ Ri ruka'n q'ij toq k'a man jani tiseqer-pe, ri Jesús xyakatej-el y xbe akuchi kan man jun k'o, y chiri' xch'on-wi rik'in ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

³⁵ Ri Jesús kumaj saqer xyakatej, kꞌa qꞌequꞌ xel e, y xbꞌa pa jun lugar tzꞌiran chin xbꞌerubꞌanaꞌ orar.

Kaqchikel Santa Maria de Jesus

³⁵ Cumaj yan, can cꞌa kꞌakuꞌn, ri Jesús xiel-el pa tanamet y xꞌa chupan jun lugar pacheꞌ man jun vinak chi xbꞌarubꞌanaꞌ orar.

Kaqchikel Central Guatemala

³⁵ Nimak'a' yan ruca'n k'ij, ri Jesús xyacatej-el y xbe pa tz'iran ruvach'ulef richin xberubana' orar.

Re C'ac'a Testamento pa Kach'abal

³⁵ Namak'a-yan ruca'n k'ij, re Jesús xyacataj-a y xba chupan jun lugar re anche' manak vinak re nibex desierto cha, chin xbo'rbana' orar.

Kaqchikel Western Solola

³⁵ Nimak'a' yan ri ruca'n k'ij, can c'a mukmuj na, ri Jesús xyacatej el y xbe pa jun lugar ri acuchi (achique) majun winek c'o, riche (rixin) chi xberubana' orar.

Marcos 1:35 ပူးပေါင်းရင်းမြစ်များ

San Lucas 6:12

Chupan ri ruq'ijul ri', ri Jesús xbe k'a pa ruwi' jun juyu' richin xbech'on rik'in ri Dios. Y junaq'a' k'a xk'ase' chi ch'owen rik'in rija'.

Efesios 6:18

Y kan beneq k'a ruwech kixch'on rik'in ri Dios richin yixruto' y tiya' q'ij chire ri Loq'olej Espíritu chi yixruyuqej rik'in ri nik'utuj chire ri Dios. Kan jantape' tichajij-iwi' chikiwech ri e etzelanel iwichin, y man tiya' q'ij chi yixkich'ek. Chuqa' kan jantape' tik'utuj rutzil ri Dios pa kiwi' konojel qach'alal.

San Lucas 5:16

Roma ri' rija' xa pa tz'iran ruwach'ulew nibe-wi, richin chi nibech'on rik'in ri Dios.

Wuj Richin Bix Chire ri Dios 5:3

Jehová, nimaq'a' yan xtawak'axaj ri nuch'abel, nimaq'a' yan xtinya' chawech ronojel ri nik'atzin chuwe y xtinwoyobej.

Hebreos 5:7

Toq ri Cristo k'a k'o na wawe' chuwech re ruwach'ulew y xapon chuwech ri tijoj-poqonal, xch'on rik'in ri Dios rik'in ronojel ruchuq'a', xoq' y xuk'utuj chire chi tuto', roma retaman chi ri Dios kan nitikir-wi nuto' chuwech ri kamik. Y ri Dios kan xrak'axaj-wi ri Cristo, roma rija' kan ruya'on-wi ruq'ij ri Dios.

San Juan 6:15

Ri winaqi' xkich'ob chi nikiben ki-rey chire, stape' rija' man nrajo' ta. Roma ri' ri Jesús xjote-q'anej pa ruwi' ri juyu', roma kan nrajo' chi nik'oje' ruyon.

San Mateo 14:23

Jak'a toq e rutaqon chik el ri winaqi' chi taq kachoch, ri Jesús ruyon k'a xjote-el pa ruwi' jun juyu' richin nich'on rik'in ri Dios. Y kan k'a chiri' k'a k'o-wi ruyon toq kan okineq chik ri aq'a'.

Filipenses 2:5

Kan kixch'obon k'a rix achi'el xch'obon ri Cristo:

San Juan 4:34

K'ari' ri Jesús xubij chike: Ri nuway yin ja ri ninben ri rurayibel ri taqayon-pe wichin y nink'is kan rubanik ronojel ri rusamaj ri ruchilaben-pe chuwe.

Wuj Richin Bix Chire ri Dios 109:4

Yin janila utz xinben kik'in, jak'a rije' xa xe'ok etzelanel wichin. Man rik'in ri' yin kan jantape' yich'on awik'in.

San Mateo 14:13

Ri Jesús kan xaxe k'a xrak'axaj-el ronojel ri banatajineq, xok-el pa jun barco e rachibilan-el ri rutijoxela', y xq'ax juk'an ruchi' ri choy richin Galilea, roma rija' nrajo' nik'oje' ruyon. Jak'a toq ri winaqi' xkak'axaj-el, chikaqen k'a xebe ri pa taq tinamit richin xe'apon k'a akuchi k'o chi napon-wi ri Jesús.

Marcos 1:36

Jak'a ri Simón y ri e rachibil xebe chukanoxik.