Marcos 1:15 - Kaqchiquel Bible

¹⁵ y xubij: Ri q'ij ri rubin-pe ri Dios kan xtz'aqet yan, y xa naqaj chik k'o-wi-pe ri q'ij richin ri rajawaren ri Dios. Roma ri' titzolej k'a pe ik'u'x rik'in ri Dios y tinimaj ri utzilej ruch'abel richin kolotajik, xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ y ndubꞌilaꞌ: Ja xuqaqa ri tiempo rubꞌanun pe ruwech ri Dios, y ja qꞌij chik chi ri Dios ndutzꞌuk ndubꞌen reinar. Romariꞌ tiyaꞌ kan ri mak, titzolij pe iwánima rikꞌin ri Dios, y titaqij ri utzulej teq tzij chin kolotajik.

Kaqchikel Santa Maria de Jesus

¹⁵ y nuꞌej: Vacame cꞌa, ja xalka ri tiempo ri ruꞌeꞌn ri Dios; xa cierca chic cꞌo-ve-pa ri ru-reino. Titzalaj-pa ivánima riqꞌuin ri Dios y tibꞌanaꞌ ri nrajoꞌ jajaꞌ y tinimaj ri evangelio, nchaꞌ chica.

Kaqchikel Central Guatemala

¹⁵ y nubij c'a: Ri tiempo ri rubin can ri Dios chi ri vinek ye'oc pa rajavaren o pa ruk'a' rija', xoka' yan c'a. Titzolej c'a pe ic'u'x y tinimaj ri utzilej ch'abel richin colotajic, nicha' c'a rija' chique.

Re C'ac'a Testamento pa Kach'abal

¹⁵ Y nubij: Re k'ij re rubin can re Dios che re vinak ye'oc pa ruk'a' reja', xbeka-yan. Tinimaj re utzulaj ch'abal chin re Dios re nibex evangelio cha, y tijalataj re ic'aslen chach re Dios, nicha' reja' chique.

Kaqchikel Western Solola

¹⁵ y nubij c'a: Xtz'aket yan c'a ri tiempo, ri rajawaren ri Dios xa nakaj chic c'o wi pe. Titzolin c'a pe ic'u'x y tinimaj ri lok'olaj ch'abel ri niya'o colotajic, nicha' chique.

Marcos 1:15 ပူးပေါင်းရင်းမြစ်များ

Dn 2:44

Chupan k'a ri q'ij toq ri winaqi' richin chijun ruwach'ulew k'o chik ri q'atbel tzij kik'in, jari' k'a toq ri Dios xtoruya-qa jun q'atbel-tzij ri kan richin rija' ri man jun xtiwulan richin. Ri q'atbel-tzij ri' kan man xtiya'ox ta k'a pa kiq'a' ri winaqi'. Kan xkeruk'is k'a ronojel ri q'atbel taq tzij ri ek'o chuwech ri ruwach'ulew, y ja ri q'atbel-tzij richin rija' ri xtik'oje' jantape'.

Dn 9:25

Ja juna' ri' nitikeriba' richin niwajlaj toq xtel ri rutzijol chi nipabex chik q'anej jun bey ri tz'aq richin ri tinamit Jerusalem. Toq xkechojmirisex k'a ri tz'aq y ri bey ri chiri', kan xtuk'uaj k'a kawineq beleje' juna', y kan xtik'oje' janila ruk'ayewal. Y k'o chi nikiq'axaj chik 434 juna' k'a toq xtoqaqa na ri jun tata'al ri taqon-pe roma ri Dios.

San Mateo 10:7

Rokik k'a ichapon bey, kan titzijoj k'a chi naqaj chik k'o-pe ri q'ij richin ri aj-chikajil ajawaren.

San Mateo 3:2

Y rija' nubij k'a chike ri winaqi' ri xe'apon rik'in: Kan titzolej k'a pe ik'u'x rik'in ri Dios, roma xa kan naqaj chik k'o-wi-pe ri q'ij richin ri aj-chikajil ajawaren, nicha' chike.

San Mateo 4:17

Kan ja ri chiri' toq ri Jesús xuchop-pe rutzijoxik ri ruch'abel ri Dios, y nubij k'a chike ri winaqi': Kan titzolej k'a pe ik'u'x rik'in ri Dios, roma xa kan naqaj chik k'o-wi-pe ri q'ij richin ri aj-chikajil ajawaren, nicha' chike.

San Lucas 10:11

Ri poqolaj richin re tinamit re' ri k'o-el pa qaqen, niqatotaj kan chiwech, richin keri' tiwetamaj chi man utz ta ri xiben chi man xojik'ul ta jebel. Y tiwetamaj kan chuqa' chi ri q'ij richin chi ri winaqi' ye'ok pa rajawaren ri Dios naqaj chik k'o-wi-pe, y rix kan xsuj k'a chiwe, xkixcha' kan.

San Lucas 10:9

Ke'ik'achojirisala' k'a ri yawa'i' ri ek'o chiri', y tibij k'a chike chi ri q'ij richin chi rije' ye'ok pa rajawaren ri Dios, xa naqaj chik k'o-wi-pe.

San Lucas 24:47

y chi ek'o ri xkebe pa nubi' yin richin xtibekitzijoj ri ruch'abel ri Dios chike ri winaqi', chi titzolin-pe kik'u'x rik'in ri Dios richin nikuyutej kimak. Nitikeribex-el re wawe' pa Jerusalem.

Hechos 20:21

Chike ri nuwinaq judío y chike ri winaqi' man e judío ta, nuq'alajirisan k'a chuqa' chi titzolej-pe kik'u'x rik'in ri Dios y tikikuquba' kik'u'x rik'in ri qajaw Jesucristo.

Romanos 16:26

Wakami xq'alajirisex yan k'a, y roma ri' toq niq'ax chiqawech ri e tz'iban kan koma ri q'alajirisey ruch'abel ri Dios ri xek'oje' ojer kan. Ri Dios ri k'o richin jantape', rubin kan chi titzijox chike konojel tzobaj winaqi', y jari' ri najin wakami, richin chi tikikuquba' kik'u'x rik'in rija' y tikinimaj ri rutzij.

Gálatas 4:4

Jak'a toq xoqaqa ri q'ij ri cha'on roma ri Dios, rija' xuteq k'a pe ri ruk'ajol y xo'alex-qa rik'in jun ixoq. Y roma chiqakojol roj judío xalex-wi ri ruk'ajol, xk'oje' k'a chuxe' ri pixa' richin ri Moisés.

Efesios 1:10

Rija' ruch'obon-pe chi chupan re ruk'isibel taq q'ij xtuya' ronojel pa ruq'a' ri Cristo: Ronojel ri k'o chila' chikaj y ronojel ri k'o wawe' chuwech re ruwach'ulew xa jun xtikiben pa ruq'a'.

1 Timoteo 2:6

rija' xuya-ri' pa kamik richin xutoj ri qamak qonojel. Y ri' xchap rutzijoxik toq xapon ri q'ij.

Tito 1:3

Y xapon k'a ri q'ij toq ri Dios qakolonel xuq'alajirisaj ri ch'abel ri', y xuya' k'a q'ij chuwe richin nintzijoj. Y kan janila xuchilabej chuwe chi kan ta ninben re samaj re'.